ഫിലിം റിവ്യൂ
ആറാട്ട്
Lipi 18 Feb 2022, 1:30 pm
താരനിര:
സംവിധാനം:B. Unnikrishnanസിനിമ വിഭാഗം:Malayalam, Action, Comedy, Dramaദൈര്‍ഘ്യം:2 Hrs 47 Minമൂവി റിവ്യൂ ചെയ്യുകMohanlal,Shraddha Srinath,Ramachandra Raju,Siddique,Nedumudi Venu
മോഹന്‍ലാലിന്‍റെ എനര്‍ജറ്റിക് പെര്‍ഫോമന്‍സും, സസ്‌പെന്‍സും ട്വിസ്റ്റും നിറഞ്ഞ ബി ഉണ്ണികൃഷ്ണന്‍ മേക്കിംഗും, ആരാധകര്‍ക്കിത് തലയുടെ വിളയാട്ടം!
-ജിൻസ് കെ ബെന്നി
വില്ലന് ശേഷം മോഹന്‍ലാലിനെ നായകനാക്കി ബി ഉണ്ണികൃഷ്ണന്‍ സംവിധാനം ചെയ്യുന്ന ചിത്രമാണ് നെയ്യാറ്റിന്‍കര ഗോപന്‍റെ 'ആറാട്ട്'. പുലിമുരുകന് ശേഷം ഉദയകൃഷ്ണയുടെ തിരക്കഥയില്‍ മോഹന്‍ലാല്‍ നായകനാകുന്നു എന്ന പ്രത്യേകതയും ഈ ചിത്രത്തിനുണ്ട്. മാസ് മസാല സിനിമയായി അണിയിച്ചൊരുക്കിയ ചിത്രത്തിലെ ഏആര്‍ റഹ്‌മാന്‍ സാന്നിദ്ധ്യവും ശ്രദ്ധേയമാണ്.
മുതലക്കോട്ട എന്ന ഗ്രാമത്തിലെ ധനാഠ്യനായ ഇടത്തല മത്തായി സ്വന്തം പേരിലുള്ള 18 ഏക്കര്‍ വയല്‍ നികത്താനുള്ള ശ്രമത്തിലാണ്. സര്‍ക്കാര്‍ പദ്ധതി പ്രകാരം കൃഷി ചെയ്യാതെ ഇട്ടിരിക്കുന്ന വയല്‍ കൃഷിയ്ക്കായ് ഏറ്റെടുക്കാനുള്ള നടപടികളുമായി പഞ്ചായത്ത് മുന്നോട്ട് പോകുന്നു. അതിനെ തടയാന്‍ ഇടത്തല മത്തായി നെയ്യാറ്റിന്‍കര ഗോപനെ ഇറക്കുന്നു. മുതലക്കോട്ട ബറ്റാലിയന്‍ എന്നറിയപ്പെടുന്ന നാല്‍വര്‍ സംഘത്തെ എതിര്‍ത്ത് ആര്‍ക്കും മുതലക്കോട്ടയില്‍ ജനവിരുദ്ധമായ ഒന്നും പ്രവര്‍ത്തിക്കാന്‍ സാധിക്കില്ല. തന്‍റെ ദൗത്യം പൂര്‍ത്തീകരിക്കാന്‍ നെയ്യാറ്റിന്‍കര ഗോപന് സാധിക്കുമോ, ഇത് മാത്രമോ അയാളുടെ ദൗത്യം തുടങ്ങിയ ചോദ്യങ്ങള്‍ക്കുള്ള ഉത്തരമാണ് ആറാട്ട്.
