വിവാഹാഭ്യര്‍ത്ഥന നിരസിച്ച യുവതിയെ തീകൊളുത്തി കൊല്ലാൻ ശ്രമം

കൊല്ലം: കൊല്ലം ഇരവിപുരത്ത് വിവാഹാഭ്യര്‍ത്ഥന നിരസിച്ച യുവതിയെ പെട്രോള്‍ ഒഴിച്ച് തീകൊളുത്തി കൊല്ലാൻ ശ്രമം. വീടിൻ്റെ ഓടിളക്കി യുവതിക്കു മേൽ പെട്രോള്‍ ഒഴിക്കുയായിരുന്നു. യുവതി ഓടി രക്ഷപ്പെട്ടതുകൊണ്ട് അപകടം ഒഴിവായി. സംഭവത്തിൽ വർക്കല സ്വദേശി ഷിനു (25)നെ പൊലീസ് അറസ്റ്റ് ചെയ്തു.

യുവതിയെ വിവാഹം ആലോചിച്ച് ഷിനു കുടുംബത്തെ സമീപിച്ചിരുന്നു. എന്നാൽ ജാതകം ചേരാത്തതിനെ തുടര്‍ന്ന് വീട്ടുകാരും യുവതിയും വേണ്ടെന്ന് വച്ചു. ഇതിൻ്റെ വൈരാഗ്യത്തിലാണ് യുവതിയെ കൊലപ്പെടുത്താൻ ശ്രമം നടത്തിയത്. ഇയാളെ റിമാൻഡ് ചെയ്തു.