ഇടുക്കിയില്‍ ആദിവാസി പെണ്‍കുട്ടി അമ്മ ശകാരിച്ചതിൽ മനംനൊന്ത് ജീവനൊടുക്കി

ഇടുക്കി: അമ്മ ശകാരിച്ചതിൽ മനംനൊന്ത് ആദിവാസി പെണ്‍കുട്ടി ജീവനൊടുക്കി. രാവിലെ വീടിന് സമീപം തൂങ്ങിമരിച്ച നിലയിലാണ് പെൺകുട്ടിയെ കണ്ടെത്തിയത്. പതിനേഴുകാരിയായ പെണ്‍കുട്ടിയെ അമ്മ വഴക്ക് പറഞ്ഞു. തുടർന്ന് പെൺകുട്ടി ബന്ധുവായ 21 കാരിക്കൊപ്പം വീട്ടിൽ നിന്ന് പോയി.

Also Read: ഗര്‍ഭിണിയെ ബലാത്സംഗം ചെയ്ത സന്ന്യാസി അറസ്റ്റില്‍; ഗര്‍ഭനിരോധന ഉറകളും പെന്‍ഡ്രൈവുകളും ലാപ്‌ടോപ്പും പിടിച്ചെടുത്തു

മൊബൈല്‍ ഫോണിലൂടെ ബന്ധുക്കളെ വിളിച്ച് വിവരം അറിയിച്ചു. ഇവര്‍ക്കായി വീട്ടുകാര്‍ തിരച്ചില്‍ നടത്തിയെങ്കിലും കണ്ടെത്താന്‍ ആയില്ല. ഇതോടെ മക്കളെ കാണാനില്ലെന്ന് വീട്ടുകാർ പോലീസിൽ പരാതി നല്‍കി. കഴിഞ്ഞ ദിവസം ഇരുവരെയും പോലീസ് കണ്ടെത്തി വീട്ടിലേക്ക് കൊണ്ടുവന്നു. തുടര്‍ന്ന് കൗൺസിലിങിനായി അടിമാലിയിൽ കൊണ്ടുപോകാനിരിക്കെയാണ് പെൺകുട്ടി ജീവനൊടുക്കിയത്.

Also Read: ഒറ്റപ്പാലത്ത് മോഷ്ടിച്ചു കടത്താന്‍ ശ്രമിച്ച കാര്‍ അപകടത്തില്‍പ്പെട്ടു; പ്രതി അറസ്റ്റില്‍

ബന്ധുവായ 21 കാരി ഈ വിവരമറിഞ്ഞതോടെ വിഷം കഴിക്കുകയായിരുന്നു. ഇവരെ ഗുരുതരാവസ്ഥയിൽ എറണാകുളം ജനറൽ ആശുപത്രിയിൽ പ്രവേശിപ്പിച്ചിരിക്കുകയാണ്. മരിച്ച പെൺകുട്ടിയുടെ മൃതദേഹം പോസ്റ്റ്മോർട്ടത്തിനായി കോട്ടയം മെഡിക്കൽ കോളജിലേക്ക് മാറ്റി.