നവജാത ശിശുവിനെ മരവിപ്പിച്ചുകൊന്നു; ഫ്രീസറിൽ വെച്ചത് കൗമാരക്കാരിയായ അമ്മ

മോസ്കോ: താൻ പ്രസവിച്ച വിവരം മാതാപിതാക്കളെ അറിയിക്കാൻ ഭയന്ന കൗമാരക്കായി കുഞ്ഞിനെ ഫ്രീസറിൽ അടച്ച് മരവിപ്പിച്ചുകൊന്നു. സൈബീരിയയിലെ നോവോസിബിർസ്ക് നഗരത്തിനടുത്തുള്ള വെർക്ക്-തുല ഗ്രാമത്തിലാണ് സംഭവം

സ്കൂൾ വിദ്യാ‍ര്‍ത്ഥിനിയായ പെൺകുട്ടി ഗ‍ര്‍ഭിണിയാണെന്ന് വീട്ടുകാ‍ര്‍ അറിഞ്ഞിരുന്നില്ല. അതിനാൽത്തന്നെ പെൺകുട്ടി പ്രസവിച്ച വിവരം വീട്ടുകാ‍ര്‍ അറിഞ്ഞില്ല. പ്രസവ ശേഷം ആൺകുഞ്ഞിനെ പ്ലാസ്റ്റിക്ക് ബാഗിലാക്കിയ ശേഷം ഫ്രീസറിൽ വെക്കുകയായിരുന്നു.

Also Read: 35 ബലാത്സംഗങ്ങൾ; നീലചിത്ര വ്യവസാരംഗത്തെ രാജാവ്; 67 കാരൻ റോൺ ജെർമിയുടെ പതനം

കടുത്ത രക്തസ്രാവം ശ്രദ്ധയിൽപ്പെട്ടപ്പോൾ മകൾക്ക് അപ്പെൻഡിസൈറ്റിസ് ആകുമെന്നാണ് പെൺകുട്ടിയുടെ മാതാവ് കരുതിയത്. ഇടൻതന്നെ ആമ്പുലൻസ് വിളിച്ച് ആശുപത്രിയിൽ എത്തിക്കുകയും ചെയ്തു. ആമ്പുലൻസിൽ ഉണ്ടായിരുന്ന നഴ്സുമാരോടാണ് താൻ കുഞ്ഞിന് ജന്മം നൽകിയ വിവരം പെൺകുട്ടി വെളിപ്പെടുത്തിയത്.

Also Read: കോഴിപ്പോര് തടയാനെത്തിയ പോലീസുകാരൻ പോരുകോഴിയുടെ ആക്രമണത്തിൽ മരിച്ചു; മൂന്ന് പേർ അറസ്‌റ്റിൽ

താൻ കുഞ്ഞിനെ പ്രസവിച്ചുവെന്നും കുട്ടിയെ ഫ്രീസറിൽ സൂക്ഷിച്ചിരിക്കുകയാണെന്നും പെൺകുട്ടി പറഞ്ഞു. അധികൃത‍ര്‍ വീട്ടിലെത്തി ഫ്രീസ‍ര്‍ തുറന്നപ്പോഴേക്കും കുഞ്ഞ് മരണപ്പെട്ടിരുന്നു. ഗുരുതരാവസ്ഥയിൽ ചികിത്സയിൽ കഴിയുകയാണ് പെൺകുട്ടി.

പെൺകുട്ടിയുടെ ഗ‍ര്‍ഭ വിവരത്തെക്കുറിച്ച് തിരക്കിയപ്പോൾ മകളുടെ ശരീര വണ്ണം കൂടിതയതാണെന്നാണ് കരുതിയതെന്ന് പെൺകുട്ടിയുടെ മാതാവ് പറഞ്ഞതായി അയൽവാസികൾ പറഞ്ഞു. 16 കാരനാണ് കുഞ്ഞിന്റെ പിതാവ്- മിറ‍ര്‍ റിപ്പോ‍ര്‍ട്ട് ചെയ്തു.