കരിപ്പൂർ വിമാനത്താവളത്തിൽ നിന്ന് 1.65 കോടിയുടെ സ്വർണം പിടിച്ചെടുത്തു; രണ്ട് പേർ പിടിയിൽ

കോഴിക്കോട്: കരിപ്പൂർ രാജ്യാന്തര വിമാനത്താവളത്തിൽ കോടിക്കണക്കിന് രൂപയുടെ സ്വർണവേട്ട. രണ്ട് യാത്രക്കാരിൽ നിന്നായി 3.701 കിലോഗ്രാം സ്വർണം പിടികൂടി. പിടിച്ചെടുത്ത സ്വർണത്തിന്റെ മൂല്യം ഏകദേശം 1.65 കോടി രൂപയാണെന്ന് വാർത്താ ഏജൻസിയായ എഎൻഐ റിപ്പോർട്ട് ചെയ്‌തു.

Also Read: കേരളത്തിൽ ഇന്ന് 10606 പേർക്ക് കൊവിഡ്-19 സ്ഥിരീകരിച്ചു; 6161 രോഗമുക്തി


ദുബായിയിൽ നിന്ന് കരിപ്പൂരിൽ എത്തിയ കോഴിക്കോട് താമരശേരി സ്വദേശി ഷാനവാസ് എയർ ഇന്ത്യ എക്‌സ്‌പ്രസ് വിമാനത്തിലെ യാത്രക്കാരനായ എംവി സൈനുദ്ദീൻ എന്നിവരിൽ നിന്നാണ് സ്വർണം പിടികൂടിയത്.

എയർ കസ്‌റ്റംസ് ഇൻ്റലിജൻസ് ഉദ്യോഗസ്ഥരാണ് സ്വർണം പിടിച്ചെടുത്തത്. ദുബായിൽ നിന്ന് കരിപ്പൂരിൽ വിമാനത്താവളത്തിൽ രണ്ട് യാത്രക്കാരും പേസ്‌റ്റ് രൂപത്തിലാക്കി സ്വർണം കടത്താൻ ശ്രമിക്കുന്നതിനിടയിലാണ് പിടിയിലായത്.

Also Read: ദുരഭിമാനക്കൊല: ഗർഭിണിയായ പതിനാലുകാരിയെ പിതാവ് കൊലപ്പെടുത്തി, സംഭവം യുപിയിൽ

ഇന്നു രാവിലെ ഒരു കിലോയിൽ കൂടുതൽ സ്വർണം വിമാനത്താവളത്തിൽ നിന്ന് പിടിച്ചിരുന്നു. ഇതിന് പുറമെയാണ് ഇപ്പോൾ മൂന്നു കിലോയിൽ കൂടുതൽ സ്വർണം പിടിച്ചിരിക്കുന്നത്.