സ്റ്റാഫ് സെലക്ഷന് കമ്മീഷന് നടത്തുന്ന കംബൈന്ഡ് ഹയര് സെക്കന്ഡറി ലെവല് 2018 പരീക്ഷയുടെ (സി.എച്ച്.എസ്.എല്) പരീക്ഷാ കേന്ദ്രം മാറ്റാന് അവസരം. ഇതിനായുള്ള വിന്ഡോ ആക്ലീവേറ്റ് ആയിട്ടുണ്ട്. പരീക്ഷാ കേന്ദ്രം മാറാന് ഉദേശിക്കുന്ന ഉദ്യോഗാര്ത്ഥികള്ക്ക് എസ്.എസ്.സിയുടെ ssc.nic.in എന്ന വെബ്സൈറ്റ് സന്ദര്ശിക്കാം.
നവംബര് 1 വരെ ഈ വിന്ഡോ ആക്ടീവ് ആയിരിക്കും. അതുവരെ പരീക്ഷാ കേന്ദ്രം മാറാന് ഉദ്യോഗാര്ത്ഥികള്ക്ക് അവസരം ലഭിക്കും. രജിസ്ട്രേഷന് നമ്പറും പാസ്വേര്ഡും ഉപയോഗിച്ച് ആദ്യം ലോഗിന് ചെയ്യുക. Latest Notifications എന്ന ടാബിനകത്ത് Candidates Dashboard കാണാം. അതില് പരീക്ഷാ കേന്ദ്രം മാറ്റാനുള്ള ഓപ്ഷന് കാണാന് കഴിയും. നവംബര് 26നാണ് എസ്.എസ്.സി സി.എച്ച്.എസ്.എല് പരീക്ഷ നടക്കുന്നത്.
അതേസമയം കൊവിഡ് 19 ന്റെ പശ്ചാത്തലത്തില് പരീക്ഷ എഴുതുന്നവര്ക്കുള്ള സുരക്ഷാ മാനദണ്ഡങ്ങളും കമ്മീഷന് പുറപ്പെടുവിച്ചിട്ടുണ്ട്. കൊവിഡ് 19 ലക്ഷണങ്ങളുമായി പരീക്ഷയ്ക്കെത്തുന്നവര്ക്ക് പ്രത്യേകം ഐസൊലേറ്റ് ചെയ്യപ്പെട്ടിട്ടുള്ള സീറ്റിങ് ക്രമീകരണങ്ങള് സജ്ജമാക്കും. ഉയര്ന്ന ശരീരോഷ്മാവ് ജലദോഷം അടക്കമുള്ളവര്ക്ക് കംപ്യൂട്ടര് അധിഷ്ഠിത പരീക്ഷയെഴുതാന് പ്രത്യേകം ക്രമീകരണങ്ങളുണ്ടാകും.
Also Read: IBPS PO 2020: അവസരം നഷ്ടപ്പെട്ടവര്ക്ക് വീണ്ടും അപേക്ഷിക്കാം
എസ്.എസ്.സി സി.ജി.എല് 2019 ടയര്2 പരീക്ഷകളാണ് ഉടന് വരാനുള്ള കമ്മീഷന്റെ പരീക്ഷകള്. നവംബര് 2 മുതല് നവംബര് 5 വരെയാണ് പരീക്ഷ. ഫെയ്സ് 8/2020 പരീക്ഷ നവംബര് 6 മുതല് 10വരെയും സ്റ്റെനോ ഗ്രേഡ് സി, ഡി പരീക്ഷകള് നവംബര് 16 മുതല് 18 വരെയും നടക്കും. ജൂനിയര് എഞ്ചിനീയര് പേപ്പര്2 പരീക്ഷ 2021 ജനുവരി 31നാണ്.