പൊതുമേഖലാ സ്ഥാപനമായ ഇന്ത്യൻ ഓയിൽ കോർപ്പറേഷൻ ലിമിറ്റഡിൽ (ഐ.ഒ.സി.എൽ) ടെക്നിക്കൽ നോൺ ടെക്നിക്കൽ അപ്രിന്റീസ് ഒഴിവുകളുലേക്ക് അപേക്ഷ ക്ഷണിച്ചു. മൊത്തം 346 ഒഴിവുകളുണ്ട്. പശ്ചിമ മേഖലയിൽ മാർക്കറ്റിംഗ് വിഭാഗത്തിലാണ് നിയമനം. താൽപ്പര്യമുള്ള ഉദ്യോഗാർത്ഥികൾക്ക് ഓൺലൈനായി അപേക്ഷിക്കാം. മാർച്ച് 7 ആണ് അപേക്ഷിക്കാനുള്ള അവസാന തീയതി. വിശദമായ വിവരങ്ങൾ https://www.rectt.in എന്ന വെബ്സൈറ്റ് സന്ദർശിക്കുക. മെക്കാനിക്കൽ, ഇലക്ട്രിക്കൽ, ഇൻസ്ട്രമെന്റേഷൻ, സിവിൽ, ഇലക്ട്രിക്കൽ ആന്റ് ഇലക്ട്രോണിക്സ്, ഫിറ്റർ മെക്കാനിസ്റ്റ്, അക്കൗണ്ടന്റ് തുടങ്ങിയ വിഭാഗങ്ങളിലാണ് ഒഴിവുള്ളത്. പത്താം ക്ലാസും ബന്ധപ്പെട്ട ട്രേഡിലുള്ള ഐ.ടി.യുമുള്ളവർക്ക് അപേക്ഷിക്കാം. 18 വയസിനും 24 വയസിനും ഇടയിൽ പ്രായമുള്ളവർക്കാണ് അപേക്ഷിക്കാൻ യോഗ്യതയുള്ളത്. 28-2-2021 അടിസ്ഥാനമാക്കിയാണ് പ്രായം കണക്കാകുക. തെരഞ്ഞെടുക്കപ്പെടുന്നവർക്ക് 12 മാസത്തെ പരിശീലനമുണ്ടാകും.
എഴുത്ത് പരീക്ഷയുടെ അടിസ്ഥാനത്തിലായിരിക്കും തെരഞ്ഞെടുപ്പ്. 100 മാർക്കിന്റെ മൾട്ടിപ്പിൾ ചോയ്സ് പരീക്ഷയായിരിക്കും നടത്തുക. 90 മിനിറ്റ് ദൈർഘ്യമുണ്ടാകും. പരീക്ഷ മാർച്ച് 21 ന് നടക്കും.
എഴുത്ത് പരീക്ഷയുടെ അടിസ്ഥാനത്തിലായിരിക്കും തെരഞ്ഞെടുപ്പ്. 100 മാർക്കിന്റെ മൾട്ടിപ്പിൾ ചോയ്സ് പരീക്ഷയായിരിക്കും നടത്തുക. 90 മിനിറ്റ് ദൈർഘ്യമുണ്ടാകും. പരീക്ഷ മാർച്ച് 21 ന് നടക്കും.