ഐ.ബി.പി.എസ് ടെക്‌നിക്കല്‍ തസ്തികകളിലേക്ക് അപേക്ഷിച്ചു തുടങ്ങാം

ഇന്‍സ്റ്റിറ്റ്യൂട്ട് ഓഫ് ബാങ്കിങ് പേഴ്‌സണല്‍ സെലക്ഷന്‍ (ഐ.ബി.പി.എസ്) വിവിധ ടെക്‌നിക്കല്‍ തസ്തികകളിലേക്ക് അപേക്ഷ ക്ഷണിച്ചു. മൊത്തം 6 ഒഴിവുകളുണ്ട്. ഇന്ന് മുതല്‍ അപേക്ഷിക്കാനുള്ള സമയം ആരംഭിച്ചു. ഫെബ്രുവരി 8 ആണ് അവസാന തീയതി. താല്‍പ്പര്യമുള്ളവര്‍ക്ക് ഐ.ബി.പി.എസിന്റെ ഔദ്യോഗിക വെബ്‌സൈറ്റായ https://www.ibps.in സന്ദര്‍ശിക്കുക.

ഒഴിവുകള്‍

• അനലിസ്റ്റ് പ്രോഗ്രാമര്‍- വിന്‍ഡോസ്-1 യോഗ്യത- ബി.ഇ/ ബിടെക്/ എം.സി.എ/ എം.എസ്.സി(ഐ.ടി)/ എം.എസ്.സി(കംപ്യൂട്ടര്‍ സയന്‍സ്)
• അനലിസ്റ്റ് പ്രോഗ്രാമര്‍- ഫ്രണ്ട് എന്‍ഡ്-2. യോഗ്യത- ബി.ഇ/ ബിടെക്/ എം.സി.എ/ എം.എസ്.സി (ഐ.ടി)/ എം.എസ്.സി (കംപ്യൂട്ടര്‍ സയന്‍സ്)
• ഐ.ടി സിസ്റ്റംസ് സപ്പോര്‍ട്ട് എഞ്ചിനീയര്‍-1. യോഗ്യത- ബി.ഇ/ ബിടെക് കംപ്യൂട്ടര്‍ സയന്‍സ്/ ഐ.ടി വിഷയങ്ങള്‍
• ഐ.ടി എഞ്ചിനീയര്‍ (ഡാറ്റാ സെന്റര്‍)-2. യോഗ്യത- ബി.ഇ/ ബിടെക് കംപ്യൂട്ടര്‍ സയന്‍സ്/ ഐ.ടി വിഷയങ്ങള്‍

എസ്.എസ്.സി സി.എച്ച്.എസ്.എല്‍ ടയര്‍1 പരീക്ഷാ ഫലം അറിയാം
21 വയസു മുതല്‍ 35 വയസുവരെയുള്ളവര്‍ക്ക് അപേക്ഷിക്കാം. 1-1-2021 അടിസ്ഥാനമാക്കിയാണ് പ്രായം കണക്കാക്കുന്നത്. ഓണ്‍ലൈന്‍ ടെസ്റ്റ്, സ്‌കില്‍ ടെസ്റ്റ്, അഭിമുഖം എന്നിവയുടെ അടിസ്ഥാനത്തിലാണ് തെരഞ്ഞെടുപ്പ്. 100 മാര്‍ക്കിന്റേതാണ് ഓണ്‍ലൈന്‍ ടെസ്റ്റ്. വിവിധ ഭാഗങ്ങളില്‍ നിന്നുള്ള 100 ചോദ്യങ്ങളുണ്ടാകും. 90 മിനിറ്റാണ് പരീക്ഷയുടെ ദൈര്‍ഘ്യം. 50 മാര്‍ക്കിന് ആപ്റ്റിറ്റിയൂഡും 50 മാര്‍ക്കിന് പ്രൊഫഷണല്‍ നോളജും എന്ന രീതിയിലാണ് പരീക്ഷയുടെ ഘടന. ഇതിന് പുറമെ സ്‌കില്‍ ടെസ്റ്റുമുണ്ടാകും. ഓണ്‍ലൈന്‍ ടെസ്റ്റില്‍ ലഭിച്ച സ്‌കോറിന്റെ അടിസ്ഥാനത്തില്‍ അഭിമുഖത്തിന് വിളിക്കും.