ഐ.ബി.പി.എസ് ക്ലറിക്കല് തസ്തികയിലേക്കുള്ള വിജ്ഞാപനം വന്നു. താല്പ്പര്യമുള്ളവര്ക്ക് ഓണ്ലൈന് വഴി അപേക്ഷ സമര്പ്പിച്ചു തുടങ്ങാം. ഐ.ബി.പി.എസിന്റെ ഔദ്യോഗിക വെബ്സൈറ്റായ ibps.in സന്ദര്ശിച്ച് അപേക്ഷ സമര്പ്പിക്കാം. സെപ്റ്റംബര് 2 മുതല് അപേക്ഷ നല്കി തുടങ്ങാം.
സെപ്റ്റംബര് 23 വരെ അപേക്ഷ സമര്പ്പിക്കാം. ഓണ്ലൈനായി ഫീസടയ്ക്കുന്നതും സെപ്റ്റംബര് 23 വരെയാണ്. 1558 ക്ലറിക്കല് ഒഴിവുകളുണ്ട്. പ്രിലിമിനറി പരീക്ഷയും മെയിന് പരീക്ഷയുമുണ്ടാകും. രണ്ടും ഓണ്ലൈന് വഴിയായിരിക്കും നടത്തുക.
Also Read: സെപ്റ്റംബറിലെ ഇന്റര്വ്യൂ കലണ്ടര് പ്രസിദ്ധീകരിച്ചു
ബാങ്ക് ഓഫ് ബറോഡ, കാനറ ബാങ്ക്, ഇന്ത്യന് ഓവര്സീസ് ബാങ്ക്, യു.സി.ഒ ബാങ്ക്, ബാങ്ക് ഓഫ് ഇന്ത്യ, സെന്ട്രല് ബാങ്ക് ഓഫ് ഇന്ത്യ, പഞ്ചാബ് നാഷണല് ബാങ്ക്, യൂണിയന് ബാങ്ക് ഓഫ് ഇന്ത്യ, ബാങ്ക് ഓഫ് മഹാരാഷ്ട്ര, ഇന്ത്യന് ബാങ്ക്, പഞ്ചാബ് ആന്റ് സിന്ധ് ബാങ്ക് എന്നീ ബാങ്കുകളിലേക്കുള്ള നിയമനത്തിനായാണ് പരീക്ഷ നടത്തുന്നത്.