അടിമുടി മോഹന്‍ലാല്‍ ഷോയുമായി ഒരു ഔട്ട് ആന്‍ഡ് ഔട്ട് എന്‍റര്‍ടെയിനര്‍ ആരാധകര്‍ക്ക് നല്‍കുന്നുണ്ട് ചിത്രം. മൂന്ന് മണിക്കൂറോളം ദൈര്‍ഘ്യമുള്ള ചിത്രത്തിലെ ആദ്യപകുതി മോഹന്‍ലാലിന്‍റെ എനര്‍ജറ്റിക് പെര്‍ഫോമന്‍സിലാണ് നില്‍ക്കുന്നത്. മോഹന്‍ലാല്‍ സിനിമകളുടെ റെഫറന്‍സ് ഡയലോഗിലും മ്യൂസിക്കിലും കൊണ്ടുവരുന്നത് പലപ്പോഴും ഗുണകരമായി അനുഭവപ്പെടുന്നില്ല. കഥയുടെ ഒഴുക്കിനോട് ചേര്‍ന്ന് പോകാതെ അത് വേറിട്ട് നില്‍ക്കുന്നുണ്ട്. ഡയലോഗിലെ മനഃപ്പൂര്‍വ്വമായ റെഫറന്‍സുകള്‍ ഇടയ്‌ക്കെങ്കിലും അരോചകമായി മാറുന്നുമുണ്ട്.
Also Read: എ തേസ്ഡേ; നിരാശപ്പെടുത്താത്ത ത്രില്ലർ
അവസാന അരമണിക്കൂറിലാണ് ചിത്രം അതിന്‍റെ പീക്കിലേക്ക് പ്രേക്ഷകനെ എത്തിക്കുന്നത്. മാസിനൊപ്പം സസ്‌പെന്‍സും ട്വിസ്റ്റും ചേര്‍ത്ത് പ്രേക്ഷകരെ ഞെട്ടിക്കുന്നുണ്ട് സംവിധായകന്‍. വലിയ താര നിര അണിനിരക്കുന്ന ചിത്രത്തില്‍ സിദ്ധിഖ്, വിജയരാഘവന്‍, കോട്ടയം രമേശ് എന്നിവര്‍ മികച്ച പ്രകടനം കാഴ്ചവയ്ക്കുന്നുണ്ട്. ശ്രദ്ധ ശ്രീനാഥിന്‍റെ നായിക കഥാപാത്രത്തിന് കാര്യമായ സ്‌പേസ് ചിത്രത്തിലില്ല. കുറഞ്ഞ സ്‌ക്രീന്‍ സ്‌പേസാണ് ആ കഥാപാത്രത്തിനുള്ളത്.
ചിത്രത്തിലെ ഏറ്റവും ശ്രദ്ധേയമായ ഘടകം ആക്ഷന്‍ കൊറിയോഗ്രഫിയാണ്. ചിത്രത്തിലെ ഓരോ ഫൈറ്റുകളും ഗംഭീരമായിരുന്നു. അനില്‍ അരസ്, കെ രവിവര്‍മ്മ, എ വിജയ്, സുപ്രീം സുന്ദര്‍ എന്നിവരാണ് ചിത്രത്തിലെ സംഘട്ടന രംഗങ്ങള്‍ ഒരുക്കിയത്. വിജയ് ഉലഗനാഥിന്‍റെ ഛായാഗ്രഹണവും മികച്ച അനുഭവമായിരുന്നു. പ്രത്യേകിച്ചും സംഘട്ടന രംഗങ്ങളില്‍. രാഹുല്‍ രാജിന്‍റെ പശ്ചാത്തല സംഗീതം ഒരു മാസ് സിനിമ ആവശ്യപ്പെടുന്ന തരത്തിലുള്ളതായിരുന്നു. പ്രേക്ഷകരില്‍ ആവേശവും ഉദ്വേഗവും ജനിപ്പിക്കാന്‍ പര്യാപ്തമായിരുന്നു പശ്ചാത്തല സംഗീതം. ഗാനങ്ങളും മനോഹരമായിരുന്നെങ്കിലും കേട്ട് മറന്ന ഗാനങ്ങളുടെ ഫീലായിരുന്നു ഗാനങ്ങള്‍ക്ക്.
