ദുബായ്: രാജ്യത്തിന്റെ ദേശീയതയെ ഉയര്ത്തിപ്പിടിക്കുകയും പ്രോത്സാഹിപ്പിക്കുകയും ചെയ്യുന്നതിനുള്ള മാര്ഗ്ഗനിര്ദ്ദേശങ്ങള് കൃത്യമായി പാലിക്കണമെന്ന് യുഎഇ വിദ്യാഭ്യാസ മന്ത്രാലയം സ്വകാര്യ സ്കൂളുകളോട് ആവശ്യപ്പെട്ടു. ഇവ ലംഘിക്കുന്നവര്ക്ക് കനത്ത പിഴ ചുമത്തുമെന്നും മന്ത്രാലയം മുന്നറിയിപ്പ് നല്കി. വിദ്യാര്ഥികളുടെ പഠനാന്തരീക്ഷം സജ്ജീകരിക്കുന്നതിന് വിദ്യാഭ്യാസ സ്ഥാപനങ്ങള് പാലിക്കേണ്ട ഒമ്പത് നിര്ദേശങ്ങളുടെ പട്ടിക മന്ത്രാലയം ട്വിറ്റര് സന്ദേശത്തില് വ്യക്തമാക്കി. അതില് പറയുന്ന നിര്ദ്ദേശങ്ങള് ചുവടെ:- Also Read: ടിപ് തുക കൊണ്ട് ബിഗ് ടിക്കറ്റെടുത്തു; വിജയിയായി പ്രഖ്യാപിച്ചപ്പോള് ഇന്ത്യയില്, നേരെ യുഎഇയിലേക്ക്; ഇന്ത്യക്കാരന് നേടിയത് 67 കോടിയിലധികം രൂപ
പുതിയ സ്കൂള് യൂണിഫോമിന് പകരമായി പൊതുവിദ്യാലയങ്ങളിലെ ആണ്കുട്ടികള്ക്ക് പരമ്പരാഗത ഇമാറാത്തി വസ്ത്രം അഥവാ കന്തൂറ ധരിക്കാന് അധികൃതര് നേരത്തേ അനുമതി നല്കിയിരുന്നു. ആണ്കുട്ടികള്ക്കുള്ള സ്കൂള് യൂണിഫോമിനേക്കാള് ചില രക്ഷിതാക്കള് കന്തൂറയാണ് ഇഷ്ടപ്പെടുന്നതെന്ന് ഒരു സര്വേ വ്യക്തമാക്കിയതിനെ തുടര്ന്നാണ് അവര്ക്ക് ഇമാറാത്തി ദേശീയ വസ്ത്രം ധരിക്കാന് അധികൃതര് അനുവാദം നല്കിയത്.
Read Latest Gulf News and Malayalam News
- യുഎഇയുടെ പൊതു ധാര്മ്മികതയും മൂല്യങ്ങളും സംസ്കാരവും കൃത്യമായി പാലിക്കണം.
- യുഎഇയുടെ ചിഹ്നങ്ങളെയും പരമാധികാരത്തെയും ബഹുമാനിക്കണം.
- സ്കൂള് ഏത് എമിറേറ്റിലാണോ സ്ഥിതി ചെയ്യുന്നത് അവിടെ അംഗീകരിച്ച മാര്ഗ്ഗ നിര്ദ്ദേശങ്ങള്ക്ക് അനുസൃതമായി ഭരണാധികാരികളുടെ ഔദ്യോഗിക ചിത്രങ്ങള് പ്രദര്ശിപ്പിക്കണം.
- രാവിലെ അസംബ്ലി സമയത്ത് യുഎഇയുടെ ദേശീയ ഗാനം മാത്രം അവതരിപ്പിക്കണം.
- മാര്ഗ്ഗനിര്ദ്ദേശങ്ങള്ക്കനുസൃതമായി സ്കൂളില് യുഎഇയുടെ പതാക മാത്രം ഉയര്ത്തണം.
- യുഎഇ നേതാക്കള് ഒഴികെയുള്ള വ്യക്തികളുടെയോ ചിഹ്നങ്ങളുടെയോ ചിത്രങ്ങളോ പെയിന്റിംഗുകളോ സ്കൂളില് സ്ഥാപിക്കരുത്.
- യുഎഇയുടെ പാരമ്പര്യങ്ങള്ക്കും ആചാരങ്ങള്ക്കും അനുസൃതമായിട്ടായരിക്കണം ജീവനക്കാരുടെ വസ്ത്രധാരണം.
- പാഠ്യേതര പ്രവര്ത്തനങ്ങള്, ആഘോഷങ്ങള്, വിദ്യാര്ഥികളുടെ പരിപാടികള് എന്നിവ നടത്തുന്നതിന് മുന്കൂര് അംഗീകാരം നേടിയിരിക്കണം.
- പാഠ്യപദ്ധതിയിലോ പഠന വിഭവങ്ങളിലോ യുഎഇയുടെ നിയമങ്ങളുടെയോ സംസ്കാരം, മൂല്യങ്ങള്, സമൂഹത്തിന്റെ ദേശീയ ഉറച്ച തത്വങ്ങള് എന്നിവയ്ക്ക് എതിരായ കാര്യങ്ങളില് ഉള്പ്പെടുന്നില്ലെന്ന് ഉറപ്പാക്കണം.
പുതിയ സ്കൂള് യൂണിഫോമിന് പകരമായി പൊതുവിദ്യാലയങ്ങളിലെ ആണ്കുട്ടികള്ക്ക് പരമ്പരാഗത ഇമാറാത്തി വസ്ത്രം അഥവാ കന്തൂറ ധരിക്കാന് അധികൃതര് നേരത്തേ അനുമതി നല്കിയിരുന്നു. ആണ്കുട്ടികള്ക്കുള്ള സ്കൂള് യൂണിഫോമിനേക്കാള് ചില രക്ഷിതാക്കള് കന്തൂറയാണ് ഇഷ്ടപ്പെടുന്നതെന്ന് ഒരു സര്വേ വ്യക്തമാക്കിയതിനെ തുടര്ന്നാണ് അവര്ക്ക് ഇമാറാത്തി ദേശീയ വസ്ത്രം ധരിക്കാന് അധികൃതര് അനുവാദം നല്കിയത്.
Read Latest Gulf News and Malayalam News