പൊതുമേഖലാ ബാങ്കുകളിലെ പ്രൊബേഷനറി ഓഫീസര്‍, മാനേജ്മെൻ്റ് ട്രെയിനി തസ്തികകളിലേക്ക് ഇൻസ്റ്റിറ്റ്യൂട്ട് ഓഫ് ബാങ്കിങ് പേഴ്സണൽ സെലക്ഷൻ നടത്തിയ പരീക്ഷയുടെ സ്കോര്‍ കാര്‍ഡ് പ്രസിദ്ധീകരിച്ചു. പരീക്ഷാര്‍ഥികൾക്ക് ഔദ്യോഗിക വെബ്സൈറ്റിൽ നിന്നും ഇപ്പോൾ മുതൽ ഐബിപിഎസ് പിഒ മെയിൻ പരീക്ഷയുടെ സ്കോര്‍ കാര്‍ഡ് ഡൗൺലോഡ് ചെയ്യാം.

2020 ഫെബ്രുവരി 6 വരെ വെബ്സൈറ്റിൽ നിന്നും സ്കോർ കാർഡ് ഡൗൺലോഡ് ചെയ്യാം. ഡൗൺലോഡ്
ചെയ്യാൻ,

1. ഐബിപിഎസിൻ്റെ ഔദ്യോഗിക വെബ്സൈറ്റ് സന്ദര്‍ശിക്കുക
2. രജിസ്ട്രേഷൻ നമ്പറും മറ്റ് വിവരങ്ങളും നൽകുക
3. പരീക്ഷാഫലം ഡൗൺലോഡ് ചെയ്യുക

ഐബിപിഎസ് പി.ഒ പരീക്ഷയുടെ പ്രിലിമിനറി, മെയിൻ ഘട്ടങ്ങൾ ഓൺലൈനായാണ് എഴുതേണ്ടത്. ഒരു തവണയെങ്കിലും ഓൺലൈൻ പരീക്ഷ എഴുതിയവര്‍ക്കേ സാധാരണ എഴുത്ത് പരീക്ഷയും ഇതും തമ്മിലുള്ള വ്യത്യാസം മനസ്സിലാകൂ. നാലോ അഞ്ചോ തവണ മോക്ക് ടെസ്റ്റ് പരിശീലനം നടത്തുന്നത് പരീക്ഷയിൽ സഹായിക്കും. ആകെയുള്ള ഒഴിവുകൾക്ക് ആനുപാതികമായി എത്രപേര്‍ മെയിൻ പരീക്ഷ എഴുതിയെന്നത് കണക്കാക്കിയാണ് കട്ട്ഓഫ് തീരുമാനിക്കുന്നത്.

SBI Jobs; എസ്ബിഐയിൽ ജൂനിയര്‍ അസോസിയേറ്റ് ഒഴിവുകൾ

ഐ.ബി.പി.എസിൽ ഉൾപ്പെട്ട ബാങ്കുകൾ

1. അലഹബാദ് ബാങ്ക്
2. കാനറ ബാങ്ക്
3. സിൻഡിക്കേറ്റ് ബാങ്ക്
4. ആന്ധ്ര ബാങ്ക്
5. യുസിഒ ബാങ്ക്
6. ഇന്ത്യൻ ബാങ്ക്
7. പഞ്ചാബ് ആൻഡ് സിന്ദ് ബാങ്ക്
8. യുണൈറ്റഡ് ബാങ്ക് ഓഫ് ഇന്ത്യ
9. ബാങ്ക് ഓഫ് മഹാരാഷ്ട്ര
10. ബാങ്ക് ഓഫ് ബറോഡ
11. കോര്‍പ്പറേഷൻ ബാങ്ക്
12. പഞ്ചാബ് നാഷണൽ ബാങ്ക്
13. യൂണിയൻ ബാങ്ക് ഓഫ് ഇന്ത്യ
14. സെൻട്രൽ ബാങ്ക് ഓഫ് ഇന്ത്യ
15. ഓറിയൻ്റൽ ബാങ്ക് ഓഫ് കൊമേഴ്സ്
16. ബാങ്ക് ഓഫ് ഇന്ത്യ

മെയിൻ പരീക്ഷയിൽ മികച്ച മാര്‍ക്ക് നേടുന്നവര്‍ക്ക് ഇൻ്റര്‍വ്യു വെല്ലുവിളിയാകില്ല.
കൂടാതെ നമുക്കിഷ്ടപ്പെട്ട ബാങ്കുകളിലേക്ക് അലോട്ട് ചെയ്യപ്പെടാനും ഇത് സഹായിക്കും. ആവശ്യമായ ഒഴിവുകളുടെ എണ്ണത്തിൻ്റെ മൂന്നിരട്ടി ഉദ്യോഗാര്‍ഥികളെയാണ് ഇൻ്റര്‍വ്യൂവിന് വിളിക്കുന്നത്.പ്രധാനമായും അഞ്ച് മേഖലകളില്‍ നിന്നാണ് ഇൻ്റര്‍വ്യൂവിൽ ചോദ്യങ്ങള്‍ ചോദിക്കുന്നത്.

1. വ്യക്തിപരം
2. ആനുകാലിക സംഭവങ്ങൾ
3. ബാങ്കിങ് മേഖല
4. ബിരുദ വിഷയം
5. മുൻ ജോലി

എന്ത് തന്നെയായാലും ഉദ്യോഗാര്‍ഥിയുടെ നേതൃപാഠവും ആശയവിനിമയവുമാണ് ആകെമൊത്തം അഭിമുഖത്തിൽ ആഴത്തിൽ അളക്കുന്നത്. SBI, IBPS പരീക്ഷകള്‍ക്ക് ഒരുങ്ങുന്നവര്‍ക്ക് RBI, LIC, UIIC, NICL, OICL, NIACL, NABARD, SIDBI, IRDA, GIC, FCI തുടങ്ങിയ പരീക്ഷകളെയും നേരിടാം. കാരണം ഇവക്കെല്ലാം ഒരേ സിലബസാണ്.