മനഃപ്പൂര്‍വ്വം എഴുതിച്ചേര്‍ക്കുന്ന സംഭാഷണങ്ങള്‍ ഉദയ്കൃഷണ സിനിമകളില്‍ എന്നും കല്ലുകടിയാണ്. ഇവിടേയും അത് ആവര്‍ത്തിക്കുന്നുണ്ട്. സ്ത്രീകളേക്കുറിച്ചുള്ള പരാമര്‍ശങ്ങളില്‍ പൊളിറ്റിക്കല്‍ കറക്ട്‌നസിനെ പരാമര്‍ശിക്കുന്നതൊക്കെ അത്തരത്തിലുള്ളതാണ്. മോഹന്‍ലാല്‍ സിനിമകളിലെ ഡയലോഗുകളുടെ അതിപ്രസരവും അത്തരത്തിലൊരു അനുഭവമായിരുന്നു.
Also Read: നന്മയുള്ള കള്ളനും കള്ളനായ പോലീസും, മാധവനേയും ഈപ്പന്‍ പാപ്പച്ചിയേയും ഓര്‍മിപ്പിക്കുന്ന 'കളളന്‍ ഡിസൂസ'!
അവസാന അരമണിക്കൂറില്‍ സിനിമ പ്രേക്ഷകന് സമ്മാനിക്കുന്ന ട്വിസ്റ്റ് സിനിമയുടെ ജീവശ്വാസമാകുന്നു. വളരെ എനര്‍ജറ്റിക്കായ പ്രകടനം മോഹന്‍ലാലില്‍ നിന്നും പുറത്തെടുക്കുന്നതില്‍ സംവിധായകന്‍ വിജയിക്കുന്നുണ്ട്. ഒപ്പം ആരാധകര്‍ക്കായി തലയുടെ വിളയാട്ടം തീയേറ്ററില്‍ അനുഭവപ്പെടുന്നുണ്ട് എന്നതും ആറാട്ടിന്‍റെ പ്രത്യേകതയാണ്. ഏറെ കാലത്തിന് ശേഷം തീയേറ്ററിലെത്തിയ മോഹന്‍ലാല്‍ മാസ് എന്‍റര്‍ടെയിനര്‍ ആരാധകരെ പൂര്‍ണമായും നിരാശപ്പെടുത്തുന്നില്ല.
Also Watch :
-ജിൻസ് കെ ബെന്നി
വില്ലന് ശേഷം മോഹന്‍ലാലിനെ നായകനാക്കി ബി ഉണ്ണികൃഷ്ണന്‍ സംവിധാനം ചെയ്യുന്ന ചിത്രമാണ് നെയ്യാറ്റിന്‍കര ഗോപന്‍റെ 'ആറാട്ട്'. പുലിമുരുകന് ശേഷം ഉദയകൃഷ്ണയുടെ തിരക്കഥയില്‍ മോഹന്‍ലാല്‍ നായകനാകുന്നു എന്ന പ്രത്യേകതയും ഈ ചിത്രത്തിനുണ്ട്. മാസ് മസാല സിനിമയായി അണിയിച്ചൊരുക്കിയ ചിത്രത്തിലെ ഏആര്‍ റഹ്‌മാന്‍ സാന്നിദ്ധ്യവും ശ്രദ്ധേയമാണ്.
