ഭർത്താവുമായി ഇടയ്ക്കിടെ വഴക്ക്; ഭാര്യ സ്വയം തീകൊളുത്തി മരിച്ചു

പഞ്ചാബ്: ഭര്‍ത്താവുമായി ഇടയ്ക്കിടെ വഴക്കിടുന്നതില്‍ മനം നൊന്ത് ഭാര്യ സ്വയം തീകൊളുത്തി മരിച്ചു. പഞ്ചാബിലെ ലുധിയാനയിലാണ് സംഭവം നടക്കുന്നത്. 24 കാരിയായ യുവതി ഭർത്താവുമായി എന്നും വഴക്കായിരുന്നു. കഴിഞ്ഞ ദിവസം ഉണ്ടായ വാക്കു തര്‍ക്കമാണ് മരണത്തില്‍ എത്തിയത്. 80 ശതമാനം പൊള്ളലേറ്റ യുവതി ഇപ്പോൾ ആശുപത്രിയിൽ ചികിത്സയിലാണ്.

Also Read: വിക്ടേഴ്സ് ചാനലിലൂടെ ക്ലാസെടുത്ത അധ്യാപികമാരെ അവഹേളിച്ച സംഭവം; വനിതാ കമ്മീഷൻ കേസെടുത്തു

നാല് വർഷം മുമ്പാണ് ഇവരുടെ വിവാഹം കഴിഞ്ഞത്. ഒമ്പത് മാസം പ്രായമുള്ള മകൾക്കും മൂന്ന് വയസുള്ള മകനും, മാതാപിതാക്കൾക്കൊപ്പവുമാണ് ദമ്പതികൾ താമസിച്ചിരുന്നത്. ഭർത്താവുമായും അമ്മായിയമ്മയുമായും യുവതി അത്ര നല്ല ബന്ധത്തില്ലായിരുന്നില്ലെന്ന് ബന്ധുക്കള്‍ പറയുന്നു. പോലീസിന് യുവതി നല്‍കിയ മൊഴി പ്രകാരം നിസ്സാര പ്രശ്‌നങ്ങള്‍ക്ക് അവർ തന്നെ പീഡിപ്പിക്കുമെന്നും താന്‍ ജോലി ഉപേക്ഷിക്കാന്‍ കാരണം അമ്മായിമ്മയും ഭര്‍ത്താവും ആണെന്ന് യുവതി പോലീസിനോട് പറഞ്ഞു.

Also Read: തങ്കു പൂച്ചേ,മിട്ടു പൂച്ചേ,, ടീച്ചർ വേറെ ലെവലാണ് മക്കളേ!! കട്ട സപ്പോർട്ടുമായി ട്രോളന്‍മാര്‍

എന്നാല്‍ കഴിഞ്ഞ ദിവസം മുതല്‍ യുവതി വീണ്ടും ജോലിക്ക് പോയി തുടങ്ങി. ഞായറാഴ്ച വൈകുന്നേരം രണ്ട് മക്കള്‍ക്കൊപ്പം അമ്മായിയമ്മ പുറത്ത് പോയിരുന്നു. ജോലി കഴിഞ്ഞ് മടങ്ങിയെത്തിയ യുവാവ് യുവതിയുമായി വഴക്ക് ആരംഭിച്ചു. തുടര്‍ന്ന് രാത്രി എട്ടരയോടെ ശരീരത്തിൽ മണ്ണെണ്ണ ഒഴിച്ച് സ്ത്രീ സ്വയം തീകൊളുത്തി. സംഭവത്തില്‍ അന്വേഷണം ആരംഭിച്ചിട്ടുണ്ടെന്ന് പോലീസ് അറിയിച്ചു.