എസ്.എസ്.സി സി.എച്ച്.എസ്.എല്‍ ടയര്‍1 പരീക്ഷാ ഫലം അറിയാം

സ്റ്റാഫ് സെലക്ഷന്‍ കമ്മീഷന്‍ നടത്തിയ എസ്.എസ്.സി സി.എച്ച്.എസ്.എല്‍ ടയര്‍1 പരീക്ഷയുടെ ഫലം എസ്.എസ്.സിയുടെ ഔദ്യോഗിക വെബ്‌സൈറ്റായ ssc.nic.in ല്‍ നിന്ന് പരിശോധിക്കാം. 2020 മാര്‍ച്ചിലാണ് പരീക്ഷ നടത്തിയത്. ഫലം പ്രഖ്യാപിച്ചയുടന്‍ വെബ്‌സൈറ്റില്‍ ലിങ്ക് ആക്ടീവാകും.

പരീക്ഷയുടെ ഉത്തരസൂചിക നവംബര്‍ 6ന് പ്രസിദ്ധീകരിച്ചിരുന്നു. മാര്‍ച്ച് 17 മുതല്‍ മാര്‍ച്ച് 19 വരെ എസ്.എസ്.സി സി.എച്ച്.എസ്.എല്‍ 20219 ടയര്‍ 1 പരീക്ഷ നടത്തി. ബാക്കിയുള്ള ഉദ്യോഗാര്‍ത്ഥികള്‍ക്കായി ഒക്ടോബര്‍ 12 മുതല്‍ ഒക്ടോബര്‍ 26 വരയും രാജ്യത്തെ വിവിധ കേന്ദ്രങ്ങളില്‍ പരീക്ഷ സംഘടിപ്പിച്ചു.

ഫലമറിയാന്‍ ആദ്യം എസ്.എസ്.സിയുടെ ഔദ്യോഗിക വെബ്‌സൈറ്റായ ssc.nic.in സന്ദര്‍ശിക്കുക. SSC CHSL Tier 1 2019 result എന്ന ലിങ്ക് ഹോം പേജില്‍ കാണാം. ഈ ലിങ്കില്‍ ക്ലിക്ക് ചെയ്യുന്നതോടെ പുതിയ പേജ് തുറക്കും. അവിടെ ഉദ്യോഗാര്‍ത്ഥികള്‍ക്ക് ഫലം പരിശോധിക്കാം. ഇതിന്റെ പി.ഡി.എഫ് ഫയല്‍ ഡൗണ്‍ലോഡ് ചെയ്ത് പ്രിന്റെടുത്ത് സൂക്ഷിക്കാം.

ഐ.ബി.പി.എസ് പി.ഒ 2020: പ്രിലിമിനറി പരീക്ഷാ ഫലം പ്രഖ്യാപിച്ചു
ടയര്‍1 പരീക്ഷയില്‍ ജയിച്ചവര്‍ ടയര്‍2 പരീക്ഷയെഴുതണം. ഫെബ്രുവരി 14നാണ് ടയര്‍ 2 പരീക്ഷ നടത്താന്‍ തീരുമാനിച്ചിരിക്കുന്നത്്. 4,893 ഒഴിവുകളിലേക്കാണ് എസ്.എസ്.സി ഈ പരീക്ഷ നടത്തുന്നത്. മൊത്തം ഒഴിവുകളില്‍ 1,269 ഒഴിവുകള്‍ എല്‍.ഡി.സി/ ജെ.എസ്.എ തസ്തികകളുടെയും 3,598 ഒഴിവുകള്‍ പി.എ/ എസ്.എ തസ്തികകളുടെയും 26 ഒഴിവുകള്‍ ഡി.ഇ.ഒ തസ്തികയുടെയുമാണ്. കൂടുതല്‍ വിവരങ്ങള്‍ക്ക് എസ്.എസ്.സിയുടെ വെബ്‌സൈറ്റ് സന്ദര്‍ശിക്കുക.