ഇഫ്താർ ടെന്‍റുകൾക്ക് അനുമതി നൽകി ഷാർജ; മാർഗനിർദേശങ്ങൾ പുറത്തിറക്കി

ദുബായ്: കൊവിഡ് വർധിച്ച സാഹചര്യത്തിൽ ആയിരുന്നു ഇഫ്താർ ടെന്റുകൾക്ക് യുഎഇ വിലക്ക് ഏർപ്പെടുത്തിയത്. കഴിഞ്ഞ രണ്ട് വർഷമായി യുഎഇ ഇത് നിർത്തി വെച്ചിരിക്കുകയാണ്. എന്നാൽ ഈ വർഷം റമദാനിന് ടെന്റുകൾ തുറക്കാൻ അനുമതി നൽകി. ടെന്‍റിനകത്ത് പരസ്പരം കുറഞ്ഞത് ഒരു മീറ്ററെങ്കിലും അകലം ഉണ്ടായിരിക്കണം. എല്ലാ വശങ്ങളിൽനിന്നും തുറന്നിരിക്കുന്ന തരത്തിൽ ആയിരിക്കണം നിർമ്മിക്കേണ്ടത്. എയർ കണ്ടീഷൻഡ് ചെയ്ത രൂപത്തിൽ ആയിരിക്കണം ഇത് നിർമിക്കേണ്ടത്.

Also Read: ബാഹുബലിക്ക് ശേഷം വന്ന രാജമൗലി ചിത്രം ആര്‍.ആര്‍.ആര്‍ തിയേറ്ററുകളില്‍ പ്രേക്ഷകര്‍ ആഘോഷമാക്കുകയാണ്. സിനിമയിലെ ചില ഭാഗങ്ങൾ ട്രോളുകളിൽ നിറയുന്നുണ്ട്. സോഷ്യൽ മീഡിയയിൽ വൈറലായ ട്രോളുകൾ കാണാം.

ഏത് ഭാഗത്ത് ആണ് തുറക്കുന്നതെന്ന് മുൻക്കൂട്ടി അധികൃതരെ അറിയിക്കണം. ഇഫ്താറിന് ആവിശ്യമായ ഭക്ഷണങ്ങൾ ഒരുക്കുന്നതിന് വേണ്ടിയുള്ള മാർഗനിർദേശങ്ങൾ പുറത്തിറക്കി. പലഹാരങ്ങളും ഭക്ഷണങ്ങളും ടെന്റുകളിൽ പ്രദർഷിപ്പിക്കാൻ അനുമതി ഉണ്ടായിരിക്കും. ബേക്കറികളും കഫ്റ്റീരിയകളും ഷാർജ മുൻസിപാലിറ്റിയിൽ നിന്നും ഇതുമായി ബന്ധപ്പെട്ട പെർമിഷൻ എടുത്തിരിക്കണം. മണൽ പ്രദേശങ്ങൽ അല്ലാത്ത പ്രദേശങ്ങളിലും നടപ്പാതകളിലും ഭക്ഷണം പ്രദർശിപ്പിക്കാവുന്നതാണ്.

Also Read: കുവൈറ്റില്‍ റമദാന്‍ പിരിവുകാര്‍ക്ക് സഹായം ചെയ്യുന്നവര്‍ ജാഗ്രതൈ! നിങ്ങളെ നിരീക്ഷിക്കാന്‍ പ്രത്യേത സംഘം

കൂടാതെ റമദാനെ വരവേൽക്കാൻ വേണ്ടി നിരവധി സൗകര്യങ്ങൾ ആണ് ഒരുക്കിയിരിക്കുന്നത്. തറാവീഹ് നമസ്കാരത്തിനായി എത്തുന്നവർക്ക് പള്ളിയുടെ അടുത്ത് തന്നെ പാർക്കിങ് സൗകര്യം ഒരുക്കിയിട്ടുണ്ട്. പ്രാർഥനാ സമയത്ത് ഈ സ്ഥലങ്ങളിലെ പാർക്കിങ് ഫ്രീ ആയിരിക്കും. അല്ലാത്ത സമയങ്ങളിൽ പാർക്കിങ് ഫീസ് ഇടാക്കുന്നതാണ്. വാഹനങ്ങൾ പാർക്കിങ് ചെയ്യുന്ന സ്ഥലത്ത് മറ്റ് വാഹനങ്ങൾക്ക് ബുദ്ധിമുട്ട് ഉണ്ടാക്കുന്ന സാഹചര്യം ഉണ്ടായാൽ ശക്തമായ നടപടി സ്വീകരിക്കും. റമദാനിൽ പകൽ സമയത്ത് ഭക്ഷണം വിൽക്കുന്ന കടകൾക്ക് പെർമിഷനുകൾ നൽകിയിട്ടുണ്ട്. അനുമതി നൽകിയിട്ടുള്ള ഷോപ്പിങ് മാളുകളിലും ഭക്ഷണം വിൽക്കാൻ സാധിക്കും. എന്നാൽ ഹോട്ടലുകളിലും റെസ്റ്റോറന്റുകളിലും ഭക്ഷണം ഇരുന്ന് കഴിക്കാനുള്ള അനുമതി ഉണ്ടായിരിക്കില്ല.