മുതലക്കോട്ട എന്ന ഗ്രാമത്തിലെ ധനാഠ്യനായ ഇടത്തല മത്തായി സ്വന്തം പേരിലുള്ള 18 ഏക്കര്‍ വയല്‍ നികത്താനുള്ള ശ്രമത്തിലാണ്. സര്‍ക്കാര്‍ പദ്ധതി പ്രകാരം കൃഷി ചെയ്യാതെ ഇട്ടിരിക്കുന്ന വയല്‍ കൃഷിയ്ക്കായ് ഏറ്റെടുക്കാനുള്ള നടപടികളുമായി പഞ്ചായത്ത് മുന്നോട്ട് പോകുന്നു. അതിനെ തടയാന്‍ ഇടത്തല മത്തായി നെയ്യാറ്റിന്‍കര ഗോപനെ ഇറക്കുന്നു. മുതലക്കോട്ട ബറ്റാലിയന്‍ എന്നറിയപ്പെടുന്ന നാല്‍വര്‍ സംഘത്തെ എതിര്‍ത്ത് ആര്‍ക്കും മുതലക്കോട്ടയില്‍ ജനവിരുദ്ധമായ ഒന്നും പ്രവര്‍ത്തിക്കാന്‍ സാധിക്കില്ല. തന്‍റെ ദൗത്യം പൂര്‍ത്തീകരിക്കാന്‍ നെയ്യാറ്റിന്‍കര ഗോപന് സാധിക്കുമോ, ഇത് മാത്രമോ അയാളുടെ ദൗത്യം തുടങ്ങിയ ചോദ്യങ്ങള്‍ക്കുള്ള ഉത്തരമാണ് ആറാട്ട്.
അടിമുടി മോഹന്‍ലാല്‍ ഷോയുമായി ഒരു ഔട്ട് ആന്‍ഡ് ഔട്ട് എന്‍റര്‍ടെയിനര്‍ ആരാധകര്‍ക്ക് നല്‍കുന്നുണ്ട് ചിത്രം. മൂന്ന് മണിക്കൂറോളം ദൈര്‍ഘ്യമുള്ള ചിത്രത്തിലെ ആദ്യപകുതി മോഹന്‍ലാലിന്‍റെ എനര്‍ജറ്റിക് പെര്‍ഫോമന്‍സിലാണ് നില്‍ക്കുന്നത്. മോഹന്‍ലാല്‍ സിനിമകളുടെ റെഫറന്‍സ് ഡയലോഗിലും മ്യൂസിക്കിലും കൊണ്ടുവരുന്നത് പലപ്പോഴും ഗുണകരമായി അനുഭവപ്പെടുന്നില്ല. കഥയുടെ ഒഴുക്കിനോട് ചേര്‍ന്ന് പോകാതെ അത് വേറിട്ട് നില്‍ക്കുന്നുണ്ട്. ഡയലോഗിലെ മനഃപ്പൂര്‍വ്വമായ റെഫറന്‍സുകള്‍ ഇടയ്‌ക്കെങ്കിലും അരോചകമായി മാറുന്നുമുണ്ട്.
Also Read: എ തേസ്ഡേ; നിരാശപ്പെടുത്താത്ത ത്രില്ലർ
അവസാന അരമണിക്കൂറിലാണ് ചിത്രം അതിന്‍റെ പീക്കിലേക്ക് പ്രേക്ഷകനെ എത്തിക്കുന്നത്. മാസിനൊപ്പം സസ്‌പെന്‍സും ട്വിസ്റ്റും ചേര്‍ത്ത് പ്രേക്ഷകരെ ഞെട്ടിക്കുന്നുണ്ട് സംവിധായകന്‍. വലിയ താര നിര അണിനിരക്കുന്ന ചിത്രത്തില്‍ സിദ്ധിഖ്, വിജയരാഘവന്‍, കോട്ടയം രമേശ് എന്നിവര്‍ മികച്ച പ്രകടനം കാഴ്ചവയ്ക്കുന്നുണ്ട്. ശ്രദ്ധ ശ്രീനാഥിന്‍റെ നായിക കഥാപാത്രത്തിന് കാര്യമായ സ്‌പേസ് ചിത്രത്തിലില്ല. കുറഞ്ഞ സ്‌ക്രീന്‍ സ്‌പേസാണ് ആ കഥാപാത്രത്തിനുള്ളത്.
