നാഷണല്‍ തെര്‍മല്‍ പവര്‍ കോര്‍പ്പറേഷന്‍ (എന്‍ടിപിസി ലിമിറ്റഡ്) നിരവധി ഒഴിവുകളിലേക്ക് അപേക്ഷ ക്ഷണിച്ചു. എഞ്ചിനീയര്‍, അസിസ്റ്റന്റ് കെമിസ്റ്റ് തസ്തികകളിലാണ് നിയമനം. മൊത്തം 275 ഒഴിവുകളുണ്ട്. ഇതില്‍ 250 ഒഴിവുകള്‍ എഞ്ചിനീയര്‍ തസ്തികയുടേയതും 25 എണ്ണം അസിസ്റ്റന്റ് കെമിസ്റ്റ് തസ്‌കയുടേതുമാണ്.
എങ്ങനെ അപേക്ഷിക്കാം
താല്‍പര്യമുള്ള ഉദ്യോഗാര്‍ത്ഥികള്‍ എന്‍ടിപിസിയുടെ ഔദ്യോഗിക വെബ്‌സൈറ്റായ ntpccareers.net ല്‍ അപേക്ഷ സമര്‍പ്പിക്കാം. ജൂലൈ 15 മുതല്‍ അപേക്ഷിച്ചു തുടങ്ങാം. ജൂലൈ 31 വരെ അപേക്ഷിക്കാം.
യോഗ്യത
ഇലക്ട്രിക്കല്‍, മെക്കാനിക്കല്‍, ഇലക്ട്രോണിക്‌സ്, ഇന്‍സ്ട്രമെന്റേഷന്‍ എന്നീ എഞ്ചിനീയര്‍മാര്‍ക്ക് അപേക്ഷിക്കാം. തെര്‍മല്‍ പവര്‍ പ്ലാന്റുകളിലേക്കാണ് എഞ്ചിനീയര്‍മാരെ ആവശ്യമുള്ളത്. സ്റ്റേഷന്‍/പ്രോജക്ടുകള്‍ക്കാണ് അസിസ്റ്റന്റ് കെമിസ്റ്റിനെ നിയമിക്കുന്നത്. ഇരു തസ്തികകളിലേക്കും അപേക്ഷിക്കുന്നവര്‍ക്ക് കുറഞ്ഞത് മൂന്ന് വര്‍ഷത്തെ പരിചയമുണ്ടായിരിക്കണം.
രജിസ്റ്റ്രേഷന്‍ ഫീസ്
ജനറല്‍/ ഇഡബ്‌ള്യൂഎസ്/ ഒബിസി വിഭാഗക്കാര്‍ക്ക് 150 രൂപയാണ് രജിസ്റ്റ്രേഷന്‍ ഫീസ്. എസ്.സി/എസ്.ടി വിഭാഗക്കാര്‍ക്ക് ഫീസുണ്ടായിരിക്കുന്നതല്ല.
Also Read: മഞ്ചേരി മെഡിക്കല്‍ കോളേജില്‍ ഒഴിവ്
ശമ്പളം
എഞ്ചിനീയര്‍- 50,000 രൂപ മുതല്‍ 1,60,000 രൂപ വരെ
അസിസ്റ്റന്റ് കെമിസ്റ്റ്- 40,000 രൂപ മുതല്‍ 1,40,000 രൂപ വരെ