സംസ്ഥാന ബജറ്റ് 2018: മദ്യത്തിന് വില കൂടും

കൊച്ചി: വിൽപന നികുതിയിലെ വര്‍ധന മൂലം സംസ്ഥാനത്ത് വിദേശമദ്യത്തിന്‍റെ വില കൂടും. എന്നാൽ സര്‍ച്ചാര്‍ജുകള്‍ ഒഴിവാക്കിയതിനാൽ വിലയിൽ വലിയ വര്‍ധനയുണ്ടാകാൻ ഇടയില്ല.

വിദേശനിര്‍മിത വിദേശമദ്യങ്ങള്‍ ബെവറേജ് കോര്‍പ്പറേഷൻ മദ്യശാലകള്‍ വഴി വിൽക്കാനും തീരുമാനമായി. എന്നാൽ ഇന്ത്യൻ നിര്‍മിത മദ്യത്തിന്‍റെ വിൽപനയെ ഇത് ബാധിക്കാതിരിക്കാൻ വിദേശനിര്‍മിതമദ്യത്തിന് കുറഞ്ഞ വില കെയ്സിന് 6000 രൂപയായി സ്ഥിരപ്പെടുത്തിയിട്ടുണ്ട്.

400 രൂപ വരെ വിലയുള്ള ഇന്ത്യൻ നിര്‍മിതവിദേശമദ്യത്തിന് 200 ശതമാനമാണ് വിൽപനനികുതി. 400 രൂപയ്ക്കു മേൽ വിലയുള്ള മദ്യത്തിന് 210 ശതമാനം നികുതി നല്‍കണം. കൂടാതെ, ബിയറിന്‍റെ വിൽപനനികുതി 70ൽ നിന്ന് 100 ആയി ഉയര്‍ത്തി.