എച്ച്‍‍ടിസി യു അൾട്രാ വിപണിയിൽ... വില കേട്ട് ഞെട്ടല്ലേ

ന്യൂഡൽഹി: എച്ച്‍‍ടിസിയുടെ ഏറ്റവും പുതിയ സ്മാര്‍ട്ട്‍‍ഫോണായ എച്ച്ടിസി യു അൾട്രാ വിപണിയിലെത്തി. 59,990 രൂപയാണ് വിപണിവില. കമ്പനിയുടെ തന്നെ ഓണ്‍ലൈൻ സ്റ്റോറായ ഇസ്റ്റോ‍ര്‍.എച്ച്ടിസി.കോമിലൂടെ മാത്രമേ ഇപ്പോൾ ഫോണ്‍ വാങ്ങാൻ കഴിയൂ. സഫൈര്‍ ബ്ലൂ നിറത്തിലും ബ്രില്ല്യന്‍റ് ബ്ലാക്ക് നിറത്തിലും ഇപ്പോള്‍ ഫോണ്‍ ലഭ്യമാണ്. പിങ്ക് വെള്ള എന്നീ നിറങ്ങളിലും ഫോണ്‍ ഉടൻ പുറത്തിറക്കും.

ഹൈ-എന്‍ഡ്, മിഡ് റേഞ്ച് ശ്രേണിയില്‍ ശക്തമായ ചലനം സൃഷ്ടിക്കാം എന്ന പ്രതീക്ഷയിലാണ് എച്ച്ടിസി ഇത് വിപണിയില്‍ എത്തിച്ചിരിക്കുന്നത്. 2560×1440 പിക്‌സല്‍ റസല്യൂഷനിലുള്ള 5.7 ഇഞ്ച് ഡിസ്‌പ്ലേയാണ് എച്ച്‍‍ടിസി യു അൾട്രായ്ക്ക് ഉള്ളത്. 12 മെഗാപിക്‌സല്‍ പ്രൈമറി ക്യാറയും, 16 മെഗാപിക്‌സല്‍ അള്‍ട്രാ പിക്‌സല്‍ സെക്കണ്ടറി സെന്‍സര്‍ ക്യാമറയും എച്ച്ടിസി യു അൾട്രായില്‍ ഉള്‍പ്പെടുത്തിയിരിക്കുന്നു. എച്ച്‍‍ടിസി യു പ്ലേ എന്ന മോ‍ഡലും കമ്പനി മുമ്പ് അവതരിപ്പിച്ചിരുന്നു. അത് ഈ വര്‍ഷം അവസാനത്തോടെ വിപണിയിലെത്തും.



എച്ച്ടിസി യു അൾട്രയുടെ ചെറിയ വേര്‍ഷനാണ് എച്ച്ടിസി യു പ്ലേ. സ്‌ക്രീന്‍ സൈസ്, ക്യാമറ എന്നീ ഘടകങ്ങളില്‍ മാത്രമാണ് ഇരു മോഡലുകളും വ്യത്യസ്തമാകുന്നത്. കൂടാതെ നോട്ടിഫിക്കേഷനുകള്‍ക്കായി രണ്ടാം ഡിസ്‌പ്ലേയും എച്ച്ടിസി യു സീരീസ് മോഡലുകളില്‍ ഒരുക്കിയിട്ടുണ്ട്. 5.2 ഇഞ്ച് ഫുള്‍ എച്ച്ഡി ഡിസ്‌പ്ലേയാണ് എച്ച്ടിസി യു പ്ലേക്ക് ഉള്ളത്. HTC U Play യില്‍ പ്രൈമറി-സെക്കണ്ടറി ക്യാമറകള്‍ക്ക് 16 മെഗാപിക്‌സല്‍ സെന്‍സറാണ് എച്ച്ടിസി നല്‍കിയിട്ടുള്ളത്.

എച്ച്ടിസി സെൻസ് കമ്പാനിയൻ എന്ന എച്ച്ടിസിയുടെ ആര്‍ട്ടിഫിഷ്യല്‍ ഇന്റലിജന്‍സാണ് യു സീരീസിന്‍റെ ശ്രദ്ധാ കേന്ദ്രം. ഉപഭോക്താക്കളുടെ പെരുമാറ്റങ്ങള്‍ക്ക് അനുസൃതമായി സ്മാര്‍ട്ട്‌ഫോണിന്‍റെ പ്രകടനത്തെ മെച്ചപ്പെടുത്താന്‍ എച്ച്ടിസി സെൻസ് കമ്പാനിയന് സാധിക്കുമെന്ന് കമ്പനി അവകാശപ്പെടുന്നു.



2.15 ജിഗാ ഹെര്‍ട്സ് ക്വാഡ് കോര്‍ ക്വാല്‍ക്കോം സ്‌നാപ്ഡ്രാഗണ്‍ 821 പ്രോസസറാണ് എച്ച്ടിസി യു അൾട്രയ്ക്ക് കരുത്ത് പകരുന്നത്. 4 ജിബി റാമും, 64/128 ജിബി വേര്‍ഷനുകളിലുള്ള ഇന്‍റേണല്‍ സ്റ്റോറേജ് സ്‌പെയ്‌സും എച്ച്ടിസി യു അൾട്രയില്‍ എച്ച്ടിസി ഉറപ്പാക്കുന്നു. ഒപ്പം, മൈക്രോ എസ്‍‍ഡി കാര്‍ഡ് മുഖേന, 2ടിബി വരെ വികസിപ്പിക്കാവുന്ന എക്‌സ്റ്റേണല്‍ സ്റ്റോറേജും ഉപയോക്താവിന് ലഭിക്കും. ആന്‍ഡ്രോയ്ഡ് ന്യൂഗട്ടില്‍ പ്രവര്‍ത്തിക്കുന്ന എച്ച്ടിസി യു അൾട്ര യില്‍ 3000എംഎഎച്ച് ബാറ്ററിയാണ് എച്ച്ടിസി ഒരുക്കിയിട്ടുള്ളത്. ക്വിക്ക് ചാര്‍ജ്ജ്e 3.0 സാങ്കേതികതയിലാണ് ബാറ്ററി ശേഷിയെ നിര്‍മ്മിച്ചിട്ടുള്ളത് എന്നതും ശ്രദ്ധേയമാണ്.




HTC U Ultra goes on sale in India at Rs 59,990

HTC's recently-launched smartphone U Ultra has gone on sale in India at a price tag of Rs 59,990. So far, the smartphone is only available on the company's own e-store -- estore.htc.com