പ്രധാന തീയതികൾ
ഫെബ്രുവരി ഒന്നിനാണ് എസ്.എസ്.സി സി.എച്ച്.എസ്.എൽ പരീക്ഷയുടെ വിജ്ഞാപനം കമ്മീഷൻ പ്രസിദ്ധീകരിച്ചത്. ഫെബ്രുവരി 1ന് ഓൺലൈൻ രജിസ്ട്രേഷൻ ആരംഭിച്ചു. മാർച്ച് 7ന് രാത്രി 11 മണി വരെ അപേക്ഷിക്കാൻ സമയമുണ്ട്. അപേക്ഷാ ഫീസ് ഓൺലൈനായി മാർച്ച് 8ന് രാത്രി 11 വരെ അടയ്ക്കാം. ഓഫീസ് ചെലാൻ മാർച്ച് 9ന് രാത്രി 11 വരെ ജനറേറ്റ് ചെയ്യാം. മാർച്ച് 10 വരെ ചെലാൻ വഴി ഫീസടയ്ക്കാം. മാർച്ച് 11 മുതൽ മാർച്ച് 15 വരെ അപേക്ഷയിൽ തിരുത്തലുകൾ വരുത്താം. ടയർ 1 പരീക്ഷ മേയിൽ നടക്കും.
തസ്തികകൾ
എസ്.എസ്.സി സി.എച്ച്.എസ്.എൽ പരീക്ഷ നടത്തുന്നത് ലോവർ ഡിവിഷൻ ക്ലാർക്ക് (എൽ.ഡി.സി), ജൂനിയർ സെക്രട്ടേറിയറ്റ് അസിസ്റ്റന്റ് (ജെ.എസ്.എ), പോസ്റ്റൽ അസിസ്റ്റന്റ് (പി.എ)/ സോർട്ടിംഗ് അസിസ്റ്റന്റ് (എസ്.എ), ഡേറ്റാ എൻട്രി ഓപ്പറേറ്റർ (ഡി.ഇ.ഒ), ഡേറ്റാ എൻട്രി ഓപ്പറേറ്റർ ഗ്രേഡ് എ തസ്തികകളിലേക്കുള്ള നിയമനത്തിനായാണ്.
യോഗ്യത
ഒരു അംഗീകൃത ബോർഡിൽ നിന്ന് പന്ത്രണ്ടാം ക്ലാസ് പാസായവർക്ക് അപേക്ഷിക്കാം. പന്ത്രണ്ടാം ക്ലാസിൽ സയൻസ് സ്ട്രീമിൽ കണക്ക് ഒരു വിഷയമായി പഠിച്ച് പാസായിരിക്കണം. 18 വയസിനും 17 വയസിനും ഇടയിൽ പ്രായമുള്ളവർക്ക് അപേക്ഷിക്കാം. 2022 ജനുവരി 1 അടിസ്ഥാനമാക്കിയാണ് പ്രായം കണക്കാക്കുന്നത്. സംവരണ വിഭാഗക്കാർക്ക് ഉയർന്ന പ്രായപരിധിയിൽ നിയമപ്രകാരമുള്ള ഇളവ് ലഭിക്കും.
അപക്ഷാ ഫീസ്
ജനറൽ, ഒ.ബി.സി, ഇ.ഡബ്ള്യൂ.എസ് വിഭാഗക്കാർക്ക് 100 രൂപയാണ് അപേക്ഷാ ഫീസ്. വനിതകൾ, പട്ടിക ജാതി, പട്ടിക വർഗം, ഭിന്നശേഷിക്കാർ, വിമുക്തഭടൻമാർ എന്നിവർക്ക് ഫീസില്ല
പരീക്ഷ
ടയർ 1 പരീക്ഷയിൽ യോഗ്യത നേടുന്നവർക്ക് ഡിസ്ക്രിപ്റ്റീവ് പരീക്ഷയുണ്ടായിരിക്കും. ടയർ 1 പരീക്ഷയിൽ ഒബ്ജക്ടീവ് രീതിയിലുള്ള ചോദ്യങ്ങളാണ് ചോദിക്കുക. നെഗറ്റീവ് മാർക്കിംഗ് ഉണ്ടാകും. ടയർ 2 പരീക്ഷ 100 മാർക്കിന്റേതാണ്. ഇത് എഴുത്ത് പരീക്ഷയാണ്. Also Read: യു.പി.എസ്.സി ഇന്ത്യൻ ഫോറസ്റ്റ് സർവീസ് പരീക്ഷയുടെ രജിസ്ട്രേഷൻ ആരംഭിച്ചു
ശമ്പളം
എൽ.ഡി.സി, ജൂനിയർ സെക്രട്ടേറിയറ്റ് അസിസ്റ്റന്റ്- 19,000 രൂപ മുതൽ 63,200 രൂപ വരെ (ലെവൽ 2)
പോസ്റ്റൽ അസിസ്റ്റന്റ്/ സോർട്ടിംഗ് അസിസ്റ്റന്റ്- 25,500 രൂപ മുതൽ 81,100 രൂപ വരെ (ലെവൽ 4)
ഡേറ്റാ എൻട്രി ഓപ്പറേറ്റർ- 25,500-81,100 (ലെവൽ 4), 29,200-92,300 (ലെവൽ 5)
ഡേറ്റാ എൻട്രി ഓപ്പറേറ്റർ ഗ്രേഡ് എ- 25,500 രൂപ മുതൽ 81,100 രൂപ വരെ (ലെവൽ 4)