ദുബായ്: ദുബായിൽ വീസയ്ക്ക് അപേക്ഷിക്കുമ്പോൾ വ്യക്തമായ വിവരങ്ങൾ നൽകാൻ ശ്രദ്ധിക്കണമെന്ന് ജനറൽ ഡയറക്ടറേറ്റ് ഓഫ് റസിഡൻസി ആൻഡ് ഫോറിനേഴ്സ് അഫയേഴ്സ് ഉപയോക്താക്കളോട് അഭ്യർത്ഥിച്ചു. ഇക്കാര്യം മുൻപും വകുപ്പ് പൊതുജനങ്ങളെ അറിയിച്ചതാണെന്നും എന്നിട്ടും ഇക്കാര്യത്തിൽ സേവനം തേടുന്നവർ നിരന്തരം അശ്രദ്ധ വരുത്തുന്നുണ്ടെന്നും അധികൃതർ പറയുന്നു. അത്തരമൊരു സാഹചര്യത്തിലാണ് ജിഡിആർഎഫ്എ വീണ്ടും ഇക്കാര്യം പൊതുജനങ്ങളെ അറിയിക്കുന്നതെന്ന് ജിഡിആർഎഫ്എ ദുബായ് വ്യക്തമാക്കി
ദുബായിൽ ഏറ്റവും വേഗത്തിലാണ് വീസാ സേവനം ലഭിക്കുന്നത്. അപേക്ഷകളിലെ വ്യക്തത നടപടിക്രമങ്ങൾ കൂടുതൽ വേഗത്തിലാക്കുമെന്ന് ജിഡിആർഎഫ്എ ദുബായ് മേധാവി ലഫ്റ്റനന്റ് ജനറൽ മുഹമ്മദ് അഹ്മദ് അൽ മർറി പറഞ്ഞു. നിങ്ങളുടെ അഡ്രസ്സ് നിങ്ങളുടെ ഉത്തരവാദിത്വമാണെന്ന് വകുപ്പ് ഉപയോക്താക്കളെ ഓർമ്മപ്പെടുത്തി.
Read Latest Gulf Newsand Malayalam News