ലോക്ക്ഡൗൺ സമയത്ത് 13 വയസുകാരിയെ പിതാവ് ബലാത്സംഗം ചെയ്തു; പരാതിയുമായി രണ്ടാനമ്മ

തെലങ്കാന: ലോക്ക്ഡൗൺ സമയത്ത് 13 വയസുകാരിയെ പിതാവ് ഒന്നിലധികം തവണ ബലാത്സംഗം ചെയ്തു എന്ന പരാതിയുമായി രണ്ടാനമ്മ രംഗത്ത്. തെലങ്കാനയിലെ വികാരാബാദ് ജില്ലയിൽ നിന്നാണ് സംഭവം റിപ്പോര്‍ട്ട് ചെയ്തിരിക്കുന്നത്. കൂലിപ്പണിക്കാരനായ 35കാരൻ നാല് തവണ വിവാഹം കഴിച്ചു. അദ്ദേഹം ആദ്യ രണ്ട് വിവാഹങ്ങളില്‍ നിന്നും മോചനം നേടി. മൂന്നാമത്തെ ഭാര്യ രോഗം ബാധിച്ച് മരിച്ചു. ഈ ഭാര്യയില്‍ ഉള്ള 13 വയസുകാരിയായ പെണ്‍കുട്ടിയെയാണ് ഇയാള്‍ പീഡിപ്പിക്കുന്നതെന്ന് ഇയാളുടെ നാലാമത്തെ ഭാര്യ പോലീസില്‍ നല്‍കിയ പരാതിയില്‍ പറയുന്നു. മാർച്ചിൽ രാജ്യവ്യാപകമായി ലോക്ക്ഡൗൺ ഏർപ്പെടുത്തിയതിനാല്‍ വിദ്യാഭ്യാസ സ്ഥാപനങ്ങൾ അടച്ചിട്ടിരിക്കുകയാണ് അതുകൊണ്ട് പെണ്‍കുട്ടി ഇപ്പോള്‍ വീട്ടിലാണ് താമസിക്കുന്നത്.

Also Read: കുത്തി കൊലപ്പെടുത്തിയ ശേഷം 22കാരന്‍റെ തലവെട്ടിമാറ്റി, സംഭവം നടന്നത് തമിഴ്നാട്ടില്‍

വീട്ടിൽ തിരിച്ചെത്തിയ ശേഷം പ്രായപൂർത്തിയാകാത്ത പെൺകുട്ടിയെ ലോക്ക്ഡൗൺ സമയത്ത് ഇയാള്‍ നിരവധി തവണ ബലാത്സംഗം ചെയ്തതായി പോലീസില്‍ നല്‍കിയ പരാതിയില്‍ രണ്ടാനമ്മ പറയുന്നു. ഗ്രാമത്തില്‍ അടുത്തിടെ നടന്ന ഉത്സവ സമയത്താണ് പിതാവ് കുട്ടിയെ അവസാനമായി ലൈംഗികമായി പീഡിപ്പിച്ചതെന്ന് യുവതി പോലീസില്‍ നല്‍കിയ പരാതിയില്‍ പറയുന്നു.

Also Read: "നല്ല ഫ്രഷ് നയം" ഷൊര്‍ണൂര്‍ എംഎല്‍എ പികെ ശശിയെ ട്രോളി കൊന്ന് ട്രോളന്‍മാര്‍

ആരോടെങ്കിലും എന്തെങ്കിലും പറഞ്ഞാല്‍ കൊല്ലുമെന്ന് പിതാവ് കുട്ടിയെ ഭീഷണിപ്പെടുത്തിയിരുന്നു. എന്നാല്‍ പീഡനം സഹിക്കാന്‍ കഴിയാത്തതിനാല്‍ കുറച്ച് ദിവസങ്ങൾക്ക് മുമ്പ് പെണ്‍കുട്ടി രണ്ടാനമ്മയോട് കാര്യങ്ങള്‍ പറഞ്ഞു. ഉടന്‍ തന്നെ അവര്‍ പോലീസില്‍ പരാതി നല്‍കുകയായിരുന്നു. പ്രതിക്കെതിരെ കേസെടുത്ത് അന്വേഷണം ആരംഭിച്ചിട്ടുണ്ടെന്ന് പോലീസ് അറിയിച്ചു.