യുഎഇയിൽ 714 പേർക്ക് കൂടി രോഗമുക്തി; ആക്ടീവ് കേസുകൾ 13,389

അബുദാബി: കൊവിഡ്-19 കേസുകളിൽ വർധന തുടരുന്ന യുഎഇയിൽ കഴിഞ്ഞ 24 മണിക്കൂറിനുള്ളിൽ 1107 പേർക്ക് കൂടി കൊവിഡ് ബാധ സ്ഥിരീകരിച്ചു. 2 മരണവും ഈ സമയപരിധിക്കുള്ളിൽ സംഭവിച്ചതായി ആരോഗ്യ മന്ത്രാലയം വ്യക്തമാക്കി.

ഇന്ന് 714 പേർക്കാണ് രോഗമുക്തിയുണ്ടായത്. ഇതോടെ ഔദ്യോഗിക കണക്കുകൾ പ്രകാരം രാജ്യത്ത് ഇതുവരെ 1,68,860 പേർക്കാണ് കൊവിഡ് സ്ഥിരീകരിച്ചത്. 1,54,899 പേർ രോഗമുക്തി നേടിയപ്പോൾ 572 പേർക്ക് ഇതുവരെ ജീവൻ നഷ്‌ടമായെന്നും അധികൃതർ വ്യക്തമാക്കി.

Also Read : കുട്ടികളുമായി വിദേശ യാത്ര പോയോ? ദുബായിൽ തിരിച്ചെത്തുമ്പോൾ ശ്രദ്ധിക്കേണ്ടത്: 6 നിർദേശങ്ങൾ

നിലവില്‍ 13,389 കൊവിഡ് രോഗികളാണ് യുഎഇയിലുള്ളത്. കഴിഞ്ഞ 24 മണിക്കൂറിനിടെ നടത്തിയ 87,514 കൊവിഡ് പരിശോധനകളാണ് രാജ്യത്ത് നടത്തിയത്. ഇതുവരെ 1.67 കോടി കൊവിഡ് പരിശോധനകള്‍ യുഎഇയില്‍ നടത്തിയതായാണ് ഔദ്യോഗിക കണക്കുകള്‍.

അതേസമയം ഒമാനിൽ തിങ്കളാഴ്ച 215 പേർക്കാണ് പുതുതായി രോഗം സ്ഥിരീകരിച്ചത്. ഇതുവരെ കൊവിഡ് സ്ഥിരീകരിക്കപ്പെട്ടവരുടെ എണ്ണം 123,699 ആയി. അഞ്ച് പേർ കൂടി കൊവിഡ് ബാധിച്ച് മരിച്ചതായും ആരോഗ്യ മന്ത്രാലയം വ്യക്തമാക്കി. ഇതോടെ ആകെ മരണസംഖ്യ 1423 ആയി ഉയർന്നിട്ടുണ്ട്.

Also Read: കൊവിഡ് ചികില്‍സയില്‍ വന്‍ നേട്ടവുമായി യുഎഇ; സ്‌റ്റെം സെല്‍ തെറാപ്പിയിലൂടെ 5000 പേര്‍ക്ക് രോഗമുക്തി

രാജ്യത്ത് കഴിഞ്ഞ 24 മണിക്കൂറിനിടെ 253 പേർക്കാണ് രോഗമുക്തി ലഭിച്ചത്. ഇതുവരെ 115216 പേർ രോഗമുക്തരായതായും മന്ത്രാലയം വ്യക്തമാക്കി. നിലവില്‍ 210 പേരാണ് വിവിധ ആശുപത്രികളിലായി ചികിത്സയിലുള്ളത്.