പ്രായപൂർത്തിയാകാത്ത ആൺകുട്ടിയെ പീഡിപ്പിച്ചു; 23കാരൻ അറസ്റ്റിൽ

തൃശ്ശൂർ: പ്രായപൂർത്തിയാകാത്ത ആൺകുട്ടിയെ ലൈംഗികമായി പീഡിപ്പിച്ച 23കാരനെ പോലീസ് അറസ്റ്റ് ചെയ്തു. ചാവക്കാട് പുന്ന കാഴുങ്ക വീട്ടിൽ അറുമുഖന്റെ മകൻ ലാലു എന്ന രാഹുലാണ് അറസ്റ്റിലായത്. പോക്സോ ഉൾപ്പടെയുള്ള വകുപ്പുകൾ പ്രകാരം കേസെടുത്താണ് പോലീസ് ഇയാളെ അറസ്റ്റ് ചെയ്ത്.

ഈ മാസം ആറാം തീയതിയാണ് കേസിനാസ്പദമായ സംഭവം നടക്കുന്നത്. വിദ്യാർഥിയെ പീഡിപ്പിച്ചതിനുശേഷം പ്രതി ഒളിവിൽ കഴിയുകയായിരുന്നു. സംഭവവുമായി ബന്ധപ്പെട്ട് കുട്ടിയുടെ മാതാപിതാക്കൾ നല്‍കിയ പരാതിയിലാണ് പോലീസ് കേസെടുത്ത് അന്വേഷണം ആരംഭിച്ചത്. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.

Also Read: പത്തനാപുരത്ത് കാട്ടാന ചരിഞ്ഞത് കൈതച്ചക്കയിലെ പന്നിപ്പടക്കം പൊട്ടി; മൂന്നുപേർ പിടിയിൽ

എസ്ഐമാരായ കെപി ആനന്ദ്, യുകെ ഷാജഹാൻ, എഎസ്ഐ സുനു, സിപിഒമാരായ മിഥുൻ, സുശീല എന്നിവരാണ് അന്വേഷണ സംഘത്തിലുണ്ടായിരുന്നത്.