ഭാഷ അറിയണം
ഒരു സംസ്ഥാനത്തിലെ ഒഴിവിലേക്കാണ് അപേക്ഷിക്കുന്നതെങ്കിൽ ആ സംസ്ഥാനത്തെ ഭാഷ നന്നായി അറിഞ്ഞിരിക്കണം. അതായത് വായിക്കാനും, എഴുതാനും, സംസാരിക്കാനും, മനസ്സിലാക്കാനും അറിയണം. തെരഞ്ഞെടുപ്പ് പ്രകൃയയിൽ തദ്ദേശ ഭാഷയിലെ പ്രാവീണ്യം അളക്കുന്നതിനായി പ്രത്യേകം പരീക്ഷയുണ്ടായിരിക്കും.
പരീക്ഷാ തീയതി
പ്രിലിമിനറി പരീക്ഷ ജൂണിൽ നടക്കാനാണ് സാധ്യത. മെയിൻ പരീക്ഷ ജൂൺ 31 ന് നടത്താനും തീരുമാനമുണ്ട്. പരീക്ഷയ്ക്കായി അപേക്ഷിക്കുന്നവർ ഏറ്റവും പുതിയ വിവരങ്ങൾക്കായി എസ്.ബി.ഐയുടെ വെബ്സൈറ്റ് നിരന്തരം സന്ദർശിക്കുക.
കേരളത്തിൽ എത്ര ഒഴിവുകൾ?
ഗുജറാത്തിലാണ് ഏറ്റവുമധികം ഒഴിവുകളുള്ളത്- 902 ഒഴിവുകൾ. മഹാരാഷ്ട്ര- 640, തമിഴ്നാട്- 473, കർണാടക- 400, ഉത്തർ പ്രദേശ്- 350, പഞ്ചാബ്- 295, തെലങ്കാന- 275, ആസാം- 149, ഹിമാചൽ പ്രദേശ്- 180, ഹരിയാന- 110 എന്നിങ്ങനെ ആകെ 5000 ഒഴിവുകളുണ്ട്. കേരളത്തിൽ 97 ഒഴിവുകളാണ് റിപ്പോർട്ട് ചെയ്തിരിക്കുന്നത്.
പ്രായപരിധി
20 വയസിന് മുകളിൽ പ്രായവും 28 വയസ് കവിയാത്തവരുമായ ഉദ്യോഗാർത്ഥികൾക്ക് അപേക്ഷിക്കാൻ അർഹതയുണ്ട്. എസ്.സി, എസ്.ടി വിഭാഗക്കാർക്ക് ഉയർന്ന പ്രായപരിധിയിൻമേൽ 5 വർഷത്തെ ഇളവ് ലഭിക്കും. ഒ.ബി.സി- 3 വർഷം, ഭിന്നശേഷിക്കാർ (ജനറൽ/ ഇ.ഡബ്ള്യ.എസ്)- 10 വർഷം, ഭിന്നശേഷിക്കാർ (എസ്.സി/ എസ്.ടി)- 15 വർഷം, ഭിന്നശേഷിക്കാർ (ഒ.ബി.സി)- 13 വർഷം എന്നിങ്ങനെയാണ് ഇളവുകൾ.
തെരഞ്ഞെടുപ്പ് രീതി
ഓൺലൈൻ അധിഷ്ഠിതമായി നടക്കുന്ന പ്രിമിനറി, മെയിൻസ് പരീക്ഷ എന്നിവയ്ക്കു പുറമെ ഉദ്യോഗാർത്ഥികൾ തെരഞ്ഞെടുക്കുന്ന തദ്ദേശ ഭാഷയിലെ പ്രാവീണ്യം അളക്കുന്ന ഒരു ടെസ്റ്റുമുണ്ടായിരിക്കും.