ചിത്രത്തിലെ ഏറ്റവും ശ്രദ്ധേയമായ ഘടകം ആക്ഷന്‍ കൊറിയോഗ്രഫിയാണ്. ചിത്രത്തിലെ ഓരോ ഫൈറ്റുകളും ഗംഭീരമായിരുന്നു. അനില്‍ അരസ്, കെ രവിവര്‍മ്മ, എ വിജയ്, സുപ്രീം സുന്ദര്‍ എന്നിവരാണ് ചിത്രത്തിലെ സംഘട്ടന രംഗങ്ങള്‍ ഒരുക്കിയത്. വിജയ് ഉലഗനാഥിന്‍റെ ഛായാഗ്രഹണവും മികച്ച അനുഭവമായിരുന്നു. പ്രത്യേകിച്ചും സംഘട്ടന രംഗങ്ങളില്‍. രാഹുല്‍ രാജിന്‍റെ പശ്ചാത്തല സംഗീതം ഒരു മാസ് സിനിമ ആവശ്യപ്പെടുന്ന തരത്തിലുള്ളതായിരുന്നു. പ്രേക്ഷകരില്‍ ആവേശവും ഉദ്വേഗവും ജനിപ്പിക്കാന്‍ പര്യാപ്തമായിരുന്നു പശ്ചാത്തല സംഗീതം. ഗാനങ്ങളും മനോഹരമായിരുന്നെങ്കിലും കേട്ട് മറന്ന ഗാനങ്ങളുടെ ഫീലായിരുന്നു ഗാനങ്ങള്‍ക്ക്.
മനഃപ്പൂര്‍വ്വം എഴുതിച്ചേര്‍ക്കുന്ന സംഭാഷണങ്ങള്‍ ഉദയ്കൃഷണ സിനിമകളില്‍ എന്നും കല്ലുകടിയാണ്. ഇവിടേയും അത് ആവര്‍ത്തിക്കുന്നുണ്ട്. സ്ത്രീകളേക്കുറിച്ചുള്ള പരാമര്‍ശങ്ങളില്‍ പൊളിറ്റിക്കല്‍ കറക്ട്‌നസിനെ പരാമര്‍ശിക്കുന്നതൊക്കെ അത്തരത്തിലുള്ളതാണ്. മോഹന്‍ലാല്‍ സിനിമകളിലെ ഡയലോഗുകളുടെ അതിപ്രസരവും അത്തരത്തിലൊരു അനുഭവമായിരുന്നു.
Also Read: നന്മയുള്ള കള്ളനും കള്ളനായ പോലീസും, മാധവനേയും ഈപ്പന്‍ പാപ്പച്ചിയേയും ഓര്‍മിപ്പിക്കുന്ന 'കളളന്‍ ഡിസൂസ'!
അവസാന അരമണിക്കൂറില്‍ സിനിമ പ്രേക്ഷകന് സമ്മാനിക്കുന്ന ട്വിസ്റ്റ് സിനിമയുടെ ജീവശ്വാസമാകുന്നു. വളരെ എനര്‍ജറ്റിക്കായ പ്രകടനം മോഹന്‍ലാലില്‍ നിന്നും പുറത്തെടുക്കുന്നതില്‍ സംവിധായകന്‍ വിജയിക്കുന്നുണ്ട്. ഒപ്പം ആരാധകര്‍ക്കായി തലയുടെ വിളയാട്ടം തീയേറ്ററില്‍ അനുഭവപ്പെടുന്നുണ്ട് എന്നതും ആറാട്ടിന്‍റെ പ്രത്യേകതയാണ്. ഏറെ കാലത്തിന് ശേഷം തീയേറ്ററിലെത്തിയ മോഹന്‍ലാല്‍ മാസ് എന്‍റര്‍ടെയിനര്‍ ആരാധകരെ പൂര്‍ണമായും നിരാശപ്പെടുത്തുന്നില്ല.
Also Watch :
കമന്റ് ചെയ്യൂ
