തെലങ്കാനയിൽ 19 കാരിയെ കൂട്ട ബലാത്സംഗം ചെയ്തു; കൃത്യം നടത്തിയത് മദ്യം നൽകിയ ശേഷം

ഹൈദരാബാദ്: തെലങ്കാനയിൽ 19 കാരിയെ മൂന്നു പേർ ചേർന്ന് കൂട്ടബലാത്സംഗം ചെയ്തു. പ്രതികളിൽ ഒരാൾക്ക് പ്രായപൂർത്തിയായിട്ടില്ലെന്ന് പോലീസ് വ്യക്തമാക്കി. ആളൊഴിഞ്ഞ സ്ഥലത്തേക്ക് ബലമായി തട്ടിക്കൊണ്ടുപോയ ശേഷമാണ് പ്രതികൾ കൃത്യം നടത്തിയത്. രംങ്കറെഡ്ഡി ജില്ലയിൽ കഴിഞ്ഞ ആഴ്ചയാണ് സംഭവം.

Also Read: ക്വാറന്‍റൈൻ കേന്ദ്രത്തിൽ അറ്റൻഡർ യുവതിയെ പീഡിപ്പിച്ചു; കൃത്യം കുഞ്ഞിനെ കൊലപ്പെടുത്തുമെന്ന് ഭീഷണിപ്പെടുത്തി

പെൺകുട്ടി നാഡെർഗുളിൽ സൃഹൃത്തുക്കളെ കണ്ട ശേഷം വീട്ടിലേക്ക് മടങ്ങുകയായിരുന്നു. ബാലാപൂരിൽ നിന്നും യുവതി ഓട്ടോയിൽ കയറി. വഴിക്കുവെച്ച് മറ്റ് രണ്ട് പ്രതികൾക്കൂടി വാഹനത്തിൽ കയറുകയും പെൺകുട്ടിയോട് മോശമായി പെരുമാറുകയും ചെയ്തു. തുടർന്ന് ആളൊഴിഞ്ഞ സ്ഥലത്ത് എത്തിച്ച ശേഷം പെൺകുട്ടിക്ക് ബലമായി മദ്യം നൽകുകയും ബലാത്സംഗം ചെയ്യുകയുമായിരുന്നു.

Also Read: യുവാവ് പെണ്‍സുഹൃത്തിന്‍റെ വീട്ടില്‍ മരിച്ച നിലയില്‍: നുണ മെനഞ്ഞ് യുവതി, കൊലപാതകമെന്ന് പോസ്റ്റ്മാര്‍ട്ടം റിപ്പോര്‍ട്ട്

പെൺകുട്ടിയും മാതാവും രാചഗൊണ്ട പോലീസ് സ്റ്റേഷനിൽ എത്തി പരാതി നൽകി. തുടർന്നുള്ള അന്വേഷണത്തിലാണ് പ്രതികളെ കണ്ടെത്തിയത്. മീർപേട്ടിൽ നിന്നുള്ള ആളാണ് പ്രായപൂർത്തി ആകാത്ത പ്രതി. മറ്റു രണ്ട് പേർ ബാലാപൂരിൽ നിന്നും ഉള്ളവരാണ്. തട്ടിക്കൊണ്ടു പോകൽ, ബലാത്സംഗം അടക്കമുള്ള വകുപ്പുകളാണ് പ്രതികൾക്കെതിരെ ചുമത്തിയിരിക്കുന്നത്.