ലോക്ക്ഡൗൺ കാരണം തൊഴിലാളികളും ജീവനക്കാരും നേരിടുന്ന പരാതികളും പ്രശ്നങ്ങളും പരിഹരിക്കാൻ സംസ്ഥാനങ്ങൾ നോഡൽ ഓഫീസര്മാരെ നിയമിക്കണമെന്ന് കേന്ദ്രസര്ക്കാര്. കേന്ദ്രത്തിലെ ചീഫ് ലേബര് കമ്മീഷണര് ഓഫീസിനു കീഴിലാണ് കൺട്രോൾ റൂമുകളുടെ പ്രവര്ത്തനം.
തൊഴിലാളികളുടെ വേതന സംബന്ധമായ പ്രശ്നങ്ങളുൾപ്പെടെ അറിയാനും ഇടപെടാനുമായി രാജ്യത്ത് 20 കൺട്രോൾ റൂമുകൾ തുറക്കാൻ സര്ക്കാര് തീരുമാനിച്ചിരുന്നു. ഈ കൺട്രോൾ റൂമുകളുടെ ഏകോപനം സാധ്യാമാകുന്ന വിധത്തിൽ സംസ്ഥാനങ്ങളിൽ നോഡൽ ഓഫീസര്മാരെ നിശ്ചയിക്കണമെന്നാണ് തൊഴിൽ മന്ത്രി സന്തോഷ് കുമാര് ആവശ്യപ്പെട്ടിരിക്കുന്നത്. സംസ്ഥാന സര്ക്കാരുകളുമായി ചേര്ന്ന് അതിഥി തൊഴിലാളികളുടെ പ്രശ്നങ്ങൾക്ക് പരിഹാരം കാണാനും കൺട്രോൾ റൂമുകൾ ശ്രമിക്കും. ഫോൺ നമ്പരുകൾ, വാട്ട്സാപ്പ്, ഇമെയിൽ എന്നിവ വഴി കൺട്രോൾ റൂമുകളുമായി തൊഴിലാളികൾക്ക് ബന്ധപ്പെടാം. ഈ പ്രവര്ത്തനങ്ങൾ കാര്യക്ഷമമായി ഏകോപിപ്പിക്കാനാണ് സംസ്ഥാനങ്ങളിൽ നോഡൽ ഓഫീസര്മാര് വേണമെന്ന നിര്ദേശം.
അതേസമയം, കൊറോണ വൈറസ് കാലത്ത് പ്രത്യേക ചില മേഖലകളിൽ മൂന്നിരട്ടി തൊഴിലവസരം വര്ധിച്ചെന്ന് റിപ്പോര്ട്ടുകൾ. തൊഴിൽ മേഖലയിൽ വലിയ പ്രതിസന്ധി ഉണ്ടെങ്കിലും വൈദഗ്ധ്യമുള്ള തൊഴിലാളികൾക്ക് ഡിമാൻഡ് വര്ധിക്കുന്നതായാണ് ഗ്ലാസ്റോഡിൻ്റെ റിപ്പോര്ട്ട് സൂചിപ്പിക്കുന്നത്. വൻകിട വികസിത രാഷ്ട്രങ്ങൾക്കുപോലും കൊറോണ വൈറസിനു മുന്നിൽ അടിപതറേണ്ടി വന്നിരിക്കുകയാണ്. എന്നിരുന്നാലും അമേരിക്കയിൽ ഒട്ടേറെപ്പേര്ക്ക് പുതുതായി ജോലി ലഭിക്കുന്നതായി റിപ്പോര്ട്ടുകൾ സൂചിപ്പിക്കുന്നു. ആരോഗ്യ രംഗമാണ് ഇതിനുമുന്നിൽ. നമ്മുടെ നാട്ടിലും ആരോഗ്യ സേവന രംഗത്ത് ജോലി സാധ്യത വര്ധിച്ചു. പരിശീലനം കഴിഞ്ഞ പൊലീസുകാര്ക്കും നിയമനം വേഗത്തിലായിട്ടുണ്ട്.
ഓൺലൈൻ അഭിമുഖത്തിൽ എന്തൊക്കെ ശ്രദ്ധിക്കണം?
യുഎസിൽ ബയോടെക്നോളജി, ഫാര്മസ്യൂട്ടിക്കൽസ്, ആരോഗ്യരംഗം തുടങ്ങിയ മേഖലകളിലെ സര്ക്കാര് ജോലികളിലെ അവസരങ്ങൾ കുതിച്ചുകയറിയെന്ന് തൊഴിലന്വേഷക വെബ്സൈറ്റായ ഗ്ലാസ്റോഡിൻ്റെ റിപ്പോര്ട്ട് സൂചിപ്പിക്കുന്നു. ഈ ജോലികളിലെ തൊഴിലവസരങ്ങൾ ഫെബ്രുവരി, മാര്ച്ച് മാസങ്ങളിൽ മൂന്നുമടങ്ങ് വര്ധനയുണ്ടായതായാണ് റിപ്പോര്ട്ട്. രജിസ്റ്റേര്ഡ് നേഴ്സുമാര്, കമ്യൂണിക്കേഷൻ അസോസിയേറ്റ്, സോഷ്യൽ വര്ക്കേഴ്സ്, പ്രോജക്ട് മാനേജര്, ടെക്നീഷ്യൻ എന്നീ ജോലികളിലാണ് ഏറ്റവും കൂടുതൽ ആളുകളെ ജോലിക്കെടുത്തത്. വിദ്യാഭ്യാസ മേഖലയിലും ഓൺലൈൻ മേഖലയിലും തൊഴിലവസരങ്ങൾ വര്ധിച്ചിട്ടുണ്ട്.
