വീടിന് പുറത്തിറങ്ങാൻ പെൺസുഹൃത്ത് തയ്യാറായില്ല; മനംനൊന്ത് യുവാവ് ജീവനൊടുക്കി

മീററ്റ്: വീടിന് പുറത്തിറങ്ങാൻ പെണ്‍സുഹൃത്ത് തയ്യാറാകാത്തതിൽ മനംനൊന്ത് പന്ത്രണ്ടാം ക്ലാസുകാരൻ ആത്മഹത്യ ചെയ്തു. അക്ബര്‍പുര്‍ സ്വദേശിയായ ആസിഫ് അലി(21)യാണ് സ്വയം വെടിയുതിര്‍ത്ത് മരിച്ചത്. മീററ്റ് ബഹ്‌സുമ മേഖലയില്‍ താമസിക്കുന്ന പെണ്‍കുട്ടിയുടെ വീട്ടില്‍ ചൊവ്വാഴ്ച വൈകിട്ടായിരുന്നു സംഭവം.

ലോക്ഡൗണിനിടെ കഴിഞ്ഞദിവസം ആസിഫ് അലി പെണ്‍കുട്ടിയുടെ വീട്ടിലെത്തിയിരുന്നു. തുടര്‍ന്ന് പുറത്തുപോകണമെന്നും തനിക്കൊപ്പം വരണമെന്നും ആസിഫ് പെൺകുട്ടിയോട് ആവശ്യപ്പെട്ടു. എന്നാൽ പെൺകുട്ടി വിസമ്മതിച്ചു. ഇതിൽ പ്രകോപിതനായ യുവാവ് കൈയിലുണ്ടായിരുന്ന നാടന്‍ തോക്ക് ഉപയോഗിച്ച് സ്വയം വെടിയുതിർക്കുകയായിരുന്നു.

Also Read: ഐക്യദീപത്തിൽ പങ്കെടുത്തില്ലെന്ന് ആരോപിച്ച് ദളിത് കുടുംബത്തിന് നേരെ ആക്രമണം; മൂന്ന് പേർ അറസ്റ്റിൽ

വയറിന്റെ ഭാഗത്ത് ഗുരുതരമായി പരിക്കേറ്റ യുവാവിനെ ആശുപത്രിയിലെത്തിച്ചെങ്കിലും ചികിത്സയിലിരിക്കെ മരണപ്പെടുകയായിരുന്നു.