യുഎഇയിൽ ഏറ്റവും ഉയര്‍ന്ന് രോഗമുക്തി: 24 മണിക്കൂറിനിടെ രണ്ടായിരത്തിലധികം ആളുകള്‍ക്ക് രോഗം ഭേദമായി

അബുദാബി: കൊവിഡ്-19 ന്റെ രണ്ടാം തരംഗം ഉയര്‍ത്തുന്ന ഭീഷണിക്കിടെ യുഎഇയിൽ ഇന്ന് 1,400 പേർക്ക് കൂടി രോഗബാധ സ്ഥിരീകരിച്ചു. അതേസമയം, ഏറ്റവുമധികം കൊവിഡ് രോഗമുക്തി റിപ്പോര്‍ട്ട് ചെയ്ത ദിവസമാണ് ഇന്ന്.

Also Read : അബുദാബി ഖലീഫ സിറ്റിയിൽ പുതിയ ലുലു ഹൈപ്പര്‍മാര്‍ക്കറ്റ്; കൊവിഡ് 'തരണം ചെയ്‍ത്' എം എ യൂസഫലി

കഴിഞ്ഞ 24 മണിക്കൂറിനുള്ളിൽ 2,189 പേർ രോഗമുക്തി നേടി. കൊവിഡ് സ്ഥിരീകരിച്ച് ചികിത്സയിൽ കഴിഞ്ഞിരുന്ന മൂന്ന് പേർ കൂടി മരിച്ചതായും ആരോഗ്യ രോഗ പ്രതിരോധ മന്ത്രാലയം പുറത്തുവിട്ട കണക്കുകൾ വ്യക്തമാക്കുന്നത്.

Also Read : 'പാലാരിവട്ടം അഴിമതി, പത്ത് കോടി കള്ളപ്പണം...'; ഇബ്രാഹിംകുഞ്ഞിനെ ചോദ്യം ചെയ്‍ത്‍ എൻഫോഴ്‍സ്‍മെന്‍റ്‍

ഇതുവരെ യുഎഇയിൽ 1,29,024 പേർക്കാണ് യുഎഇയിൽ ഇതുവരെ കൊവിഡ് സ്ഥിരീകരിച്ചിട്ടുള്ളത്. ഇതിൽ 1,24,647 പേർക്ക് രോഗമുക്തി നേടുകയും ചെയ്തു. കൊവിഡ് സ്ഥിരീകരിച്ച 485 പേർക്കാണ് ഇതുവരെ ജീവൻ നഷ്‌ടമായിരിക്കുന്നത്.

യുഎഇയിലെ വിവിധ ആശുപത്രികളിലായി ഇപ്പോള്‍ 3,892 പേർ ചികിത്സയിലാണെന്നും ആരോഗ്യവകുപ്പ് അധികൃതർ പറഞ്ഞു.

Also Read : Fact Check: മെട്രോ സ്റ്റേഷനിലെ ലിഫ്റ്റിനുള്ളിൽ യുവതിക്ക് നേരെ ആക്രമണം; സത്യമെന്ത് ?

രാജ്യത്ത് തുടര്‍ച്ചയായി ആയിരത്തിലധികം രോഗബാധ കേസുകള്‍ റിപ്പോര്‍ട്ട് ചെയ്തതിനെ തുടര്‍ന്ന് പരിശോധനയും ഉയര്‍ത്തിയിട്ടുണ്ട്. ഇന്ന് 1,04,673 പരിശോധനകള്‍ കൂടി പുതുതായി നടത്തിയിട്ടുണ്ട്. ഇതോടെ രാജ്യത്തെ ആകെ കൊവിഡ് പരിശോധനകളുടെ എണ്ണം 12.7 ദശലക്ഷമായെന്നും ഭരണകൂടം അറിയിച്ചു. കൊവിഡ് കേസുകൾ വർധിക്കുന്ന സാഹചര്യത്തിൽ ആശുപത്രികളിലും വീടുകളിലുമായി ചികിത്സയിലും നിരീക്ഷണത്തിലും കഴിയുന്നവരുടെ എണ്ണത്തിൽ വർധനയുണ്ട്.