യുഎഇയിൽ ഇന്ന് മൂന്ന് കൊവിഡ് മരണം; 1269 പുതിയ രോഗികള്‍

ദുബായ്: യുഎഇയിൽ പ്രതിദിന രോഗബാധയിൽ ഇന്നും കുറവില്ല. 24 മണിക്കൂറിനിടെ 1,269 പേർക്ക് കൊവിഡ്-19 സ്ഥിരീകരിച്ചു. അതേസമയം, രോഗമുക്തരുടെ എണ്ണത്തിലും വലിയ വർധനവില്ലെന്നത് ആശങ്ക ഉയർത്തുന്നുണ്ട്. 840 പേർക്കാണ് കഴിഞ്ഞ 24 മണിക്കൂറിനിടെ രോഗമുക്തി ലഭിച്ചത്.

Also Read : അബുദാബി ജീവനക്കാര്‍ക്ക് സന്തോഷ വാര്‍ത്ത; താമസ-വിദ്യാഭ്യാസ ചെലവുകള്‍ സര്‍ക്കാര്‍ വഹിക്കും

ഇന്ന് മൂന്ന് മരണങ്ങളാണ് കൊവിഡിനെ തുടർന്ന് രാജ്യത്ത് റിപ്പോര്‍ട്ട് ചെയ്തിരിക്കുന്നത്. ഇതോടെ കൊവിഡ് ബാധമൂലം ജീവൻ നഷ്ടമായവരുടെ എണ്ണം 547 ആയി ഉയർന്നെന്ന് യുഎഇ ആരോഗ്യമന്ത്രാലയം വ്യക്തമാക്കി.

Also Read : നഗ്രോട്ട ഏറ്റുമുട്ടൽ: ഭീകരാക്രമണത്തിനുള്ള പാക് പദ്ധതി ഇന്ത്യ പരാജയപ്പെടുത്തിയതായി പ്രധാനമന്ത്രി

പ്രതിദിന രോഗബാധ ആയിരത്തിന് മുകളിൽ ഉയർന്ന് നിൽക്കുന്ന സാഹചര്യത്തിൽ പരിശോധനാ നിരക്കും ഉയര്‍ത്തിയിട്ടുണ്ട്. 1,29,558 സാമ്പിളുകളാണ് പരിശോധിച്ചത്. ആകെ 15.4 ദശലക്ഷം സാമ്പിളുകളാണ് ഇതുവരെ പരിശോധനയ്ക്ക് വിധേയമാക്കിയിരിക്കുന്നത്.

ഇതുവരെ 1,56,523 പേർക്കാണ് യുഎഇയിൽ കൊവിഡ് സ്ഥിരീകരിച്ചത്. അതിൽ 1,47,309 പേരാണ് ഇതുവരെ രോഗമുക്തി നേടിയിരിക്കുന്നത്. 8,667 സജീവ രോഗികളാണ് ഇപ്പോൾ യുഎഇയിലുള്ളത്.

Also Read : Fact Check: 'അല്ല ഇത് ടിപ്പു സുൽത്താൻ അല്ല'; അബദ്ധം പ്രചരിപ്പിക്കല്ലേ

കഴിഞ്ഞ ആഴ്ചയിലെ പുതിയ അണുബാധ കേസുകള്‍ 60 ശതമാനത്തിൽ അധികവും ഇറാൻ, ജോർദാൻ, മൊറോക്കോ എന്നിവിടങ്ങളിൽ നിന്നുള്ളതാണ്. പാക്കിസ്ഥാനിലും ലെബനാനിലും കേസുകൾ ഉയർന്നിട്ടുണ്ട്. ജോർദാൻ, ടുണീഷ്യ, ലെബനൻ എന്നീ മേഖലകളിൽ നിന്നുള്ള ഏറ്റവും വലിയ ഏകദിന മരണനിരക്ക് റിപ്പോർട്ട് ചെയ്തിട്ടുണ്ട്.