പോണ്‍ കാണുന്നവരെ... നിങ്ങളുടെ ബ്രൗസിങ് ഹിസ്റ്ററി പണിതരും

ഇന്‍റര്‍നെറ്റില്‍ സ്വകാര്യതയ്ക്ക് ഒരു സ്ഥാനവും ഇല്ലെന്ന് തെളിയിക്കുന്ന മറ്റൊരുകാര്യം കൂടി. നിങ്ങളുടെ ബ്രൗസിങ് ഹിസ്റ്ററി ചോര്‍ത്തുകയും ചിലപ്പോള്‍ പരസ്യക്കമ്പനികള്‍ക്ക് വില്‍ക്കപ്പെടുകയും ചെയ്‍തിട്ടുണ്ടാകാം.

സംഗതി കാര്യമാണ്. ജര്‍മ്മനിയില്‍ ഈയടുത്ത് നടന്ന ഒരു അന്വേഷണത്തില്‍ രാഷ്ട്രീയക്കാരും മുതിര്‍ന്ന സര്‍ക്കാര്‍ ഉദ്യോഗസ്ഥരും തെരഞ്ഞെ വെബ്‍സൈറ്റുകളും അവരുടെ ഇന്‍റര്‍നെറ്റ് ഹിസ്റ്ററിയും പുഷ്‍പംപോലെ വീണ്ടെടുത്തു.

കുക്കികള്‍ ബ്ലോക്ക് ചെയ്‍തും ഇന്‍ കോഗ്‍നിറ്റോ മോഡില്‍ ബ്രൗസ് ചെയ്‍തും അനോണിമസ് അക്കൗണ്ടുകളിലൂടെയും ബ്രൗസ് ചെയ്യുന്നത് നിങ്ങളെ രക്ഷിക്കില്ലെന്ന് സാരം. ഇതെല്ലാം ആവശ്യമെങ്കില്‍ ഇന്‍റര്‍നെറ്റ് കമ്പനികള്‍ക്ക് ചോര്‍ത്താവുന്നതെയുള്ളൂ.

ഹാക്കര്‍മാരുടെ അവകാശവാദം അനുസരിച്ച് ഇന്‍റര്‍നെറ്റ് ബ്രൗസിങ് ഹിസ്റ്ററി മറച്ചുപിടിക്കാന്‍ വളരെക്കുറച്ച് വഴികളെ അവശേഷിക്കുന്നുള്ളൂ. ഒന്നുകില്‍ ടോര്‍ പോലുള്ള ബ്രൗസറുകളോ നെറ്റ്‍വര്‍ക്കുകളോ ഉപയോഗിക്കുക. അല്ലെങ്കില്‍ പ്രോക്സി ഇന്‍റര്‍നെറ്റ് പ്രോട്ടോകോള്‍ ആശ്രയിക്കുന്ന വിപിഎന്‍ കണക്ഷനുകള്‍ ഉപയോഗിക്കാം.

Your Browsing History can reveal you

Internet companies can track and record your browsing history even if you block cookies or browse anonymous, says a Hacker conference