കോസ്റ്റ് ഗാർഡിൽ യാന്ത്രിക് ആവാം

ഇന്ത്യൻ കോസ്റ്റ് ഗാര്‍ഡ് യാന്ത്രിക് തസ്തികയിലേക്ക് അപേക്ഷ ക്ഷണിച്ചു. താത്പര്യമുള്ള ഉദ്യോഗാര്‍ഥികൾക്ക് മാര്‍ച്ച് 16 മുതൽ 21 വരെ അപേക്ഷകൾ സമര്‍പ്പിക്കാം.

അവിവാഹിതരായ പുരുഷന്മാര്‍ക്കാണ് അവസരം. ജോലിയിൽ കയറിയ ശേഷം സ്ഥാനക്കയറ്റം ലഭിക്കും. 02-2020 ബാച്ചിലേക്കാണ് അപേക്ഷകൾ ക്ഷണിച്ചിരിക്കുന്നത്. 2020 ഓഗസ്റ്റിൽ കോഴ്സ് ആരംഭിക്കും.

തെരഞ്ഞെടുപ്പ്

1. എഴുത്ത് പരീക്ഷ
2. ശാരീരിക ക്ഷമതാ പരിശോധന
3. അഭിമുഖം
4. വൈദ്യ പരിശോധന

യോഗ്യത

പത്താം ക്ലാസും മെക്കാനിക്കൽ അല്ലെങ്കിൽ ഇലക്ട്രിക്കൽ അല്ലെങ്കിൽ ഇലക്ട്രോണിക്സ് ആൻഡ് ടെലികമ്മ്യൂണിക്കേഷൻ എൻജിനീയറിങിൽ 60 ശതമാനം മാര്‍ക്കിൽ കുറയാത്ത ത്രിവത്സര ഡിപ്ലോമയാണ് യോഗ്യത. എസ്സി അല്ലെങ്കിൽ എസ്.ടി അല്ലെങ്കിൽ ദേശീയ തലത്തിൽ മികവ് തെളിയിച്ച കായിക താരങ്ങൾ അല്ലെങ്കിൽ സര്‍വീസിൽ മരിച്ച കോസ്റ്റ് ഗാര്‍ഡ് യൂണിഫോം തസ്തികയിലുണ്ടായിരുന്ന ജീവനക്കാരുടെ മക്കൾ എന്നിവര്‍ക്ക് 55 ശതമാനം മാര്‍ക്ക് മതി.

പ്രായപരിധി

അപേക്ഷകരുടെ പ്രായം 18നും 22നും ഇടയിലായിരിക്കണം. 1998 ഓഗസ്റ്റ് ഒന്നിനും 2002 ജൂലൈ 31നും ഇടയിൽ ജനിച്ചിരിക്കണമെന്ന് സാരം. അതേസമയം, സംവരണ വിഭാഗങ്ങൾക്ക് നിയമാനുസൃത ഇളവ് ലഭിക്കും.

ശാരീരികക്ഷമത

1. ഉയരം - 157 സെ.മീ
2. നെഞ്ചളവ് - കുറഞ്ഞത് 5 സെൻ്റിമീറ്റര്‍ നെഞ്ചളവ് വികാസം
3. തൂക്കം - പ്രായത്തിനനുസരിച്ച്
4. മികച്ച കാഴ്ച ശക്തി

ഹൃദ്രോഗം, കൂട്ടിമുട്ടുന്ന കാൽമുട്ടുകൾ, പരന്ന പാദങ്ങൾ, വേരിക്കോസ് വെയിൻ എന്നിവയുള്ളവര്‍ക്ക് അപേക്ഷിക്കാനാകില്ല.

പരീക്ഷാ കേന്ദ്രം

1. ചെന്നൈ
2. മുംബൈ
3. കൊൽക്കത്ത
4. നോയിഡ

അപേക്ഷ

ഇന്ത്യൻ കോസ്റ്റ് ഗാര്‍ഡിൻ്റെ ഔദ്യോഗിക വെബ്സൈറ്റ് വഴിയാണ് അപേക്ഷകൾ സമര്‍പ്പിക്കേണ്ടത്. അപേക്ഷ നടപടി പൂര്‍ത്തിയാകുമ്പോൾ രജിസ്ട്രേഷൻ നമ്പര്‍ ലഭിക്കും. ശേഷം പ്രിൻ്റ് എടുക്കണം. എല്ലാ അറിയിപ്പും ഇ-മെയിൽ വഴിയാകും ലഭിക്കുന്നത്.


YANTRIK_220_ADVT

പ്രധാനപ്പെട്ട തീയതികൾ

1. അപേക്ഷ - മാര്‍ച്ച് 16
2. അവസാന തീയതി - മാര്‍ച്ച് 21
3. ഇ-അഡ്മിറ്റ് കാര്‍ഡ് - ഏപ്രിൽ 9 മുതൽ 16 വരെ
4. ക്ലാസ് - 2020 ഓഗസ്റ്റ്