തൊഴിലാളികളുടെ വേതന സംബന്ധമായ പ്രശ്നങ്ങളുൾപ്പെടെ അറിയാനും ഇടപെടാനുമായി രാജ്യത്ത് 20 കൺട്രോൾ റൂമുകൾ തുറക്കാൻ സര്ക്കാര് തീരുമാനിച്ചിരുന്നു. ഈ കൺട്രോൾ റൂമുകളുടെ ഏകോപനം സാധ്യാമാകുന്ന വിധത്തിൽ സംസ്ഥാനങ്ങളിൽ നോഡൽ ഓഫീസര്മാരെ നിശ്ചയിക്കണമെന്നാണ് തൊഴിൽ മന്ത്രി സന്തോഷ് കുമാര് ആവശ്യപ്പെട്ടിരിക്കുന്നത്. സംസ്ഥാന സര്ക്കാരുകളുമായി ചേര്ന്ന് അതിഥി തൊഴിലാളികളുടെ പ്രശ്നങ്ങൾക്ക് പരിഹാരം കാണാനും കൺട്രോൾ റൂമുകൾ ശ്രമിക്കും. ഫോൺ നമ്പരുകൾ, വാട്ട്സാപ്പ്, ഇമെയിൽ എന്നിവ വഴി കൺട്രോൾ റൂമുകളുമായി തൊഴിലാളികൾക്ക് ബന്ധപ്പെടാം. ഈ പ്രവര്ത്തനങ്ങൾ കാര്യക്ഷമമായി ഏകോപിപ്പിക്കാനാണ് സംസ്ഥാനങ്ങളിൽ നോഡൽ ഓഫീസര്മാര് വേണമെന്ന നിര്ദേശം.
അതേസമയം, കൊറോണ വൈറസ് കാലത്ത് പ്രത്യേക ചില മേഖലകളിൽ മൂന്നിരട്ടി തൊഴിലവസരം വര്ധിച്ചെന്ന് റിപ്പോര്ട്ടുകൾ. തൊഴിൽ മേഖലയിൽ വലിയ പ്രതിസന്ധി ഉണ്ടെങ്കിലും വൈദഗ്ധ്യമുള്ള തൊഴിലാളികൾക്ക് ഡിമാൻഡ് വര്ധിക്കുന്നതായാണ് ഗ്ലാസ്റോഡിൻ്റെ റിപ്പോര്ട്ട് സൂചിപ്പിക്കുന്നത്. വൻകിട വികസിത രാഷ്ട്രങ്ങൾക്കുപോലും കൊറോണ വൈറസിനു മുന്നിൽ അടിപതറേണ്ടി വന്നിരിക്കുകയാണ്. എന്നിരുന്നാലും അമേരിക്കയിൽ ഒട്ടേറെപ്പേര്ക്ക് പുതുതായി ജോലി ലഭിക്കുന്നതായി റിപ്പോര്ട്ടുകൾ സൂചിപ്പിക്കുന്നു. ആരോഗ്യ രംഗമാണ് ഇതിനുമുന്നിൽ. നമ്മുടെ നാട്ടിലും ആരോഗ്യ സേവന രംഗത്ത് ജോലി സാധ്യത വര്ധിച്ചു. പരിശീലനം കഴിഞ്ഞ പൊലീസുകാര്ക്കും നിയമനം വേഗത്തിലായിട്ടുണ്ട്.
ഓൺലൈൻ അഭിമുഖത്തിൽ എന്തൊക്കെ ശ്രദ്ധിക്കണം?
യുഎസിൽ ബയോടെക്നോളജി, ഫാര്മസ്യൂട്ടിക്കൽസ്, ആരോഗ്യരംഗം തുടങ്ങിയ മേഖലകളിലെ സര്ക്കാര് ജോലികളിലെ അവസരങ്ങൾ കുതിച്ചുകയറിയെന്ന് തൊഴിലന്വേഷക വെബ്സൈറ്റായ ഗ്ലാസ്റോഡിൻ്റെ റിപ്പോര്ട്ട് സൂചിപ്പിക്കുന്നു. ഈ ജോലികളിലെ തൊഴിലവസരങ്ങൾ ഫെബ്രുവരി, മാര്ച്ച് മാസങ്ങളിൽ മൂന്നുമടങ്ങ് വര്ധനയുണ്ടായതായാണ് റിപ്പോര്ട്ട്. രജിസ്റ്റേര്ഡ് നേഴ്സുമാര്, കമ്യൂണിക്കേഷൻ അസോസിയേറ്റ്, സോഷ്യൽ വര്ക്കേഴ്സ്, പ്രോജക്ട് മാനേജര്, ടെക്നീഷ്യൻ എന്നീ ജോലികളിലാണ് ഏറ്റവും കൂടുതൽ ആളുകളെ ജോലിക്കെടുത്തത്. വിദ്യാഭ്യാസ മേഖലയിലും ഓൺലൈൻ മേഖലയിലും തൊഴിലവസരങ്ങൾ വര്ധിച്ചിട്ടുണ്ട്.