ബലാൽസംഗം ചെറുക്കാൻ തീകൊളുത്തി; 27 ദിവസത്തിന് ശേഷം 13കാരി മരണത്തിന് കീഴടങ്ങി

26 വയസുകാരൻ നടത്തിയ ബലാത്സംഗ ശ്രമത്തെ ചെറുക്കുന്നതിന് വേണ്ടിയാണ് 13 വയസ്സുകാരി തീകൊളുത്തിയത്. തെലങ്കാനയിലെ ഖമ്മം ജില്ലയിൽ ആണ് സംഭവം നടന്നത്. തീകൊളുത്തിയ ശേഷം ഹൈദരാബാദിലെ ഒരു സ്വകാര്യ ആശുപത്രിയിൽ പെണ്‍കുട്ടി ചികിത്സയിലായിരുന്നു. എന്നാല്‍ 27 ദിവസത്തിന് ശേഷം പെണ്‍കുട്ടി ഇന്നലെ രാത്രി മരിച്ചു.

മുസ്തഫനഗറിലെ പ്രതിയുടെ വസതിയിൽ വീട്ടുജോലിക്കാരിയായി ജോലി ചെയ്യുകയായിരുന്നു പെൺകുട്ടി.
ഒക്ടോബർ ആദ്യമാണ് സംഭവം നടക്കുന്നത്. അപകടത്തിൽ പൊള്ളലേറ്റതായി പ്രതി പറഞ്ഞെങ്കിലും ആശുപത്രി അധികൃതര്‍ക്ക് ചില സംശയങ്ങള്‍ തോന്നിയതിനാല്‍ ‍ആണ് അവർ പോലീസില്‍ വിവരം അറിയിച്ചത്.

Also Read: റേഷന്‍ കടകളെ ചൊല്ലി തര്‍ക്കത്തിനിടെ വെടിവെയ്പ്; ഒരാള്‍ മരിച്ചു

80 ശതമാനം പൊള്ളലേറ്റ പെൺകുട്ടിയെ ഒക്ടോബർ 5 ന് ഹൈദരാബാദിലെ ഉസ്മാനിയ ജനറൽ ആശുപത്രിയിലേക്കും പിന്നീട് മികച്ച ചികിത്സയ്ക്കായി ഒരു കോർപ്പറേറ്റ് ആശുപത്രിയിലേക്കും മാറ്റി.
തന്നെ ലൈംഗികമായി പീഡിപ്പിക്കാനുള്ള ശ്രമങ്ങളെ എതിർത്തതിനാൽ പെട്രോൾ ഒഴിച്ച ശേഷം ഇയാൾ തന്നെ കിടപ്പുമുറിയിലേക്ക് വലിച്ചിഴച്ച് മർദ്ദിച്ച് തീകൊളുത്തുകയായിരുന്നുവെന്ന് പെൺകുട്ടി പോലീസിനോട് പറഞ്ഞു. സംഭവം നടന്നപ്പോള്‍ പ്രതി ആദ്യം വീട്ടില്‍ നിന്ന് ഓടിപ്പോയെങ്കിലും ഏതാനും മണിക്കൂറുകൾക്ക് ശേഷം പെണ്‍കുട്ടിയെ ആശുപത്രിയില്‍ എത്തിച്ചു. തുടര്‍ന്ന് പെണ്‍കുട്ടിക്ക് ഒരു അപകടത്തില്‍ പൊള്ളലേറ്റു എന്ന് പെണ്‍കുട്ടിയുടെ മാതാപിതാക്കളെ ഇയാൾ അറിയിച്ചു. ബലാത്സംഗം, കൊലപാതക ശ്രമം, എന്നീ കുറ്റങ്ങള്‍ ചുമത്തി പ്രതിക്കെതിരെ പോലീസ് കേസെടുത്തിട്ടുണ്ട്.