ഇന്ത്യന് ആര്മി ടെക്നിനക്കല് എന്ട്രി സ്കീം കോഴ്സിലേക്ക് പ്ലസ്ടു പാസായവരില് നിന്ന് അപേക്ഷ ക്ഷണിച്ചു. തെരഞ്ഞെടുക്കപ്പെടുന്നവരെ ഇന്ത്യന് ആര്മിയില് പെര്മനന്റ് ഓഫീസര് തസ്തികയിലേക്ക് നിയമിക്കും. ഒപ്പം എഞ്ചിനീയറിങ് ബിരുദവും ലഭിക്കും.
അഞ്ച് വര്ഷത്തെ ട്രെയിനിങ് കഴിഞ്ഞായിരിക്കും നിയമനം ലഭിക്കുക. 90 ഒഴിവുകളാണുള്ളത്. ഒഴിവിന്റെ എണ്ണം കൂടാനും കുറയാനും സാധ്യതയുണ്ട്. രജിസ്ട്രേഷന് ആരംഭിച്ചിട്ടുണ്ട്. താല്പ്പര്യമുള്ളവര് സെപ്റ്റംബര് 9 ന് മുമ്പ് അപേക്ഷ സമര്പ്പിക്കുക. കൂടുതല് വിവരങ്ങള്ക്കായി https://www.joinindianarmy.nic.in എന്ന വെബ്സൈറ്റ് സന്ദര്ശിച്ചാല് മതിയാകും.
Also Read: അങ്കണവാടി വര്ക്കര്/ഹെല്പ്പര് നിയമനം
2021 ജനുവരിയിലായിരിക്കും കോഴ്സ് ആരംഭിക്കുക. ഫിസിക്സ്, കെമിസ്ട്രി, മാത്സ് എന്നീ വിഷയങ്ങള് പഠിച്ച് കുറഞ്ഞത് 70 ശതമാനം മാര്ക്ക് നേടിയിട്ടുള്ളവര്ക്ക് അപേക്ഷിക്കാം. അപേക്ഷിക്കുന്നവര് പതിനാറര വയസിനും പത്തൊമ്പതര വയസിനും ഇടയിലുള്ളവരായിരിക്കണം.
Also Read: പോളിടെക്നിക് കോളേജില് ഇന്സ്ട്രക്ടര് ഒഴിവ്
എസ്എസ്ബി ഇന്റര്വ്യൂവിന്റെയും മെഡിക്കല് ടെസ്റ്റിന്റെയും അടിസ്ഥാനത്തിലായിരിക്കും തെരഞ്ഞെടുപ്പ്.