IBPS RRB PO 2020: പ്രിലിമിനറി പരീക്ഷയുടെ ഫലം വന്നു; സ്‌കോര്‍ ഉടന്‍ അറിയാം

ഐ.ബി.പി.എസ് ആര്‍.ആര്‍.ബി പി.ഒ 2020 പ്രിലിമിനറി പരീക്ഷയുടെ ഫലം പ്രസിദ്ധീകരിച്ചു. ഓഫീസര്‍ സ്‌കെയില്‍ 1 ന്റെ പ്രിലിമിനറി പരീക്ഷയെഴുതിയവര്‍ക്ക് ഐ.ബി.പി.എസിന്റെ ഔദ്യോഗിക വെബ്‌സൈറ്റായ ibps.in സന്ദര്‍ശിച്ച് ഫലം പരിശോധിക്കാം.

പ്രിലിമിനറി പരീക്ഷയില്‍ ഷോര്‍ട്ട് ലിസ്റ്റ് ചെയ്യപ്പെട്ട ഉദ്യോഗാര്‍ത്ഥികള്‍ക്ക് മെയിന്‍ പരീക്ഷയെഴുതണം. നിലവില്‍ ഫലം മാത്രമാണ് പ്രസിദ്ധീകരിച്ചിരിക്കുന്നത്. പരീക്ഷയില്‍ ഉദ്യോഗാര്‍ത്ഥികള്‍ക്ക് ലഭിച്ച സ്‌കോര്‍ പിന്നീട് പ്രസിദ്ധീകരിക്കും. മെയിന്‍സ് പരീക്ഷയുടെ അഡ്മിറ്റ് കാര്‍ഡ് തൊട്ടുപിന്നാലെ വെബ്‌സൈറ്റില്‍ ലഭ്യമാക്കും.

പഞ്ചായത്ത് സെക്രട്ടറി ഡെപ്യൂട്ടേഷന്‍ നിയമനം: ഇപ്പോള്‍ അപേക്ഷിക്കാം
പ്രിലിമിനറി ഫലം പരിശോധിക്കാന്‍ ആദ്യം ഐ.ബി.പി.എസിന്റെ ഔദ്യോഗിക വെബ്‌സൈറ്റായ ibps.in സന്ദര്‍ശിക്കുക. ഹോം പേജില്‍ Result Status of CRP RRB IX Recruitment of Officer Scale I link activated എന്ന ലിങ്ക് ക്ലിക്ക് ചെയ്യാം. പുതിയ ഒരു വിന്‍ഡോ തുറക്കപ്പെടും. ഇവിടെ രജിസ്‌ട്രേഷന്‍ നമ്പറും പാസ്വേര്‍ഡും നല്‍കി സബ്മിറ്റ് ചെയ്ത് അക്കൗണ്ടിലേക്ക് ലോഗിന്‍ ചെയ്യാം. ഫലം ജനുവരി 18 വരെ ലഭ്യമായിരിക്കും. പരീക്ഷയെഴുതിയവര്‍ അതിനാല്‍ നേരത്തെ തന്നെ ഫലം പരിശോധിക്കാന്‍ ശ്രമിക്കുക. ജനുവരി 30 നാണ് ഐ.ബി.പി.എസ് പി.ഒ മെയിന്‍സ് പരീക്ഷ. ഇതിന്റെ അഡ്മിറ്റ് കാര്‍ഡ് അധികം വൈകാതെ വെബ്‌സൈറ്റില്‍ വരും.