സ്വാതന്ത്ര്യദിനത്തില്‍ സിദ്ദു എഎപിയില്‍ ചേര്‍ന്നേക്കും

ന്യൂഡല്‍ഹി: രാജ്യസഭാംഗത്വം രാജിവെച്ച മുന്‍ ക്രിക്കറ്ററും ബി.ജെ.പി നേതാവുമായ നവ്ജോത് സിങ്ങ് സിദ്ദു സ്വാതന്ത്ര്യദിനത്തില്‍ എഎപിയില്‍ ചേര്‍ന്നേക്കുമെന്ന് പാര്‍ട്ടി വൃത്തങ്ങള്‍ സൂചിപ്പിക്കുന്നു. ബി.ജെ.പിയില്‍നിന്നുള്ള മോചനദിനം കൂടിയാകും അദ്ദേഹത്തിന് ഈ സ്വാതന്ത്ര്യദിനം. ബി.ജെ.പി-അകാലിദള്‍ കൂട്ടുകെട്ടിന്‍െറ പിടിയില്‍നിന്ന് പഞ്ചാബിനെ മോചിപ്പിക്കാനുള്ള നീക്കങ്ങളില്‍ അദ്ദേഹം പ്രവര്‍ത്തിക്കുമെന്നും എഎപി വൃത്തങ്ങള്‍ സൂചന നല്‍കുന്നു.

എഎപി അധ്യക്ഷന്‍ അരവിന്ദ് കെജ്രിവാള്‍ ധ്യാനം കഴിഞ്ഞ് എത്തിയശേഷം ഇതുസംബന്ധിച്ച ഒൗദ്യോഗിക പ്രഖ്യാപനം ഉണ്ടായേക്കും. പഞ്ചാബില്‍നിന്ന് മാറിനില്‍ക്കാന്‍ നിര്‍ദേശിച്ചതുകൊണ്ടാണ് താന്‍ രാജ്യസഭാംഗത്വം രാജിവെച്ചതെന്ന് സിദ്ദു വ്യക്തമാക്കിയിരുന്നു.