കോച്ചിങ് ഇല്ലാതെ ആദ്യ ശ്രമത്തിൽ തന്നെ ഐ.ബി.പി.എസ് പി.ഒ പരീക്ഷയിൽ യോഗ്യത നേടാൻ

പരീക്ഷയ്ക്കായുള്ള തയ്യാറെടുപ്പ് ആരംഭിക്കുന്നതിന് മുമ്പ് പരീക്ഷയുടെ ഘടനയെയും സിലബസും നന്നായി മനസ്സിലാക്കുക. ഐ.പി.ബി.എസ് പി.ഒ തസ്തികയിലേക്കുള്ള തയ്യാറെടുപ്പ് ആരംഭിക്കുന്നതിന് മുമ്പ് ഇക്കാര്യങ്ങൾ പ്രത്യേകം ശ്രദ്ധിക്കേണ്ടതുണ്ട്. ഇതിന് ശേഷം നല്ലൊരു സ്റ്റഡി പ്ലാൻ തയ്യാറാക്കുക.

ഐ.ബി.പി.എസ് മുൻവർഷങ്ങളിൽ നടത്തിയിട്ടുള്ള പരീക്ഷകളുടെ ചോദ്യപേപ്പറുകൾ വിശകലനം ചെയ്ത് പഠിക്കുന്നത് ഏറെ പ്രയോജനം ചെയ്യും. മുൻ വർഷങ്ങളിലെ കട്ടോഫ് മാർക്ക് മനസ്സിലാക്കി വെക്കുക. ഇത് മനസിൽ വെച്ച് പഠന രീതിയിൽ തന്ത്രങ്ങൾ മെനയുകയാണ് വേണ്ടത്. മോക്ക് ടെസ്റ്റുകൾ അറ്റന്റ് ചെയ്യുന്നത് ഏറെ സഹായകരമാകും.

ഐ.ബി.പി.എസ് പി.ഒ പരീക്ഷയ്ക്കായി തയ്യാറെടുത്ത് തുടങ്ങുമ്പോൾ നിങ്ങൾക്കുള്ള ദൗർബല്യമെന്താണെന്ന് മനസ്സിലാകും. കണക്കിലെ ഏതെങ്കിലും മേഖലയിൽ ബുദ്ധിമുട്ട് നേരിടുന്നെങ്കിൽ അവിടെ കൂടുതൽ ഊന്നൽ നൽകാൻ ശ്രമിക്കാം. ഇതിനായി കൂടുതൽ മോക്ക് ടെസ്റ്റുകൾ അറ്റന്റ് ചെയ്ത് ദൗർബല്യം മാറ്റിയെടുക്കുക.

Also Read: ബാങ്ക് നോട്ട് പ്രസിലെ വിവിധ ഒഴിവുകളിലേക്ക് 12 മുതൽ അപേക്ഷിക്കാം

പുതിയ ടോപ്പിക്കുകൾ പഠിക്കുന്നതോടൊപ്പം റിവിഷനും പ്രാക്ടീസും നടത്താൻ ഒരു കാരണവശാലും മടി കാണിക്കരുത്. എത്ര പുതിയ ടോപ്പിക്കുകൾ പഠിച്ചാലും റിവിഷൻ നടന്നില്ലെങ്കിൽ പഠിക്കുന്നതൊക്കെ വെറുതെയാകും. പഠനത്തിനും റിവിഷനും മോക്ക് ടെസ്റ്റ് അറ്റന്റ് ചെയ്യുന്നതിനും സമയം ക്രമീകരിക്കുക.

Also Read: ഡൽഹി സർവകലാശാലയിൽ അവസരം; 41 ഒഴിവുകളിലേക്ക് ഇപ്പോൾ അപേക്ഷിക്കാം

പത്താം ക്ലാസ് നിലവാരത്തിലുള്ള കണക്കാണ് പരീക്ഷയിൽ ചോദിക്കാറുള്ളത്. പാഠപുസ്തകങ്ങളിലെ ചോദ്യങ്ങൾ വർക്കൗട്ട് ചെയ്യാം. എന്നാൽ ബാങ്ക് പരീക്ഷയ്ക്ക് ആദ്യം വേണ്ടത് വേഗതയാണെന്ന് മനസ്സിലാക്കുക. വേഗത്തിൽ ഉത്തരത്തിൽ എത്തിച്ചേരുക എന്നതായിരിക്കണം ലക്ഷ്യം. ഇതിനായി ഷോർട്ട് കട്ടുകൾ ഉപയോഗിക്കേണ്ടതായി വരും. ബാങ്ക് ടെസ്റ്റ് പ്രസിദ്ധീകരണങ്ങൾ വാങ്ങി അതിൽ നൽകിയിരിക്കുന്ന രീതികളിൽ ഉത്തരങ്ങൾ ചെയ്തു പഠിക്കാം.