അഭിമുഖ സമയത്ത് അബദ്ധത്തിൽപ്പോലും ഈ ഉത്തരങ്ങൾ പറയരുത്...!

ദൈനംദിന ജീവിതത്തിൽ വീട്ടിലും കൂട്ടുകാരുടെ ഇടയിലും നിങ്ങൾ പലപ്പോഴായി പറഞ്ഞുക്കൊണ്ടിരിക്കുന്നതാവും ഈ വീക്ക് നെസ്സ് പ്രശ്നം. എന്നാൽ, അഭിമുഖ സമയത്ത് ഇങ്ങനെ ഒരു ചോദ്യം വന്നാലോ. കൂടുതലാളുകളും ആലോചിച്ച്, ചോദ്യക്കര്‍ത്താക്കൾക്ക് ദഹിക്കാത്ത രീതിയിലുള്ള മറുപടിയാവും കൊടുക്കുന്നത്. ഒരിക്കലും ഇങ്ങനെ ചെയ്യരുത്. നിങ്ങൾക്ക് ജോലി ലഭിക്കാനുള്ള സാധ്യതയാണ് ഈ കള്ളത്തരത്തിലൂടെ നഷ്ടമാവുന്നത്. അതേസമയം, ഉദാഹരണത്തിന് നിങ്ങളുടെ വീക്ക് നെസ്സ് ചോക്ലേറ്റും പേസ്റ്റ്റിയും ആണെങ്കിൽ അത് പറയുന്നതാണ് ഏറ്റവും നല്ലത്. സത്യസന്ധമായ മറുപടിക്കു വേണ്ടിയാണ് ഇത്തരത്തിലുള്ള ചോദ്യങ്ങൾ അഭിമുഖത്തിനിടെ വരുന്നതെന്നും ഓര്‍മ്മ വേണം.

സാധാരണ ഒട്ടുമിക്ക എല്ലാ അഭിമുഖങ്ങളിലും ചോദിക്കുന്ന ഒരു ചോദ്യമാണ് ഇത്. ഉടൻ തന്നെ, നിങ്ങളുടെ കൂട്ടുകാരൻ പറഞ്ഞതോ, ഏതെങ്കിലും ബുക്കിൽ വായിച്ച സ്വപ്നമോ പറഞ്ഞ് കളയരുത്. ഇത്തരത്തിൽ ഒരു കാര്യം ചിന്തിച്ചിട്ടില്ലെങ്കിൽ അത് തുറന്നു പറയുക. അല്ലെങ്കിൽ അറിയില്ല. ഇതൊന്നുമല്ലാതെ, നിങ്ങളുടെ ലക്ഷ്യത്തെക്കുറിച്ച് പൂര്‍ണമായ ബോധ്യമുണ്ടെങ്കിൽ അത് പറയുക, അതും കൃത്യതയോടെ മാത്രം.

ഒരുപാട് അപേക്ഷകൾ ലഭിച്ചിട്ടുണ്ടെന്നും നിങ്ങളെ എന്തിന് ഹയര്‍ ചെയ്യണമെന്നുമുള്ള ചോദ്യം പലപ്പോഴായി കേൾക്കാം. ഉടനെ കൂടുതലാളുകളും ഇല്ലാത്ത കഴിവും ഞാൻ കമ്പനിക്ക് അസ്സറ്റ് ആയിരിക്കുമെന്നും പറഞ്ഞ് കളയും. ഒരിക്കലും ഇങ്ങനെ ആവശ്യമില്ലാത്ത കാര്യങ്ങൾ പറഞ്ഞു കളഞ്ഞേക്കരുത്. അതേസമയം, നിങ്ങൾ എന്താണെന്നോ, എന്തൊക്കെ കഴിവുകളഉണ്ടെന്നോ എന്തൊക്കെ ചെയ്യാൻ കഴിയുമെന്നോ സത്യസന്ധമായി മറുപടി പറയാനുള്ള അവസരം കൂടിയാണിത്.

ഈ ചോദ്യത്തിന് മുന്നിൽ പലപ്പോഴും ഉത്തരമില്ലാതെ നിന്നു കളയുന്നവരെ കാണാറുണ്ട്. എന്തിനാണ് നിങ്ങൾക്ക് ശരിക്കും ജോലി. ജോലി ഇല്ലാത്തതു കൊണ്ടാണ് എന്നതല്ലേ ശരിക്കും ഉത്തരം. അല്ലെങ്കിൽ വേറെ ഒരു ജോലി, ഉയര്‍ന്ന ശമ്പളം, ലൊക്കേഷൻ പ്രശ്നം തുടങ്ങി ശരിക്കും നിങ്ങൾക്ക് എന്തിനാണോ ആ ജോലി എന്നത് തുറന്ന് പറഞ്ഞേക്കുക.

അഭിമുഖം അവസാനിക്കുന്ന സമയത്ത് പലപ്പോഴും ചോദിക്കുന്ന ചോദ്യമാണ് എന്തെങ്കിലും ചോദിക്കാനുണ്ടോ, അല്ലെങ്കിൽ സംശയം ഉണ്ടോ എന്ന്. ആ സമയത്ത് ഇല്ല, എല്ലാം മനസ്സിലായി എന്ന് പറഞ്ഞ് കടന്നുകളയരുത്. നിങ്ങളുടെ സംശയങ്ങൾ തുറന്നു തന്നെ ചോദിക്കണം. മാത്രമല്ല, ജോലി കിട്ടാൻ സാധ്യതയുണ്ടോ എന്നും ആരായണം. നിങ്ങൾ നിങ്ങളുടെ സമയം നഷ്ടപ്പെടുത്തിയാണ് എത്തിയിരിക്കുന്നത്, അതായത്, ഒരു സംശയവും ബാക്കി വെച്ചാവരുത് തിരിച്ചു പോവുന്നത്.