വിവാഹം വാഗ്ദാനം നൽകി; വിദേശ വനിതയിൽ നിന്ന് തട്ടിയെടുത്ത പണം തിരികെ നൽകാൻ കോടതി ഉത്തരവ്

ദുബായ്: വിവാഹ വാഗ്ദാനം നൽകി വിദേശ വനിതയിൽ നിന്നും പണം തട്ടിയ വ്യക്തിയോട് പണം തിരിച്ച് നൽകാൻ കോടതി ഉത്തരവിട്ടു. അബുദാബി സിവിൽ കോടതി ആണ് ഉത്തരവിട്ടിരിക്കുന്നത്. 14 ലക്ഷം ദിർഹം (3.11 കോടി രൂപ) തിരിച്ച് നൽകാൻ ആണ് ഉത്തരവിട്ടിരിക്കുന്നത്. രണ്ടു സ്ത്രീകളും ഒരു പുരുഷനും ചേർന്നാണ് പരാതിക്കാരിയുമായി ചേർന്ന് ആശയവിനിമയം നടത്തിയത്.

Also Read: ഏറ്റവും വലിയ അന്താരാഷ്ട്ര വിമാനത്താവളം; മാസ്റ്റര്‍ പ്ലാന്‍ പ്രഖ്യാപിച്ച് സൗദി കിരീടാവകാശി, നിരവധി തൊഴിൽ സാധ്യതകൾ

പുരുഷന്റെ പേരിൽ തെറ്റായ ഒരു ഇ–മെയിൽ അക്കൗണ്ട് നിർമിച്ചായിരുന്നു ആശയവിനിമയം നടത്തിയത്. വിവാഹത്തിന് വേണ്ടിയാണ് പണം എന്ന് പറഞ്ഞായിരുന്നു അയപ്പിച്ചത്. തുക ബാങ്ക് അക്കൗണ്ട് വഴി അയച്ചതിനുശേഷം പിന്നീട് ഒരു വിവരവും ലഭിച്ചില്ല. ഇതോടെയാണ് പ്രതികൾ വഞ്ചിക്കപ്പെട്ടെന്ന് മനസിലായത്. പ്രതികൾക്ക് 3 മാസം തടവും കൂടാതെ നാട് കടത്താനും ആണ് വിധിച്ചിരിക്കുന്നത്.

Also Read: സര്‍ക്കാര്‍, സ്വകാര്യ ജോലികളിലെ ശമ്പളം ഏകീകരിക്കും; സ്വകാര്യ മേഖലയിലേക്ക് സ്വദേശികളെ ആകര്‍ഷിക്കാന്‍ വഴികള്‍ തേടി കുവൈറ്റ്

തട്ടിപ്പിന് ഇരയായ യുവതി അബുദാബി ക്രിമിനൽ കോടതിയെ സമീപിച്ചു. തുടർന്നാണ് കേസിൽ വിധി ഉണ്ടായത്. 14 ലക്ഷം ദർഹം ഇടാക്കിത്തരണമെന്ന് പറഞ്ഞായിരുന്നു കേസ് കൊടുത്തത്. കോടതി ചെലവും നഷ്ടപരിഹാരമായി 20,000 ദിർഹംകൂടി നൽകാനും കോടതി ഉത്തരവിട്ടിരിക്കുന്നത്.