ആസ്വദിച്ച് ജോലി ചെയ്യാം
സാധാരണ പ്രൊഫഷനുകളിൽ നിന്ന് വേറിട്ട ഒന്നായിരിക്കും യോഗ ഇൻസ്ട്രക്ടറുടേത്. കൂടുതല് കാര്യങ്ങള് ഒരു യോഗ ഇന്സ്ട്രക്ടറിന് ചെയ്യാനുണ്ടാകും. ഇഷ്ടപ്പെട്ട് ജോലി ചെയ്യാന് സാധിക്കുന്നു. ഒപ്പം സമാധാനപരമായി ആള്ക്കാരെ യോഗയുടെ പാതിയിലേക്ക് കൊണ്ടു വരാനും കഴിയുന്നു. മറ്റ് ജോലികളിലെ വലിയ സമ്മര്ദ്ദം ഇവിടെ അനുഭവപ്പെടാറില്ല എന്നതു തന്നെയാണ് പ്രധാനം. യോഗം അത്യധികം ആസ്വദിച്ച് ചെയ്യുന്ന ഒരാള്ക്ക് മറ്റുള്ളവരിലേക്ക് അത് പകര്ന്നു നല്കാന് കഴിയുന്നു. ഒപ്പം കൈ നിറയെ പണവും സമ്പാദിക്കാം. തുടക്കത്തില് കഠിനമായി അദ്വാനിക്കണമെങ്കിലും പിന്നീട് അത് ജീവിതത്തിന്റെ ഭാഗമാകുമ്പോള് വളരെ ലളിതമായി മാറും.
ശമ്പളത്തിന്റെ കാര്യത്തിലും മുന്നിൽ
മറ്റ് വിഷയങ്ങളെ അപേക്ഷിച്ച് യോഗ കൈകാര്യം ചെയ്യുന്ന അധ്യാപകരുടെ എണ്ണം കുറവായതിനാൽ ഇവർക്ക് ഡിമാന്റും കൂടുതലായിരിക്കും. ലോകത്തെ വിവിധ ഭാഗങ്ങളില് ഇവര്ക്ക് നല്ല അവസരങ്ങള് ലഭിക്കുന്നു. യൂറോപ്യന് രാജ്യങ്ങളിലും ഇന്ത്യ അടക്കമുള്ള ഏഷ്യന് രാജ്യങ്ങളിലും നല്ല ഡിമാന്റാണുള്ളത്. അമേരിക്കയിലും യോഗ പഠിപ്പിക്കുന്നതിന് നല്ല ശമ്പളം ലഭിക്കും.
ആരോഗ്യം മെച്ചപ്പെടുത്താം
യോഗ ചെയ്യാനായി പ്രത്യേകം സമയം കണ്ടെത്തേണ്ടതില്ല എന്നതാണ് പ്രത്യേകത. എട്ടും പത്തും മണിക്കൂറുകള് ഓഫീസില് ചടഞ്ഞുകൂടി ഇരിക്കുന്നതിനെക്കാള് എന്തുകൊണ്ടും നല്ലതാണ് യോഗ പഠിപ്പിക്കുക എന്നത്. മറ്റുള്ളവരെ ആരോഗ്യവാന്മാരാക്കുക എന്നതു പോലെ സ്വയം ആരോഗ്യമുള്ള മനസിനും ശരീരത്തിനും ഉടമയാകാന് സാധിക്കുന്നു. ഓരോ ദിവസവും പുതിയ പുതിയ കാര്യങ്ങള് പഠിക്കാന് സാധിക്കുന്നു. ദിനംപ്രതി നിങ്ങളുടെ ആരോഗ്യവും മെച്ചപ്പെടുന്നു.
ലോകവും ചുറ്റാം
യോഗ കരിയറായി തെരഞ്ഞെടുക്കുന്നവര്ക്ക് ലോകം ചുറ്റി സഞ്ചരിക്കാനുള്ള സുവര്ണാവസരവും ലഭിക്കുന്നു. ലോകത്തിന്റെ പല ഭാഗങ്ങളിലെ ആള്ക്കാരെ കാണന് കഴിയുന്നു, ഒപ്പം തനതായ സംസ്കാരങ്ങളെ ആഴത്തില് മനസ്സിലാക്കാനും കഴിയും. പ്രകൃതിയുമായി ഇണങ്ങി നില്ക്കുന്ന നിരവധി സ്ഥലങ്ങള് നേരിട്ട് കാണാന് അവസരം ലഭിക്കുന്നു. യോഗ അധ്യാപകരുടെ ട്രെയിനിംഗ് പ്രോഗ്രാമുകളില് പങ്കെടുക്കാന് ചിലപ്പോള് നിങ്ങള്ക്ക് പല വിദേശ രാജ്യങ്ങളിലേക്കും പറക്കേണ്ടി വരും. ഇതിലൂടെ ലഭിക്കുന്ന അനുഭവസമ്പത്ത് വലുതായിരിക്കും.
Also Read: ശരീരത്തിലെ ടാറ്റു മുതൽ പെർഫ്യൂം വരെ; ആണും പെണ്ണും ബാങ്ക് ഇന്റർവ്യൂവിൽ ശ്രദ്ധിക്കേണ്ട കാര്യങ്ങൾ
പിരിമുറുക്കമില്ല
ആകർഷകമായ ശമ്പളം ലഭിക്കുന്ന പലർക്കും മനസ്സമാധാനമുണ്ടാവില്ല. ഇതിന് പുറമെ ആരോഗ്യ പ്രശ്നങ്ങള് വേറെയും. സ്ട്രെസ്, നടുവേദന, മാനസിക സംഘര്ഷം, ഡിപ്രഷന് തുടങ്ങിയവയും പിന്നാലെ വരുന്നു. എന്നാല് ഇതില് നിന്നൊക്കെ വ്യത്യസ്തമായി മറ്റ് ജോലികള് ചെയ്യുന്നവരെ അസൂയപ്പെടുത്തുന്ന തരത്തിലുള്ള ജോലിയാണ് ഒരു യോഗ അധ്യാപകന്റേത്.
Also Read: നഴ്സുമാർക്ക് എങ്ങനെ വർക്ക് ഫ്രം ഹോം ആയി ജോലി ചെയ്യാനാകും? ഉത്തരം ഇതാ
വീണ്ടും പഠിക്കാം
യോഗയുമായി ബന്ധപ്പെട്ട് പുതിയ പുതിയ കാര്യങ്ങള് എന്നും നടക്കുന്നു. യോഗയുടെ സാധ്യതകളുമായി ബന്ധപ്പെട്ട് ഗവേഷണങ്ങള് പുരോഗമിക്കുന്നുണ്ട്. വെറുമൊരു യോഗ അധ്യാപകനായി തുടരാതെ പുതിയ മേച്ചില്പ്പുറങ്ങള് തേടി പോകാം. കൗണ്സിലര്, തെറാപ്പിസ്റ്റ്, പേഴ്സണല് ട്രെയിനര്, ഗവേഷകന് എന്നീ നിലകളില് പ്രവര്ത്തിക്കാൻ ഇവർക്ക് വിദേശത്തും സ്വദേശത്തും അവസരം ലഭിക്കുന്നു.