നേട്ടങ്ങള്‍ എന്തെല്ലാം?
കൂടുതല്‍ രാജ്യാന്തര നിക്ഷേപകരം ആകര്‍ഷിക്കാനാകും, ഗള്‍ഫ് മേഖലയിലെ ഇന്ത്യന്‍ സംരംഭങ്ങള്‍ക്കും അവസരം നല്‍കും, തൊഴിലവസരങ്ങള്‍, യുഎഇയില്‍ തുടക്കമിട്ട കാര്‍ഷിക, ഭക്ഷ്യസംസ്‌കരണ പദ്ധതികളുടെ വളര്‍ച്ച കൂടുതല്‍ വേഗത്തിലാക്കും, നിര്‍മിത ബുദ്ധി ഉള്‍പ്പെടെയുള്ള സാങ്കേതിക വിദ്യകളെ അിടസ്ഥാനമാക്കിയുള്ള പദ്ധതികള്‍ എന്നിവയാണ് പ്രധാന നേട്ടങ്ങള്‍.
ജിസിസി റെയില്‍ പദ്ധതി
ഗള്‍ഫ് രാജ്യങ്ങളിലെ വ്യാപാര- ഗതാഗത രംഗത്ത് വന്‍ കുതിച്ചുചാട്ടത്തിന് വഴിയൊരുക്കുന്ന ജിസിസി റെയില്‍ ഉള്‍പ്പെടെയുള്ള പല പദ്ധതികളും പുനഃരാരംഭിക്കും. കുവൈറ്റ് തീരത്ത് നിന്ന് ആരംഭിച്ച് സൗദി, യുഎഇ വഴി ഒമാനിലെത്തി, അവിടെ നിന്ന് ഇതര മേഖലകളിലേക്ക് പ്രവേശിക്കുന്നതാണ് ജിസിസി റെയില്‍. സൗദിയിലെ ദമാമില്‍ നിന്ന് ബഹ്‌റൈനെയും ഖത്തറിനെയും ഉപപാത വഴി ബന്ധിപ്പിക്കുന്നതാണ് പദ്ധതി. ഇന്ത്യയ്ക്കും ഏറെ പ്രതീക്ഷയേകുന്നതാണ് ഈ പദ്ധതി.
ഉത്തേജക പദ്ധതി
31.5 കോടി ദിര്‍ഹത്തിന്റെ ഉത്തേജക പദ്ധതി കൂടി ദുബായ് പ്രഖ്യാപിച്ചു. ഇതോടെ എല്ലാ പദ്ധതികള്‍ക്കുമുള്ള മൊത്തം തുക 710 കോടി ദിര്‍ഹമായി. ബീച്ചുകളില്ലാത്ത ഹോട്ടലുകള്‍ക്കും റസ്റ്റുറന്റുകള്‍ക്കും ചുമത്തിയ സെയില്‍സ്, ടൂറിസം ഫീസ് എന്നിവയുടെ പകുതി മടക്കി നല്‍കും. ഹോട്ടലുകള്‍ക്കും വാണിജ്യ- വ്യവസായ മേഖലയ്ക്കും കൂടുതല്‍ ഇളവുകള്‍ പ്രഖ്യാപിച്ചത് ടൂറിസം രംഗത്ത് നേട്ടമാകും.