വിവാഹത്തിന്റെ മൂന്നാം ദിനം ഭാര്യ ഉപേക്ഷിച്ചു പോയി; യുവാവ് ജീവനൊടുക്കി

കോയമ്പത്തൂർ: വിവാഹിതരായതിന്റെ മൂന്നാം ദിനം ഭാര്യ ഉപേക്ഷിച്ചു പോയതിനെത്തുടർന്ന് യുവാവ് ജീവനൊടുക്കി. എൻ ഗോവിന്ദരാജ് (29) ആണ് ജീവനൊടുക്കിയത്. തമിഴ്നാട്ടിലെ സെന്നൂർ പോലീസ് സ്റ്റേഷൻ പരിധിയിലാണ് സംഭവം. യുവതിയുടെ പിതാവ് അധിക്ഷേപിച്ചതിനെത്തുടർന്നാണ് യുവാവ് ആത്മഹത്യ ചെയ്തതെന്നാണ് ആരോപണം.

Also Read: 80,000 രൂപയ്ക്ക് കുട്ടിയെ വാങ്ങി; സാമൂഹ്യ പ്രവർത്തക ഇടനിലക്കാരി; മൂന്നുപേർ അറസ്റ്റിൽ

സംഭവം ഇങ്ങനെ, സെപ്തംബർ ആറിനാണ് ഗോവിന്ദരാജിന്റേയും അയൽക്കാരിയായ ബി മഞ്ജുള ദേവിയും (20) തമ്മിലുള്ള വിവാഹം നടന്നത്. യുവതിയും യുവാവും തമ്മിൽ പ്രണയത്തിലായിരുന്നു. എന്നാൽ യുവാവുമായിലുള്ള ബന്ധത്തെ യുവതിയുടെ മാതാപിതാക്കൾ എതിർത്തു. തുടർന്ന് സുന്ദക്കമുത്തുറിലെ ക്ഷേത്രത്തിൽ വെച്ച് ഇരുവരും വിവാഹിതരാകുകയായിരുന്നു.

മകനും ഭാര്യക്കും ഞങ്ങൾ പിന്തുണ നൽകിയിരുന്നുവെന്ന് ഗോവിന്ദരാജിന്റെ മാതാവ് കാഞ്ചന പറയുന്നു. എന്നാൽ യുവതിയുടെ പിതാവ് ബാലബ്രാഹ്മണ്യൻ, മാതാവ് രാജേശ്വരി, മുത്തശി ശശികല എന്നിവർ വിവാഹത്തെ എതിർത്തു. സെപ്തംബർ ഏഴിന് ഇരു കുടംബങ്ങളും തമ്മിൽ തർക്കം ഉണ്ടായിരുന്നു.

Also Read: നേര്‍ച്ചപ്പെട്ടികള്‍ ക്ഷേത്ര മുറ്റത്ത്; മൂന്ന് പൂജാരികളെ അതിക്രൂരമായി കൊന്ന് കവര്‍ച്ചാ സംഘം

തുടർന്ന്, യുവാവിന്റെ മാതാവ് കാഞ്ചന പോലീസിൽ പരാതി നൽകി. ചൊവ്വാഴ്ച ഇരു കുടുംബങ്ങളേയും പോലീസ് സ്റ്റേഷനിലേക്ക് വിളിപ്പിച്ചു. സ്റ്റേഷനിൽ വെച്ചുള്ള ചർച്ചയിൽ മാതാപിതാക്കൾക്കൊപ്പം പോകുകയാണെന്ന് യുവതി വ്യക്തമാക്കി. താലിമാല ഊരി നൽകുകയും ചെയ്തു. ചൊവ്വാഴ്ച രാത്രി യുവതിയുടെ പിതാവ് ഗോവിന്ദരാജിനെ അധിക്ഷേപിച്ചുവെന്നാണ് പരാതിയിൽ പറയുന്നത്. ബുധനാഴ്ച പുലർച്ചെയാണ് യുവാവിനെ തൂങ്ങി മരിച്ച നിലയിൽ കണ്ടെത്തിയത്. യുവതിയുടെ മാതാപിതാക്കൾക്കെതിരെ നടപടി വേണമെന്നാണ് പരാതിയിൽ പറയുന്നത്.

(ശ്രദ്ധിക്കുക: ആത്മഹത്യ ഒന്നിനും പരിഹാരമല്ല, നിങ്ങള്‍ ഒറ്റയ്ക്കല്ല. സഹായം തേടാം ഉടനെ. ദയവായി വിളിക്കൂ: ദിശ ഹെല്‍പ്പ്‍ലൈന്‍ - 1056 (ടോള്‍ ഫ്രീ)