പിതാവിന്റെ ഫോണിൽനിന്ന് ഫേസ്ബുക്കിൽ അശ്ലീല വീഡിയോ പങ്കുവച്ചു; 16കാരൻ അറസ്റ്റിൽ

തമിഴ്‌നാട്: പ്രായപൂർത്തിയാകാത്ത പെൺകുട്ടികളുടെ വീഡിയോ സോഷ്യൽ മീഡിയയിൽ പങ്കുവച്ച 16കാരനെ പോലീസ് അറസ്റ്റ് ചെയ്തു. തമിഴ്നാട്ടിലെ തഞ്ചാവൂരിലാണ് സംഭവം. പതിനൊന്നാം ക്ലാസ് വിദ്യാർഥിയായ പ്രതിക്കൊപ്പം പിതാവും അറസ്റ്റിലായി.

ബുധനാഴ്ച രാത്രിയാണ് കേസിനാസ്പദമായ സംഭവം. ഫേസ്ബുക്ക് അക്കൗണ്ടിൽനിന്ന് അശ്ലീല വീഡിയോ പങ്കുവച്ചെന്നാരോപിച്ച് പരാതി ലഭിച്ചതോടെ പോലീസ് അന്വേഷണം നടത്തുകയായിരുന്നു. വീഡിയോ സോഷ്യൽ മീഡിയയിൽ പങ്കുവയ്ക്കാൻ ഉപയോഗിച്ച മൊബൈൽ ഫോൺ സൈബർ പോലീസ് അന്വേഷണത്തിൽ കണ്ടെത്തി. ഇതോടൊപ്പം പ്രായപൂർത്തിയാകാത്ത ആൺകുട്ടിയുടെ അക്കൗണ്ടിൽനിന്നാണ് അശ്ലീല വീഡിയോ പങ്കുവച്ചതെന്നും പോലീസ് കണ്ടെത്തി.

Also Read: പെൺകുഞ്ഞ് പിറന്നതിനെച്ചൊല്ലി തർക്കം; ഭാര്യാപിതാവിനെ യുവാവ് കുത്തിപ്പരിക്കേൽപ്പിച്ചു

തുടർന്ന് വനിത പോലീസ് സ്റ്റേഷനിലെ ഉദ്യോഗസ്ഥരും പാപനാശം ഡെപ്യൂട്ടി പോലീസ് സൂപ്രണ്ടും (ഡിഎസ്പി) സംയുക്തമായി നടത്തിയ അന്വേഷണത്തിൽ പ്രതികളെ കണ്ടെത്തി. പിതാവിന്റെ മൊബൈൽ ഫോൺ ഉപയോഗിച്ചാണ് പ്രതി വീഡിയോകൾ സോഷ്യൽ മീഡിയയിൽ അപ്ലോഡ് ചെയ്തിരുന്നത്. തുടർന്ന് ആൺകുട്ടിയെയും പിതാവിനേയും പോലീസ് അറസ്റ്റ് ചെയ്തു. പോക്സേ അടക്കമുള്ള വകുപ്പുകൾ ഉൾപ്പെടുത്തിയാണ് പ്രതിയെ പോലീസ് അറസ്റ്റ് ചെയ്തത്.