പെണ്‍കുഞ്ഞ് ജനിച്ചത് ഇഷ്ടപ്പെട്ടില്ല; മകളെ ശ്വാസം മുട്ടിച്ച് കൊലപ്പെടുത്തി അച്ഛന്‍

പെണ്‍കുഞ്ഞ് ജനിച്ചത് അറിഞ്ഞ് ഇഷ്ടപ്പെടാത്ത അച്ഛന്‍ മകളെ ശ്വാസം മുട്ടിച്ച് കൊലപ്പെടുത്തി. വായിലേക്ക് വിരൽ കൊണ്ട് അമര്‍ത്തിയാണ് അച്ഛന്‍ മകളെ കൊന്നത്. ഹിമാചൽ പ്രദേശിലെ മണ്ഡി ജില്ലയിലെ ഒരു ഗ്രാമത്തിൽ ആണ് സംഭവം നടന്നത്. ബുധനാഴ്ച വൈകിട്ടാണ് ജനിച്ച ഉടനെ കുഞ്ഞിനെ അച്ഛന്‍ കൊന്നത്.

Also Read: പശു ഇറച്ചി കടത്തിയെന്ന് ആരോപിച്ച് യുവാവിനെ ചുറ്റികയ്ക്ക് അടിച്ചു; നോക്കി നിന്ന് പോലീസ്

ഇയാളുടെ ഭാര്യയാണ് വെള്ളിയാഴ്ച പോലീസിനെ സമീപിച്ച് പരാതി നൽകിയത്.എട്ട് വർഷം മുമ്പാണ് ഇവര്‍ വിവാഹിതരായത്. ദമ്പതികൾക്ക് രണ്ട് മക്കളുണ്ട്. ഏഴ്, നാല് വയസ്സുള്ള ഒരു പെൺകുട്ടിയും ആൺകുട്ടിയും ആണ് ഉള്ളത്. രണ്ട് ആൺമക്കളുണ്ടാകാൻ തന്‍റെ ഭര്‍ത്താവ് ആഗ്രഹിച്ചിരുന്നു. ഇപ്പോള്‍ ജനിച്ചത് പെണ്‍കുട്ടി ആയതിനാല്‍ ആണ് ഭര്‍ത്താവ് കുഞ്ഞിനെ കൊന്നത് എന്ന് യുവതി പോലീസില്‍ നല്‍കിയ പരാതിയില്‍ പറയുന്നു.

Also Read: നൂറോളം പേരെ കൊന്ന് മുതലകൾക്ക് എറിഞ്ഞുകൊടുത്തു; വൃക്ക മാഫിയ ഭരിച്ച കൊടും കുറ്റവാളി ഡോക്ടർ

പെണ്‍കുഞ്ഞ് ആണെന്നറിഞ്ഞ യുവാവ് കുഞ്ഞിനെ തലകീഴായി പിടിച്ച് വായിലേക്ക് വിരൽ ചേർത്ത് കൊലപ്പെടുത്തി. പിന്നീട്, നവജാതശിശുവിന്റെ ശരീരവുമായി വീട് വിട്ടുപോയി. മടങ്ങിയെത്തിയ അദ്ദേഹം കുട്ടിയെ അടക്കം ചെയ്തതായി തന്നോട് പറഞ്ഞെന്ന് ഭാര്യ പോലീസില്‍ നല്‍കിയ പരാതിയില്‍ പറയുന്നു.