RRB NTPC: ആറാം ഘട്ട പരീക്ഷയുടെ തീയതികൾ പ്രഖ്യാപിച്ചു

റെയിൽവേ റിക്രൂട്ട്മെന്റ് ബോർഡിന്റെ നോൺ ടെക്നിക്കൽ പോപ്പുലർ കാറ്റഗറി (ആർ.ആർ.ബി എൻ.ടി.പി.സി) പരീക്ഷയുടെ ആറാം ഘട്ടത്തിന്റെ തീയതികൾ വന്നു. ഔദ്യോഗിക വെബ്സൈറ്റായ rrbcdg.gov.in സന്ദർശിച്ച് തീയതി സംബന്ധിച്ച് വിശദ വിവരങ്ങൾ പരിശോധിക്കാം.

രാജ്യത്തിന്റെ വിവിധ ഭാഗങ്ങളിലുള്ള കേന്ദ്രങ്ങളിൽ ഏപ്രിൽ 1, 3, 5, 6, 7, 8 തീയതികളിലായാണ് പരീക്ഷ നടക്കുന്നത്. ആർ.ആർ.ബി എൻ.ടി.പി.സി ഫേസ് 6 പരീക്ഷയ്ക്കായി രജിസ്റ്റർ ചെയ്തത് 6 ലക്ഷത്തോളം ഉദ്യോഗാർത്ഥികളാണ്. പരീക്ഷ നടക്കുന്ന നഗരം, തീയതി, സൗജന്യ യാത്രാ പാസ് എന്നിവ ഉദ്യോഗാർത്ഥികൾക്ക് വെബ്സൈറ്റിൽ നിന്ന് ഡൗൺലോഡ് ചെയ്യാം.

സി.ബി.എസ്.ഇ ഗ്രൂപ്പ് എ നിയമനം 2021: അന്തിമ ഫലം ഇപ്പോൾ ഡൗൺലോഡ് ചെയ്യാം
പരീക്ഷയ്ക്ക് 4 ദിവസം മുമ്പ് അഡ്മിറ്റ് കാർഡ് ഡൗൺലോഡ് ചെയ്യാനാകും. മറ്റ് പ്രധാനപ്പെട്ട വിവരങ്ങൾ ഉദ്യോഗാർത്ഥികളുടെ ഇമെയിലിലേക്കും മൊബൈൽ നമ്പറിലേക്കും അയച്ചിട്ടുണ്ട്. കൊവിഡ് 19ന്റെ പശ്ചാത്തലത്തിൽ സുരക്ഷാ മാനദണ്ഡങ്ങൾ കൃത്യമായി പാലിച്ചായിരിക്കും പരീക്ഷ നടത്തുക. ഇലക്ട്രോണിക് ഉപകരണങ്ങൾ, വാച്ച്, ബ്ലൂടൂത്ത് സൗകര്യമുള്ള ഉപകരണങ്ങൾ, കാൽക്കുലേറ്റർ, മെറ്റൽ വയറുകൾ, ബ്രേസ്ലെറ്റ് തുടങ്ങിയവ പരീക്ഷാ കേന്ദ്രത്തിൽ അനുവദിക്കില്ല. കൂടുതൽ വിവരങ്ങൾ വെബ്സൈറ്റ് സന്ദർശിക്കുക.