പബ്‌ജിയിലൂടെ പരിചയപ്പെട്ട 12വയസുകാരിയെ ബലാത്സംഗം ചെയ്‌ത് ദൃശൃങ്ങൾ പകർത്തി; മൂന്ന് പേർ അറസ്‌റ്റിൽ

ഭോപ്പാൽ: പബ്‌ജി ഓൺലൈൻ ഗെയിമിലൂടെ പരിചയപ്പെട്ട പ്രായപൂർത്തിയാകാത്ത പെൺകുട്ടിയെ ബലാത്സംഗം ചെയ്‌ത് ദൃശ്യങ്ങൾ മൊബൈൽ ഫോണിൽ പകർത്തി. സംഭവത്തിൽ ഭോപ്പാൽ രംഭാനഗർ സ്വദേശികളായ മൂന്ന് യുവാക്കളെ പോലീസ് അറസ്‌റ്റ് ചെയ്‌തു. 12 വയസുള്ള പെൺകുട്ടിയാണ് പീഡനത്തിന് ഇരയായതെന്ന് പോലീസ് വ്യക്തമാക്കി.

Also Read: ഒരു വര്‍ഷത്തോളമായി യുവതിയെ ശുചിമുറിയില്‍ പൂട്ടിയിട്ട് ഭര്‍ത്താവ്; ഒടുവില്‍ മോചനം

കഴിഞ്ഞ ദിവസമാണ് പ്രതികൾ പിടിയിലായത്. പബ്‌ജി ഗെയിം കളിക്കുന്നതിനിടെയാണ് 18ഉം 19ഉം വയസ് പ്രായമുള്ള യുവാക്കളുമായി പെൺകുട്ടി പരിചയത്തിലായത്. കഴിഞ്ഞ മാസം ഇവർ പെൺകുട്ടിയെ രംഭാനഗറിലേക്ക് വിളിച്ചുവരുത്തി ബലാത്സംഗം ചെയ്‌ത് ദൃശ്യങ്ങൾ ഫോണിൽ പകർത്തി.

ദൃശ്യങ്ങൾ പുറത്ത് വിടുമെന്ന് ഭീഷണിപ്പെടുത്തി പെൺകുട്ടിയെ തുടർന്നും വിളിച്ചുവരുത്തി പ്രതികൾ ലൈംഗിക പീഡനങ്ങൾക്ക് ഇരയാക്കി. ദൃശ്യങ്ങൾ ഇന്റർനെറ്റിൽ പ്രചരിപ്പിക്കുമെന്ന് ഭീഷണിപ്പെടുത്തിയായിരുന്നു പീഡനം തുടർന്നത്.

Also Read: ലഹരിക്കടിമ: മുത്തശ്ശിയുടെ തലയറുത്ത് ഡൈനിങ്ങ് ടേബിളിൽ വെച്ച് 25കാരൻ

പീഡനം തുടർന്നതോടെ പെൺകുട്ടി വിവരം മാതാപിതാക്കളെ അറിയിക്കുകയും പോലീസിൽ പരാതി നൽകുകയുമായിരുന്നു. കേസെടുത്ത് അന്വേഷണം ആരംഭിച്ച പോലീസ് രംഭാനഗറിൽനിന്ന് മൂന്ന് പ്രതികളെയും പിടികൂടി. ഇവർക്കെതിരെ പോക്‌സോ അടക്കമുള്ള വകുപ്പുകൾ ചുമത്തിയതായും അന്വേഷണം പുരോഗമിക്കുന്നതായും പോലീസ് പറഞ്ഞു.