തൊഴിൽ മന്ത്രാലയത്തിൽ പരാതി നൽകിയതിന്റെ പേരിൽ ജീവനക്കാരെ പിരിച്ചുവിടരുത്: യുഎഇ

യുഎഇ: തൊഴിലുമായി ബന്ധപ്പെട്ട് എന്തെങ്കിലും പരാതി നൽകിയാൽ ജീവനക്കാരെ പിരിച്ചുവിടുന്ന നടപടി പാടില്ലെന്ന് മന്ത്രാലയം അറിയിച്ചു. തൊഴിൽ കരാർ അവസാനിപ്പിക്കുമ്പോൾ രണ്ട് പേരും രേഖാമൂലം ഇത് പരസ്പരം അറിയിക്കണം. രേഖാമൂലം അറിയിച്ചില്ലെങ്കിൽ ഇതിന് നിയമസാധ്യത ഉണ്ടാകില്ലെന്ന് മന്ത്രാലയം അറിയിച്ചു. നോട്ടീസ് പിരിയഡിൽ ഇത് ബാധകമല്ല. ഈ സമയത്ത് പൂർണ വേതനം നൽകണം. അതിൽ ഒരു വീഴ്ചയും പാടില്ലെന്ന് തൊഴിൽ മന്ത്രാലയം അറിയിച്ചു.

Also Read: പുതുതായി കുവൈറ്റില്‍ ജോലിക്കെത്തുന്നവര്‍ യോഗ്യതാ പരീക്ഷ പാസ്സാവണം; പാസാവാത്തവരെ തിരിച്ചയക്കും

തൊഴിലിൽ നിന്നും പറഞ്ഞു വിട്ട് കഴിഞ്ഞാൽ ആ ദിവസം മുതലുള്ള നിശ്ചിത കാലയളവ് നോട്ടിസ് പീരിയഡായി പരിഗണിക്കും. രണ്ട് പേരും തമ്മിൽ തർക്കം ഉണ്ടായാൽ മാനവ വിഭവശേഷി, സ്വദേശിവൽക്കരണ മന്ത്രാലയത്തിലോ കോടതിയിലോ പരാതിപ്പെടുകയോ ചെയ്താൽ പിന്നീട്
ജോലിയിൽ നിന്നും പിരിച്ചുവിടാൻ പാടില്ല. ഫെഡറൽ തൊഴിൽ നിയമം 42/33 പ്രകാരം ചില കാര്യങ്ങൾ റദ്ദാക്കാൻ തൊഴിലുടമയ്ക്ക് അവകാശം ഉണ്ട്. 2021ലാണ് ഈ നിയമം വന്നത്.

Also Read: ബോംബിംഗ് കേസില്‍ കുറ്റവിമുക്തനായ വ്യക്തി തനിക്കെതിരെ ട്വീറ്റ് ചെയ്ത 4000 പേര്‍ക്കെതിരേ കേസ് നല്‍കി; സംഭവം കുവൈറ്റില്‍

തൊഴിൽ ഉടമ മരണപ്പെടുന്ന സാഹചര്യം, തൊഴിൽ കരാർ പുതുക്കേണ്ടതില്ലെന്ന് രണ്ട് പേരും തീരുമാനിച്ചാൽ, തൊഴിലാളി മരണപ്പെടുകയോ ജോലിക്ക് എത്താൻ സാധിക്കാത്ത വിധത്തിൽ അസുഖം ബാധിക്കുകയോ ചെയ്താൽ. തൊഴിലാളി ജയിലിൽ ആയാൽ, ജോലി ചെയ്യുന്ന സ്ഥാപനം പൂട്ടിപോയാൽ, ലേബർ കാർഡ് പുതുക്കാനുള്ള വ്യവസ്ഥകൾ തെറ്റിച്ചാൽ എല്ലാം തൊഴിലുടമയ്ക്ക് കരാൽ റദ്ദാക്കാൻ സാധിക്കും.

Read Latest Gulf News and Malayalam News