പ്രിലിമിനറി പരീക്ഷ
100 മാർക്കിന്റെ ഒബ്ജക്ടീവ് പരീക്ഷ ഓൺലൈനായി നടക്കും. ഒരു മണിക്കൂറാണ് ഈ പരീക്ഷയുടെ ദൈർഘ്യം. മൂന്ന് സെക്ഷനുകളുണ്ടാകും. ഇംഗ്ലീഷ് ഭാഷ (ചോദ്യങ്ങൾ-30, മാർക്ക്- 30, ദൈർഘ്യം- 20 മിനിറ്റ്), ന്യൂമറിക്കൽ എബിലിറ്റി (ചോദ്യങ്ങൾ- 35, മാർക്ക്- 35, ദൈർഘ്യം- 20 മിനിറ്റ്), റീസണിംഗ് എബിലിറ്റി (ചോദ്യങ്ങൾ- 35, മാർക്ക്- 35, ദൈർഘ്യം- 20 മിനിറ്റ്). ആകെ 100 ചോദ്യങ്ങൾ, 100 മാർക്ക്, 1 മണിക്കൂർ ദൈർഘ്യം.
മെയിൻ പരീക്ഷ
നാലു സെക്ഷനുകളടങ്ങിയ ഓൺലൈൻ പരീക്ഷയാണ് മെയിൻസ്. ജനറൽ/ ഫിനാൻഷ്യൽ അവെയർനസ് (ചോദ്യങ്ങൾ- 50, മാർക്ക്- 50, ദൈർഘ്യം- 35 മിനിറ്റ്), ജനറൽ ഇംഗ്ലീഷ് (ചോദ്യങ്ങൾ- 40, മാർക്ക്- 40, ദൈർഘ്യം- 35 മിനിറ്റ്), ക്വാണ്ടിറ്റേറ്റീവ് ആപ്റ്റിറ്റ്യൂഡ് (ചോദ്യങ്ങൾ- 50, മാർക്ക്- 50, ദൈർഘ്യം- 45 മിനിറ്റ്), റീസണിംഗ് എബിലിറ്റി ആന്റ് കംപ്യൂട്ടർ ആപേറ്റിറ്റ്യുഡ് (ചോദ്യങ്ങൾ- 50, മാർക്ക്- 60, ദൈർഘ്യം- 45 മിനിറ്റ്). ആകെ190 ചോദ്യങ്ങൾ, 200 മാർക്ക് 2 മണിക്കൂർ, 40 മിനിറ്റ് ദൈർഘ്യം.
Also Read: IAF CASB Airmen 2021: പ്രൊവിഷണൽ ലിസ്റ്റ് പ്രസിദ്ധീകരിക്കുന്നത് നീട്ടിവെച്ചു
അപേക്ഷാ ഫീസ്
ജനറൽ, ഒബി.സി, ഇ.ഡബ്ള്യൂ.എസ് വിഭാഗക്കാർക്ക് 750 രൂപയാണ് അപേക്ഷാ ഫീസ്. എസ്.സി, എസ്,ടി, ഭിന്നശേഷിക്കാർ തുടങ്ങിയവർക്ക് ഫീസില്ല. ഒരിക്കൽ ഫീസടച്ചാൽ റീഫണ്ട് ചെയ്യുന്നതല്ല.
Also Read: സ്റ്റീൽ അതോറിറ്റി ഓഫ് ഇന്ത്യ ലിമിറ്റഡിൽ ഡോക്ടർമാരെയും നഴ്സുമാരെയും നിയമിക്കുന്നു
അപേക്ഷിക്കേണ്ട വിധം
ഓൺലൈൻ വഴിയാണ് അപേക്ഷ സമർപ്പിക്കേണ്ടത്. താൽപ്പര്യമുള്ള ഉദ്യോഗാർത്ഥികൾ എസ്.ബി.ഐയുടെ ഔദ്യോഗിക വെബ്സൈറ്റായ https://bank.sbi/careers സന്ദർശിക്കുക. രജിസ്റ്റർ ചെയ്തതിന് ശേഷം അപേക്ഷാ ഫീസ് ഓൺലൈനായി അടയ്ക്കാം. ഡെബിറ്റ് കാർഡ്/ ക്രെഡിറ്റ് കാർഡ്/ ഇന്റർനെറ്റ് ബാങ്കിംഗ് എന്നീ രിതികളിൽ ഫീസടയ്ക്കാം.