UPSC Recruitment: അസിസ്റ്റന്റ് എഞ്ചിനീയര്‍ ഉള്‍പ്പടെ വിവിധ തസ്തികകളിലേക്ക് അപേക്ഷ ക്ഷണിച്ചു

അസിസ്റ്റന്റ് എഞ്ചിനീയര്‍, പബ്ലിക് പ്രൊസിക്യൂട്ടര്‍ തുടങ്ങിയ തസ്തികകളിലേക്ക് യൂണിയന്‍ പബ്ലിക് സര്‍വീസ് കമ്മീഷന്‍ (യു.പി.എസി.സി) അപേക്ഷ ക്ഷണിച്ചു. താല്‍പ്പര്യമുള്ള ഉദ്യോഗാര്‍ത്ഥികള്‍ക്ക് യു.പി.എസ്.സിയുടെ ഔദ്യോഗിക വെബ്‌സൈറ്റായ upsc.gov.in സന്ദര്‍ശിക്കാം.

Also Read: എംപ്ലോയ്മെന്റ് എക്സചേഞ്ചുകളില്‍ മുന്‍ഗണനാ പട്ടിക പ്രസിദ്ധീകരിച്ചു

ഡിസംബര്‍ 31 വരെ അപേക്ഷ സമര്‍പ്പിക്കാന്‍ സമയമുണ്ട്. അസിസ്റ്റന്റ് ലീഗല്‍ അഡൈ്വസര്‍-2, മെഡിക്കല്‍ ഫിസിസ്റ്റ്-4, പബ്ലിക് പ്രോസിക്യൂട്ടര്‍-10, അസിസ്റ്റന്റ് എഞ്ചിനീയര്‍-18 എന്നിങ്ങനെയാണ് ഒഴിവുകള്‍. അപേക്ഷ നല്‍കിയവരില്‍ നിന്ന് തെരഞ്ഞെടുക്കപ്പെടുന്നവരെ അഭിമുഖത്തിനായി വിളിക്കും. ഇതിന്റെ അടിസ്ഥാനത്തിലായിരിക്കും നിയമനം. 100 മാര്‍ക്കിനാണ് അഭിമുഖം. ജനറല്‍, ഇ.ഡബ്ല്യൂ.എസ് വിഭാഗക്കാര്‍ക്ക് 50 മാര്‍ക്കാണ് മിനിമം. ഒ.ബി.സി വിഭാഗക്കാര്‍ക്ക് 45, എസ്.സി, എസ്.ടി, ഭിന്നശേഷിക്കാര്‍ എന്നിവര്‍ക്ക് 40 മാര്‍ക്ക് എന്നിങ്ങനെയുമാണ്.