എൻ.പി.സി.ഐ.എല്ലിൽ നിരവധി ഒഴിവുകൾ; പത്താം ക്ലാസുകാർക്കും ഡിഗ്രികാർക്കും അവസരം

സയന്റിഫിക് അസിസ്റ്റന്റ് തസ്തികയിൽ 4 ഒഴിവുകളുണ്ട്. എഞ്ചിനീയറിങ് ഡിപ്ലോമ കഴിഞ്ഞവർക്കും ബി.എസ്.സി കഴിഞ്ഞവർക്കും അപേക്ഷിക്കാം. 50 ശതമാനത്തിൽ കുറയാത്ത മാർക്കുണ്ടാകണം. ഇതിന് പുറമെ ഇന്റസ്ട്രിയൽ സേഫ്റ്റിയിൽ ഒരു വർഷത്തെ ഡിപ്ലോമ, അല്ലെങ്കിൽ സർട്ടിഫിക്കറ്റ് കോഴ്സും പാസായിരിക്കണം. ബന്ധപ്പെട്ട മേഖലയിൽ നാല് വർഷത്തിൽ കുറയാത്ത പ്രവൃത്തി പരിചയവും വേണം. 18 വയസിനും 35 വയസിനും ഇടയിൽ പ്രായമുള്ള ഉദ്യോഗാർത്ഥികൾക്ക് അപേക്ഷിക്കാം.

ഒരു ഒഴിവാണ് ലീഡിങ് ഫയർമാൻ തസ്തികയിലുള്ളത്. കെമിസ്ട്രി ഒരു വിഷയമായി പഠിച്ച് പാസാകുന്ന ഇന്റർമീഡിയേറ്റ് ആണ് കുറഞ്ഞ വിദ്യാഭ്യാസ യോഗ്യത. തത്തുല്യമായ വിഷയങ്ങള‍ പഠിച്ചവർക്കും അപേക്ഷിക്കാം. 50 ശതമാനത്തിൽ കുറയാതെ മാർക്ക് നേടിയിരിക്കണം. 18 വയസിനും 32 വയസിനും ഇടയിൽ പ്രായമുള്ളവർക്ക് അപേക്ഷിക്കാൻ യോഗ്യതയുണ്ട്. ബന്ധപ്പെട്ട മേഖലയിലുള്ള പ്രവൃത്തി പരിചയവുണ്ടാകണം.

ഈ തസ്തികയിൽ രണ്ട് ഒഴിവാണുള്ളത്. കെമിസ്ട്രി അല്ലെങ്കിൽ തത്തുല്ല്യ വിഷയം ഇന്റർമീഡിയേറ്റ് തലത്തിൽ പഠിച്ച് പാസായിരിക്കണം. കുറഞ്ഞത് 50 ശതമാനം മാർക്കുമുണ്ടാകണം. ഡ്രൈവിംഗ് ലൈസൻസും കുറഞ്ഞത് ഒരു വർഷത്തെ ഡ്രൈവിംഗ് പരിചയവുമുള്ളവർക്ക് അപേക്ഷിക്കാൻ യോഗ്യതയുണ്ട്. 18 മുതൽ 27 വയസു വരെ പ്രായമുള്ള ഉദ്യോഗാർത്ഥികൾക്ക് അപേക്ഷിക്കാം

അസിസ്റ്റന്റ് തസ്തികയിൽ 38 ഒഴിവുകളുണ്ട്. ബന്ധപ്പെട്ട വിഷയത്തിൽ ബിരുദമുള്ളവർക്ക് അപേക്ഷിക്കാം. 50 ശതമാനത്തിൽ കുറയാത്ത മാർക്കുണ്ടായിരിക്കണം. അപേക്ഷിക്കാനുള്ള കുറഞ്ഞ പ്രായം 21ഉം ഉയർന്ന പ്രായപരിധി 28 വയസുമാണ്.

Also Read: സർക്കാർ സംസ്കൃത കോളേജിൽ അധ്യാപകരെ നിയമിക്കുന്നു

14 ഒഴിവുകളാണ് സ്റ്റെനോഗ്രാഫർ തസ്തികയ്ക്കുള്ളത്. ഏതെങ്കിലും വിഷയത്തിലുള്ള ബിരുദമാണ് അടിസ്ഥാന വിദ്യാഭ്യാസ യോഗ്യത. കുറഞ്ഞത് 50 ശതമാനം മാർക്ക് നേടി വിജയിച്ചവരായിരിക്കണം. 21 വയസിനും 28 വയസിനും ഇടയിൽ പ്രായമുള്ള ഉദ്യോഗാർത്ഥികൾക്ക് അപേക്ഷിക്കാം.

Also Read: സ്റ്റീൽ അതോറിറ്റി ഒഫ് ഇന്ത്യ ലിമിറ്റഡിൽ 46 ഒഴിവുകൾ

ഓരോ തസ്തിക അനുസരിച്ച് തെരഞ്ഞെടുപ്പ് രീതി മാറും. സ്റ്റെനോഗ്രാഫി ടെസ്റ്റ്, ടൈപ്റൈറ്റിംഗ് ടെസ്റ്റ്, കമ്പ്യൂട്ടർ പ്രൊഫിഷ്യൻസി ടെസ്റ്റ് എന്നിവ നടത്തി ഉദ്യോഗാർത്ഥികളെ തെരഞ്ഞെടുക്കും. ഓൺലൈൻ വഴിയാണ് അപേക്ഷിക്കേണ്ടത്. അപേക്ഷിക്കാനായി https://npcilcareers.co.in സന്ദർശിക്കുക. അപേക്ഷിക്കാനുള്ള അവസാന തീയതി ഫെബ്രുവരി 23.