ഭാരത് ഇലക്ട്രോണികസ് ലിമിറ്റഡിലെ 137 ഒഴിവുകളിലേക്ക് അപേക്ഷിക്കാം

കേന്ദ്ര പ്രതിരോധ മന്ത്രാലയത്തിന് കീഴില്‍ ഗാസിയാബാദില്‍ പ്രവര്‍ത്തിക്കുന്ന ഭാരത് ഇലക്ട്രോണിക്‌സ് ലിമിറ്റഡിലെ 137 ഒഴിവുകളിലേക്ക് അപേക്ഷ ക്ഷണിച്ചു. ട്രെയിനി എഞ്ചിനീയര്‍/ ട്രെയിനി ഓഫീസര്‍, പ്രോജക്ട് എഞ്ചിനീയര്‍ എന്നീ തസ്തികകളിലേക്കാണ് അപേക്ഷ ക്ഷണിച്ചിട്ടുള്ളത്. കരാര്‍ അടിസ്ഥാനത്തിലായിരിക്കും നിയമനം.

ബന്ധപ്പെട്ട മേഖലകളില്‍ ബി.ഇ, ബി.ടെക്, ബി,എസ്.സി (എഞ്ചിനീയറിങ്), എം.ബി.എ (ഫിനാന്‍സ്) എന്നീ യോഗ്യതയുള്ളവര്‍ക്ക് അപേക്ഷിക്കാം. ഡിസംബര്‍ 26 ആണ് അപേക്ഷിക്കാനുള്ള അവസാന തീയതി. വിശദമായ വിവരങ്ങള്‍ക്ക് https://www.bel-india.in എന്ന വെബ്‌സൈറ്റ് സന്ദര്‍ശിക്കുക.

ട്രെയിനി എഞ്ചിനീയര്‍ -70 (ഇ.സി.ഇ-40, മെക്കാനിക്കല്‍-11, കംപ്യൂട്ടര്‍ സയന്‍സ്-19)
ട്രെയിനി ഓഫീസര്‍-6 (ഫിനാന്‍സ്-6)
പ്രോജക്ട് എഞ്ചിനീയര്‍-61 (ഇ.സി.ഇ-30, മെക്കാനിക്കല്‍-10, കംപ്യൂട്ടര്‍ സയന്‍സ്-17, ഇലക്ട്രിക്കല്‍-1, സിവില്‍-2, ഏറോനോട്ടിക്കല്‍-1)
എന്നിങ്ങനെയാണ് ഒഴിവുകള്‍.

RRB NTPC: അപേക്ഷിച്ചവര്‍ ശ്രദ്ധിക്കാന്‍.. പരീക്ഷാഘടന ഇങ്ങനെ
ട്രെയിനി എഞ്ചിനീയര്‍ തസ്തികയിലേക്ക് അപേക്ഷിക്കുന്നവര്‍ 25 വയസ് കവിയാന്‍ പാടില്ല. ട്രെയിനി ഓഫീസര്‍-25 വയസ്, പ്രോജക്ട് എഞ്ചിനീയര്‍-28 വയസ് എന്നിങ്ങനെയാണ് ഉയര്‍ന്ന പ്രായപരിധി. 30-11-2020 അടിസ്ഥാനമാക്കിയാണ് പ്രായം കണക്കാക്കുന്നത്. ഒ.ബി.സി വിഭാഗക്കാര്‍ക്ക് ഉയര്‍ന്ന പ്രായപരിധിയില്‍ 3 വര്‍ഷത്തെ ഇളവ് ലഭിക്കും. എസ്.സ്, എസ്.ടി, ഭിന്നശേഷിക്കാര്‍ എന്നിവര്‍ക്ക് അഞ്ച് വര്‍ഷത്തെ ഇളവുണ്ട്.