ബാങ്ക് ഓഫ് ബറോഡയുടെ മൊബൈല് ബാങ്കിങ് വിഭാഗത്തിലെ പ്രോഡക്ട് ലീഡ്, എക്കോസിസ്റ്റം പാര്ട്ണര്ഷിപ്പ് ലീഡ്, യു.ഐ/ യു.എക്സ് ഡിസൈനര്, ടെക് ആര്ക്കിടെക്ച്ചര് ലീഡ് തുടങ്ങിയ സ്പെഷ്യലിസ്റ്റ് ഓഫീസര് തസ്തികകളിലേക്ക് അപേക്ഷ ക്ഷണിച്ചു. താല്പ്പര്യമുള്ള ഉദ്യോഗാര്ത്ഥികള്ക്ക് ബാങ്ക് ഓഫ് ബറോഡയുടെ ഔദ്യോഗിക വെബ്സൈറ്റായ bankofbaroda.in എന്ന വെബ്സൈറ്റ് സന്ദര്ശിച്ച് അപേക്ഷ സമര്പ്പിക്കാം. ഒക്ടോബര് 19 വരെ അപേക്ഷിക്കാം.
ഒഴിവുകള്
പ്രോഡക്ട് ലീഡ്-1, എക്കോസിസ്റ്റം പാര്ട്ണര്ഷിപ്പ് ലീഡ്-1, യു.ഐ/യു.എക്സ് ഡിസൈനര്-1, ടെക്ക് ആര്ക്കിടെക്ച്ചര് ലീഡ്-1 എന്നിങ്ങനെയാണ് ഒഴിവുകള്. പ്രോഡക്ട് ലീഡ് തസ്തികയ്ക്ക് അപേക്ഷിക്കുന്നവര് 27 നും 45 വയസിനും മദ്ധ്യേ പ്രായമുള്ളവരായിരിക്കണം. മറ്റു തസ്തികകള്ക്ക് 25 മുതല് 40 വരെയാണ് അപേക്ഷിക്കാനുള്ള പ്രായപരിധി.
Also Read: എച്ച്.പി.സി.എല്ലിലെ 51 ഒഴിവുകളിലേക്ക് ഇപ്പോള് അപേക്ഷിക്കാം
ഷോര്ട്ട് ലിസ്റ്റ് ചെയ്യപ്പെടുന്ന ഉദ്യോഗാര്ത്ഥികള്ക്ക് അഭിമുഖമുണ്ടാകും. അഭിമുഖത്തിന് പുറമെ ഗ്രൂപ്പ് ഡിസ്കഷനോ മറ്റ് തെരഞ്ഞെടുപ്പ് പ്രകൃയകളോ ഉണ്ടാവാനും സാധ്യതയുണ്ട്. അപേക്ഷ സമര്പ്പിക്കാന് www.bankofbaroda.co.in/careers.htm സന്ദര്ശിക്കുക. ആപ്ലിക്കേഷന് ഫീസ് ഡെബിറ്റ് കാര്ഡ്, ക്രെഡിറ്റ് കാര്ഡ്, ഇന്റര്നെറ്റ് ബാങ്കിങ് എന്നീ മാര്ഗങ്ങളിലൂടെ അടയ്ക്കാവുന്നതാണ്.