ഉദ്യോഗാര്ത്ഥികള്ക്കായി വ്യോമസേനയുടെ പുത്തന് മൊബൈല് ആപ്പ്
ഇന്ത്യന് വ്യോമസേനയില് ഒരു കരിയര് എന്ന സ്വപനമുള്ളവര് നിര്ബന്ധമായും ഡൗണ്ലോഡ് ചെയ്തിരിക്കേണ്ട മൊബൈല് ആപ്പാണ് MY IAF
Samayam Malayalam 27 Aug 2020, 2:19 pm
ഇന്ത്യന് വ്യോമസേനയുമായി ബന്ധപ്പെട്ട ഏറ്റവും പുതിയ വിവരങ്ങള് ലഭ്യമാക്കാന് MY IAF എന്ന മൊബൈല് ആപ്പുമായി എത്തിയിരിക്കുകയാണ് സേന. ഇന്ത്യന് എയര് ഫോഴ്സിലെ വിവിധ തസ്ത്തികകളില് ജോലി ചെയ്യാന് ആഗ്രഹിക്കുന്ന ഉദ്യോഗാര്ത്ഥികള്ക്ക് ആപ്പ് സഹായകരമാകും. ഫ്ളൈയിംഗ് ബ്രാഞ്ച്, ഗ്രൗണ്ട് ഡ്യൂട്ടി തുടങ്ങിയ വിഭാഗങ്ങളുടെ ഭാഗമായി പ്രവര്ത്തിക്കാന് ആഗ്രഹിക്കുന്നവര്ക്ക് ആപ്പ് പ്രയോജനപ്പെടുത്താം.
സി-ഡാക്കുമായി ചേര്ന്നാണ് വ്യോമ സേന പുതിയ ആപ്പ് വികസിപ്പിച്ചിട്ടുള്ളത്. വ്യോമസേനയിലെ കരിയറുമായി ബന്ധപ്പെട്ട കാര്യങ്ങള് വിരല്ത്തുമ്പില് അറിയാന് സാധിക്കുന്നു എന്നതാണ് പ്രത്യേകത.
Also Read: SSC CGL Tier 3: പരീക്ഷാ തീയതി പ്രഖ്യാപിച്ചു
ഗൂഗിള് പ്ലേ സ്റ്റോറില് നിന്ന് MY IAF ആപ്പ് എളുപ്പത്തില് ഡൗണ്ലോഡ് ചെയ്തെടുക്കാം. സേനയുടെ ചരിത്രമടക്കമുള്ള കാര്യങ്ങള് ആപ്പില് ലഭ്യമാണ്. ഇതിന് പുറമെ വീഡിയോകള്, ക്വിസുകള് എന്നിവയും ഉദ്യോഗാര്ത്ഥികള്ക്ക് കാണാന് സാധിക്കും. ഇന്ത്യന് വ്യോമസേനയിലേക്ക് കൂടുതല് ചെറുപ്പക്കാരെ ആകര്ഷിക്കുക എന്നതാണ് ആപ്പിലൂടെ ലക്ഷ്യമിടുന്നത്.
Also Read: ഭാരത് ഇലക്ട്രോണിക്സ് ലിമിറ്റഡില് ഒഴിവുകള്
സേനയിലേക്കുള്ള തെരഞ്ഞെടുപ്പ് രീതികള്, ട്രെയിനിംഗ്, ശമ്പളം, തുടങ്ങിയവ ആപ്പില് നിന്ന് മനസ്സിലാക്കാം.